Gjëra të Vogla dhe të Thjeshta

2011

Prill 2011

Gjëra të Vogla dhe të Thjeshta

“Dhe nga gjëra të vogla vjen ajo që është e madhe” (DeB 64:33).

Të mësojmë nga Konferenca

Fëmijët tanë tani janë rritur dhe kanë shtëpitë e familjet e veta, por ne kemi gjetur një mënyrë të shkëlqyer për të mësuar së bashku nga fjalët e profetëve. Gjatë muajit në vijim të çdo konference të përgjithshme, unë studioj fjalimet në www.conference.lds.org dhe përzgjedh citate që japin drejtim, udhëheqje dhe ngushëllim. Unë mbledh mjaftueshëm sa të ketë një citat për çdo ditë gjatë gjashtë muajve të ardhshëm. (Për shembull, gjatë prillit, unë gjej një citat në ditë për periudhën 1 maj – 31 tetor.) Pastaj u jap kopje të këtyre citateve secilit prej fëmijëve tanë.

Si një plotësues për studimin e tyre vetjak të konferencës, këto citate të ditës shpesh bëhen një temë bisede mes pjesëtarëve të familjes. Është një përvojë e mrekullueshme të rishohim këshillën e profetëve gjatë muajve në vijim të konferencës së përgjithshme, edhe kur jetojmë shumë kilometra larg.

Kristinë Tipets, Juta, SHBA

Seminar Praktik i Shërbimit për Burime Punësimi të SHDM

Shërbimi për Burime Punësimi i SHDM ofron një seminar praktik për të ndihmuar ata që po kërkojnë punë, që dëshirojnë të regjistrohen në shkollë ose të fillojnë një aktivitet. Seminari praktik i ndihmon njerëzit të përcaktojnë synimet e tyre për karrierë dhe të krijojnë besim në aftësinë e tyre për sukses. Ai është hartuar që të jetë mësimor, ndërveprues, motivues dhe zbavitës. Individët që i zbatojnë ato që mësojnë në seminarin praktik, shpesh, janë në gjendje të gjejnë punë në më pak kohë sesa po të vepronin ndryshe.

Seminari praktik përfshin tema të tilla si dallimi i synimeve për karrierë, gjetja e burimeve për të arritur synimet e dikujt, shkrimi i të dhënave biografike dhe të përvojës së punës [CV] dhe suksesi në një punë të re.

Për të gjetur vendndodhjen e një seminari praktik, pyesni peshkopin ose presidentin e degës suaj ose vizitoni www.ldsjobs.org dhe klikoni tek “Find a Center”.

LART MAJTAS: ILUSTRIM NGA paul mann; detaj nga Shafani i Sjell Librin Josias, nga Robert T. Barrett © 1990, nuk lejohet kopjimi; Mormoni Duke Përmbledhur Fletët, nga Tom Lovell © IRI; Davidi dhe Goliathi, nga Steve Nethercott, nuk lejohet kopjimi; Shembuj të Lashtë/Premtime Moderne, nga Jeff Ward