Elder Gerrit W. Gong
Doulul eo an Jon̄oulruo Rijilōk ro
“Ilo Jabōt in Ijtōn in, Ij lan̄lōn̄ ilo aō al, ‘Aleluia,’” Elder Gerrit W. Gong eaar ba ilo kōnono eo an kein kajuon ilo kweilo̧k eo eļap āinwōt juon uwaan Doulul eo an Jon̄oulruo Rijilōk ro. “Al eo kōn iakwe in pinmuur eo an ad jerkakpeje Rilo̧mo̧o̧r ej kam̧moolol kōn inem̧m̧an eo an bujen ko … im Pinmuur eo an Jisōs Kriast.”
Elder Gong eaar joļo̧k aolep an mour ilo lan̄lōn̄ ilo inem̧m̧an in. Ejeļā bwe kajoor in bujen ko ad, kobaļo̧k ippān Pinmuur eo an Rilo̧mo̧or eo, “ekōmaron̄ im kautiejļo̧k” kōj. “Ippān doon, rej kōkōm̧am̧ņaļo̧k, kōjparok, kōkwojarjar, [im] lo̧mo̧o̧ren,” eaar ba.
Ilo juon m̧are ilo tampeļ ilo juon raan, kajoor eo an bujen ko, kobaļo̧k ippān Pinmuur eo, kar waļo̧k ilo kūlaj ko an tampeļ eo. Eaar pijaikļo̧k epepen ko an baam̧le eo an an wōnm̧aanļo̧k wōt ilo indeeo, jān eo erūtto tata nukun kar jeļā kake, Eo Kein Kajuon Dragon Gong, ļotak AD 837, ippān 36 epepen ko n̄an ajri ro jibūn make innām wōnm̧aanļo̧k wōt ilo jekjek ko jim̧or.
“Iaar jino meļeļe lio pāleō im n̄a make ke ajri ro nejin ro jinem im jemām im ro jinen im jemen ajri ro nejim, āinwōt an ajri ro jibūn ro jibūm̧ im jimmam̧ im ro jibūn im jimman ajri ro jibūm̧,” eaar ba. “Katak ko reļļap an mour in rej kōkōm̧anm̧anļo̧k jetōb ko ad ilo ad katak im katakin ilo eddo ko indeeo, ekoba ajri im eo jinen ak jemen, eo jinen ak jemen im ajri eo.”
Elder Gong eaar jerbal āinwōt juon Ritōl Eutiej Jiljilimjuonn̄oul an Kabun̄ jān Eprōļ 2010 eo im āinwōt juon uwaan Būreejtōnji eo an Jiljilimjuonn̄oul eo jān Oktoba 2015 eo. Kar rejtake āinwōt juon uwaan Doulul eo an Jon̄oulruo Rijilōk ro ilo M̧aaj 31, 2018, eo eaar kōmeļeļeik āinwōt juon “kūr ekwojarjar jān Irooj me eaar bōk kūtuwō.”
Jān 2011 n̄an 2015 eo, Elder Gong eaar jerbal āinwōt juon uwaan Eria Būreejtōnji eo an Asia, kōjem̧ļo̧k jerbal jab eo āinwōt Eria Būreejtōn. Eaar jerbal āinwōt juon mijenede ej jerbal aolep raan ilo Taiwan Taipei Mission eo, ko̧o̧njeļ euteij, ritōl an kumi an pris ro routiej, stake Jabōt Jikuuļ būreejtōn, rūkaki in Jemenere, bisop, stake mijen būreejtōn, stake būreejtōn, im Eria Jiljilimjuonn̄oul.
Elder Gong eaar bōk bachelor of arts degree eo an ilo Asian Studies im University Studies jān Brigham Young University ilo 1977 eo. Ilo 1979 eo eaar bōk master of philosophy degree im ilo 1981 doctorate ilo international relations jān Oxford University eo, ijo eaar juon Rhodes Scholar. Ilo 1985 eo eaar jerbal āinwōt special assistant n̄an undersecretary of state ilo U.S. State Department im ilo 1987 eo āinwōt special assistant n̄an U.S. ambassador ilo Beijing, China. Jino ilo 1989 eo, eaar jerbal ilo jet jerbal ko ilo Center for Strategic and International Studies ilo Washington, D.C. Eaar juon rijppan̄ n̄an būreejtōn n̄an planning im assessment ilo Brigham Young University m̧ae Eprōl 2010 eo.
Ro jibūn im jimman Elder Gong raar em̧m̧akūt tok n̄an United States jān China. Elder Gong eaar ļotak ilo Redwood City, California, USA, ilo 1953 eo. Eaar m̧areik Susan Lindsay ilo Jānwōde in 1980 eo, im rej jinen im jemen emān ajri ro im ewōr jilu jibūn ajri ro.
“Aolep men ewōr tokjāer im indeeo rej ioļapļap ilo Anij eo em̧ool emour, Jemād Indeeo em̧m̧an, im Nejin, Jisōs Krasit, im Pinmuur eo An, kar kam̧ool jān Jetōb Kwojarjar,” Elder Gong eaar ba lo ilo kweilo̧k in. “Ij ilo kautiej rikam̧ool im ilo m̧wilaļ kam̧ool kōn Kraist eo emour—E [eaar] … pād ippād ilo jinoin, E ej pād ippād n̄an jem̧ļo̧kin.”