Elder Carlos A. Godoy
Būreejtōnji eo an Jiljilimjuonn̄oul
Ilo kar 1980 ko, Elder Carlos A. Godoy ej kab m̧ōj kōtļo̧ke āinwōt bisop. Eaar barāinwōt kadiwōjļo̧k jān kaļōj, eaar jerbal n̄an juon kom̧bani eo ekajoor, im men̄e mour eban kar em̧m̧anļo̧k—m̧ae iien eo juon m̧ōttan jān etto ekar loļo̧k e.
In m̧ōttan eaar kōjeraam̧m̧an e bōtaab ālkin kar kajjitōk juon kajjtōk me kar kōm̧m̧an bwe en jab bōjrak: “Eļan̄n̄e kwonej wōnm̧aanļo̧k wōt n̄an mour āinwōt am̧ mour kiiō, kōjeraam̧m̧an ko kar kallim̧ur kaki ilo kōjeraam̧m̧an in petriak eo am̧ renaaj ke kūrm̧ool?”
Elder Godoy eaar kile bwe eaar aikuj in kōm̧m̧ani oktak ko eļan̄n̄e eaar kōņaan bōk aolep kōjeraam̧m̧an ko kar kallim̧ur kaki an. Jekdo̧o̧n an lem̧ōņōņō, eaar kālet n̄an kappukōt juon an master degree. Eaar kam̧ōj an jerbal, wia kake aolep men ko m̧wien, im ippān baam̧le eo an, em̧m̧akūt jān Brazil eo jeļā kake n̄an etal n̄an jikuuļ ilo United States.
Elder Godoy, kar kūr n̄an Būreejtōnji eo an Jiljilimjuonn̄oul ilo M̧aaj 31, 2018, eaar ba bwe en̄jake in kar katakin e eļap kōn lōke ilo karōk eo an Irooj im m̧ōņōņō n̄an ilo̧k jān jikin eo em̧m̧an tata ippān.
“Ijeļā bwe ewōr an Irooj karōk n̄an kōj ilo mour in,” eaar kam̧ool ilo Oktoba 2014 kweilo̧k eo eļap. “Ejeļā wōn kōj. Ejeļā ta em̧m̧antata n̄an kōj. Kōnke aolep men rem̧m̧an ejjab meļeļein bwe jejjab aikuj jān iien n̄an iien kejōkļo̧kjeņ eļan̄n̄e ewōr men raikuj em̧m̧an ļo̧k.”
Elder Godoy kar rejtake āinwōt Ritōl Eutiej Jiljilimjuonn̄oul an Kabun̄ ilo Eprōl 5, 2008 eo. Ej jerbal āinwōt Būreejtōn an South America Northwest Area eo, in naaj bōk jikin ilo Būreejtōnji eo an Jiljilimjuonn̄oul ilo Okwōj 1, 2018.
M̧okta jān kūr e n̄an Jiljilimjuonn̄oul eo, Elder Godoy eaar jerbal āinwōt juon human resources manager n̄an ruo corporation ko reļļap m̧okta jān jino kom̧bani in consuliting eo an make. Eaar bōk bachelor degree eo an ilo economics im political science jān São Paulo Pontifical Catholic University eo ilo 1987 eo, im master degree eo an ilo oganizational behavior jān Brigham Young University ilo 1994 eo.
Elder Godoy eaar jerbal āinwōt juon mijenede ej jerbal aolep raan ilo Brazil São Paulo South Mission eo, bisop, ko̧o̧njeļ eo etuiej, regional welfare agent, Eria Jiljilimjuonn̄oul, im būreejtōn an Brazil Belém Mission eo.
Eaar ļotak ilo Porto Alegre, Brazil, ilo Pāpode 4, 1961 eo. Ekar m̧areik Mônica Soares Brandao ilo M̧aaj 1984 eo, im ewōr emān nejierro ajri.