Ngaahi Talanoa Mei he Folofolá
Noa
ʻI he kuonga muʻá, naʻe fai ʻe he kakai ʻi he māmaní ha ngaahi fili hala. Naʻe fekauʻi mai ʻe he ʻOtuá ha palōfita loto-toʻa ko Noa. Naʻá ne fakahā ki he kakaí ʻoku totonu ke nau fakatomala mo ʻofa ki he ʻOtuá. Ne nau fanongo? ʻIkai! Ne nau kei fakahoko pē ha ngaahi ngāue kovi.
Naʻe folofola ʻa e ʻOtuá kia Noa te Ne fakaʻauha e ngaahi meʻa kovi ʻi he māmaní. Naʻe folofola ʻa e ʻOtuá kia Noa ke ne foʻu ha vaka lahi ne ui ko ha ʻaʻake. Naʻe tānaki ʻe Noa hono fāmilí mo e fanga manú ki loto ʻi he ʻaʻaké. Naʻe kamata leva ke ʻuha.
Naʻe ʻuha ʻi ha ʻaho ʻe 40 mo ha pō ʻe 40. Naʻe ʻufiʻufi ʻe he vaí e māmaní kotoa! Naʻe malu ʻa Noa mo hono fāmilí mo e fanga manú ʻi loto ʻi he ʻaʻaké.
Naʻe faifai pea tuʻu ʻa e ʻuhá. Naʻe holo hifo e tāfea ʻo e lōmakí. Naʻe mamata ʻa Noa ki ha ʻumata ʻi he langí. Naʻe talaʻofa ʻa e ʻOtuá he ʻikai toe ʻi ai ha lōmaki ʻi he māmaní.
Te u lava ʻo hangē ko Noá ʻo fanongo ki he Tamai Hēvaní. ʻOku ou ʻiloʻi ʻoku tauhi ʻe he ʻOtuá ʻEne ngaahi talaʻofá. ʻOku tāpuekina au ʻi he taimi ʻoku ou talangofua ai ki Heʻene ngaahi fekaú.