Ko Hono Fakahaaʻi ʻo e Tuí

Melinitā Molisoni, ʻAositelēlia Hihifo, ʻAositelēlia

Ne kamata pē ʻeku saiʻia he ʻinisititiutí heʻeku kei ʻi he seminelí. Ne u kau ki he Siasí ʻi hoku taʻu 14, pea ne u fie maʻu ha ʻilo lahi ange. Ne u fiefia he ako ki he ongoongoleleí peá u ʻofa ʻi he ngaahi kaungāmeʻa mo e kau faiako angalelei ne mau feohí.

Naʻe ʻi ai e ngaahi taimi naʻe faingataʻa ai e ʻalu ki he seminelí. ʻOku ʻikai ke Siasi hoku fāmilí, pea naʻe ʻikai ke nau poupouʻi ʻeku ʻalu ki aí. Ka naʻe tokoniʻi au ʻe ha Kāingalotu kehe ʻo lava ai ke u ʻalu ki he kalasi semineli pongipongí. Naʻe lava ke sio hoku fāmilí ki heʻeku kau fakamātoato ki he Siasí. Ko e founga ia ne u lava ʻo ʻaluʻaki he maile kehe ʻe tahá.

Naʻe hangē pē hono fakatupulaki ʻeku moʻuí ʻe he seminelí ʻi hoku taʻu hongofulu tupú, mo hono fakatupulaki ʻe he ʻinisititiutí ʻeku moʻuí lolotonga ʻeku hoko ko ha tokotaha lahi kei talavoú. Kuó u mataʻikoloa ʻaki ʻa e ngaahi folofola ʻa Kalaisí ʻi hoku lotó pea ʻi hoku ʻatamaí (vakai, T&F 6:20; 84:85). Naʻe tokoniʻi au ʻe he ngaahi akonaki ko ʻení ke toe ola lelei ange ʻeku ngāue maʻá e ʻEikí ʻi heʻeku hoko ko ha faifekaú.

ʻOku ou fakamālō koeʻuhí ko e ʻinisititiutí peá u ʻiloʻi ko ha polokalama ia ʻoku tataki fakalaumālie he kuó u mamata ki hono ngaahi tāpuakí ʻi heʻeku moʻuí pea ʻi he moʻui ʻa e niʻihi kehé.