2018
Elder Carl B. Cook
May 2018


Elder Carl B. Cook

Būreejtōnji eo an Jiljilimjuonn̄oul

Pija
Elder Carl B. Cook

Elder Carl B. Cook ej tōmak bwe jeraam̧m̧an eo jerbal ej juon iaan kōjeraam̧m̧an ko reļļap an uwaan ilo Kabun̄ eo an Jisōs Kraist im Armej ro Rekwojarjar ilo Raan-ko Āliktata. Bōtaab, eaar kile, bōk im kōļapļo̧k kūr ko ej aikuji tōmak.

Elder Cook, kar rejtake juon uwaan Būreejtōnji eo an Jiljilimjuonn̄oul eo ilo M̧aaj 31, 2018, keidi n̄an ro uwaan Kabun̄ in—ro rej jerbal jim̧or ilo branch im ward ko, doulul ko, im radik ko—n̄an “raanke ko redoulul im rekoba” ilo juon waan ettōr, ej kwaļo̧k eļapļo̧k kajoor in kōro̧o̧l.

Raanke ko redoulul im rekoba, ippān four wheel drive, “ekōm̧m̧an bwe kwon etal n̄an juon kūļaj edikļo̧k, kōm̧m̧an eļapļo̧k kajoor, im walōn̄ļo̧k,” eaar ba ilo Oktoba 2016 kweilo̧k eo eļap. “Āinwōt an kūļaj ko koba n̄an leļo̧k eļapļo̧k kajoor ilo koba, eļapļo̧k ad kajoor n̄e jej ippān doon. Ilo ad ippān doon im jerbal n̄an doon, eļapļo̧k tōprak ilo ad ippān doon jān n̄e jaar make iaad. Ekanooj kam̧ōņōņō n̄an naaj poub im ippān doon ilo ad jerbal im jipan̄ ilo jerbal eo an Irooj.”

Elder Cook kar rejtake āinwōt juon Ritōl Eutiej Jiljilimjuonn̄oul an Kabun̄ ilo Eprōļ 2, 2011 eo. M̧okta jān ijjitōn̄ eo an ekāāl, Elder Cook eaar jerbal ilo opiij ko an Kabun̄ in, ijo eaar jipan̄ kōn lale North America West Area eo, ilubwilijin eddo ko jet. Im̧aanļo̧k, eaar jerbal āinwōt Būreejtōn an Africa Southeast Area eo.

Elder Cook eaar kōketak Armej ro Rekwojarjar ilo Raan-ko Āliktata n̄an keememej bwe kūr ko ilo Kabun̄ in rej itok jān Anij kōn ro Rikarejeran ar jitōn̄ er.

“Kōjeraam̧m̧an ko rej itok ilo ad kōjparok kūr ko im eddo ko ad im dāpdep kōn aolep tōmak eo ewōr ippād.”

Elder Cook eaar bōk bachelor of arts degree eo an jān Weber State College ilo Utah im master of business administration jān Utah State University. M̧okta jān kar kūr n̄an Jiljilimjuonn̄oul eo, eaar jerbal ilo commerical real estate development.

Kūr ko an Elder Cook ekoba jerbal āinwōt juon mijenede ej jerbal aolep raan ilo Hamburg, Germary, im āinwōt juon bisop, stake būreejtōn, Eria Jiljilimjuonn̄oul, im būreejtōn an New Zealand Auckland Mijen eo.

Eaar ļotak ilo Ogden, Utah, USA ilo Oktoba 15, 1957 eo. Eaar m̧areiki Lynettee Hansen ilo Tijem̧ba 1979 eo. Rej jinen im jemen ļalem ajri ro.