Mei he Moʻui ʻa e Palōfita ko Siosefa Sāmitá
Ko Hono Pulusi ʻo e Tohi ʻa Molomoná
Naʻe toʻo mei he Ngaahi Akonaki ʻa e Kau Palesiteni ʻo e Siasí: Siosefa Sāmita (Lēsoni ʻa e Lakanga Taulaʻeiki Faka-Melekisētekí mo e Fineʻofá, 2007), 9–10, 155–56; mo e History of the Church, 1:71–81.
ʻI he 1829, naʻe ʻosi ai hono liliu ʻe Siosefa Sāmita ʻo e Tohi ʻa Molomoná, pea tokoni ki ai ʻa ʻŌliva Kautele ko ʻene tangata tohí.
ʻE ʻŌliva, ʻoku fiefia mai ʻa e ʻEikí kiate kitaua.
Ko e meʻa pē ʻoku fie maʻu he taimi ní ke pulusi e tohi mahuʻingá ni.
Naʻe ʻalu ʻa Siosefa mo ʻŌliva ki Palemaila, ʻi Niu ʻIoke, ʻo talanoa mo ha tangata fai paaki ko ʻIkipeti B. Kalanitini.
ʻOkú ma fie maʻu ha tatau ʻe 5,000 ʻo e tohí ni ʻi he vave tahá.
Ko e totongi ki aí ko e $3,000. Mahalo ʻe laka hake he taʻu ʻe tahá hono pākí he ʻoku lahi e ʻū tatau ʻokú mo fie maʻú pea ko ha fuʻu tohi lahi ia.
Hili mei ai ha ngaahi māhina naʻe hohaʻa ʻa Misa Kalanitini naʻa ʻikai totongi ia ʻe Siosefa. Naʻe taʻofi leva hono paaki e Tohi ʻa Molomoná kae ʻoua kuó ne ʻiloʻi fakapapau.
Ne u nō ʻo maluʻiʻaki hoku fāmá ke paaki e Tohi ʻa Molomoná. ʻOku totonu leva ke ʻoua ʻe toe hohaʻa ʻa Misa Kalanitini.
Meʻa fakaʻofoʻofa ia, Māteni!
Naʻe ʻi ai ha mīsini paaki foʻou ʻa Misa Kalanitini ʻo toe vave ai e pākí ia ʻo laka ange he ngaahi mīsini paaki ki muʻá. Ka naʻe kei taimi lōloa pē ʻene ngāué.
ʻE Misa Kalanitini, kuo mei ʻosi ʻema ngāué, ka ko e māhina pē ʻeni ʻe fitu!
ʻOku ʻikai fuʻu mahino kiate au pe naʻe hoko fēfē ʻeni.
ʻI he ʻosi pē hono pulusi e Tohi ʻa Molomoná, naʻe fekau ʻe he ʻEikí kia Siosefa ke fokotuʻu e Siasí. ʻI he ʻaho 6 ʻo ʻEpeleli 1830, ne fakataha ai ha kakai ʻe toko 60 nai ki he ʻapi ʻo Pita Uitemā ko e Lahí.
Mālō e lelei, ʻe hoku kāinga ʻofeina.
Naʻe hikinimaʻi ʻe he kāingalotú ʻa Siosefa ko e palōfita pea nau maʻu e sākalamēnití.
Neongo ne kamataʻaki ʻe he Siasí ha tokosiʻi pē, ka naʻe fakahā ki mui ʻe Siosefa ʻa hono ikuʻangá, ki ha kau tangata Siasi ʻi Ketilani.
ʻOku mou mamata ki ha kau maʻu lakanga fakataulaʻeiki tokosiʻi pē heni he pooni, ka ʻe fakafonu ʻe he Siasí ʻa ʻAmelika Noate mo Saute—te ne fakafonu ʻa e māmaní.
Ngaahi tā fakatātā ʻa Sal Velluto mo Eugenio Mattozzi