Անդամները համաժողովը կենդանի են պահում իրենց առօրյա կյանքում

Դուք լսեցիք ուղերձները, դուք զգացիք Հոգին, դուք պարտավորվեցիք հետևել խորհուրդներին: Իսկ այժմ, երբ գերագույն համաժողովն ավարտված է, ինչպե՞ս դուք կդարձնեք այն ձեր կյանքի մասը հաջորդ վեց ամիսների ընթացքում:

Աշխարհով մեկ Եկեղեցու անդամները կիսվում են, թե ինչպես են հիշում և կիրառում գերագույն համաժողովի ուղերձները:

Դարձրեք գերագույն համաժողովը ձեր առօրյա կյանքի մասը

Լսեք ելույթները, երբ պարապում եք, մեքենա եք վարում, տան գործերն եք անում կամ պատրաստվում եք սկսել ձեր օրը:

Ջեյմս, Օնտարիո, Կանադա

Խնդրեք ընտանիքի անդամներին հերթով ընտրել ելույթներ` նախաճաշի ժամանակ լսելու համար:

Էշլի, Վաշինգտոն, ԱՄՆ

Ընտանիքով կիրակի օրերին դիտեք գերագույն համաժողովից հատվածներ:

Գրանտ, Կալիֆորնիա, ԱՄՆ

Ելույթները դարձրեք ձեր ընտանեկան երեկոների մասը:

Ընտրեք այն ուղերձները, որոնք ցանկանում եք կրկին լսել ողջ ընտանիքով և հանձնարարեք ընտանիքի անդամներին ուսուցանել դրանք գալիք ընտանեկան երեկոների ժամանակ:

Վերն և Ջենիֆեր, Յուտա, ԱՄՆ

Կարդացեք կամ դիտեք որևէ ելույթ, ապա որոշեք, թե որ նպատակներն ենք հետապնդելու ողջ ընտանիքով:

Թոնի, Արիզոնա, ԱՄՆ

Օգտագործեք ելույթները սուրբ գրությունների ուսումնասիրության համար:

Փոխարինաբար կարդացեք սուրբ գրություններն առավոտյան և գերագույն համաժողովի ելույթները` երեկոյան:

Դայան, Վաշինգտոն, ԱՄՆ

Ձեր երեխաներին ամեն երեկո քնելուց առաջ մի ուղերձ կարդացեք:

Հիթեր, Յուտա, ԱՄՆ

Ուղերձը կարդալուց հետո գտեք սուրբ գրության հղումները:

Բեքի, Յուտա, ԱՄՆ

Նշեք այն ամենը, ինչ խոսնակները հատուկ խնդրել են մեզ անել, և աշխատեք հետևել նրանց խորհրդին:

Հելեն, Ավստրալիա

Ուսումնասիրեք ըստ թեմաների

Մի ցանկ կազմեք, որտեղ կհամադրեք գերագույն համաժողովի թեմաները այն բնագավառների հետ, որոնք ցանկանում եք բարելավել ձեր կյանքում: Ուսումնասիրեք թեմաները մեկ առ մեկ, աշխատելով առաջադիմել յուրաքանչյուրի մեջ` մինչև հաջորդ գերագույն համաժողովը:

Ռեբեկա, Տեխաս, ԱՄՆ

Սուրբ գրությունների ուսումնասիրության ընթացքում մի քանի օր կամ ընտանեկան երեկոների մի քանի շաբաթների ընթացքում կենտրոնացեք մեկ որոշակի թեմայի վրա:

Ֆրենսիս, Նիգերիա

Կիսվեք ուղերձով ուրիշների հետ:

Ներառեք գերագույն համաժողովի մեջբերումները Եկեղեցու թռուցիկներում և համառոտ տպագրական նյութերում:

Թոդ, Վեստ Վիրջինիա, ԱՄՆ

Միացեք գերագույն համաժողովի գրադարանի ակումբի կամ ինքներդ հրավիրեք նման մի ակումբ, ինտերնետում կամ անձամբ: Ամեն շաբաթ ուսումնասիրեք մեկ ուղերձ և պատրաստված եկեք ակումբ` ձեր մտքերով կիսվելու համար:

Ստեֆանի, Յուտա, ԱՄՆ