Ko Hono Fakamālohia ʻEku Fakamoʻoní

ʻAlapeto ʻAvilesi Lotilikesi, Mekisikou

ʻOku ou ʻohovale maʻu pē he meʻa ʻoku lava ke u ako ʻi he ʻinisititiutí. ʻOku ʻikai te u manatuʻi ha taimi ne u ʻalu ai ʻo kalasi peá u foki mei ai kuo ʻikai te u ako ha meʻa foʻou pe mahino lelei ange ha tefitoʻi moʻoni ʻo e ongoongoleleí. Ne tupu mei ai ʻa e liliu ʻa ʻeku moʻuí.

ʻOku kau he ngaahi tāpuaki lahi kuó u maʻu ʻi he ʻalu ki he ʻinisititiutí ʻa e lelei ange ʻemau fetuʻutaki fakafāmilí pea lahi ange ʻemau manako ʻi he folofolá. Kuó ne fakatupulaki foki mo ʻeku fakamoʻoní. Ki muʻa peá u ʻalu ki he ʻinisititiutí, naʻe ʻikai te u fakapapauʻi pe ne u fie ʻalu koā ʻo ngāue fakafaifekau. Kuó u ʻiloʻi ʻeni ʻoku fie maʻu ke u ngāue fakafaifekau.

Kuó u aʻusia ha taimi fakaʻofoʻofa ʻi he ʻinisititiutí. Kuo tokoni ia ke mahino kiate au e ngaahi tuʻunga moʻui ʻa e Siasí peá u talangofua ki ai. Ko e ngaahi tokāteline ʻo e Siasí ʻoku fakafou ai hono maʻu ʻo e fakamoʻuí mo e hākeakiʻí, pea ʻoku ou houngaʻia ʻi he lava ke u ako ki ai ʻi he ʻinisititiutí.