Silvia H. Allred
Fesoasoani Muamua i le Au Peresitene Aoao a le Aualofa

Ata

Ina ua na o le 16 ona tausaga, na maua ai e Silvia Henriquez Allred, lea na valaauina talu ai nei e avea ma fesoasoani muamua i le au peresitene aoao o le Aualofa, se fiafiaga mo le Aualofa.

“E le’i leva talu ona papatisoina o ia, ae valaauina lou tina o se peresitene o le Aualofa i le matou paranesi i El Salvador,” o le faamatalaga lea a Sister Allred. “Sa matuai lofituina o ia, ae na ma tauina atu ia te ia ma lou uso [o le foi na le’i leva ona liliu mai], ‘O le a lelei [mea uma]. O le a fesoasoani atu le Alii ia te oe.’ Ma sa Ia faia lava.”

A o auauna atu Sister Allred o se failautusi i le Aualofa i tafatafa o lona tina, sa faagaeetia o ia i avanoa na ofoina atu e le Aualofa i tulaga faaleautaitai, aoaoga, tomai faatausiaiga, ma auaunaga—o avanoa ia na taua e Sister Allred o loo avanoa “mo tamaitai uma o e taliaina le talalelei a Iesu Keriso.”

Na soifua mai Sister Allred ia Carlos Florentino Henriquez ma Hilda Alvarenga i le aso 11 o Oketopa, 1944, i San Salvador, El Salvador, o le lona fa o se fanau e toavalu. Na aoga o ia i le Iunivesite o Arizona, Iunivesite o Polika Iaga, ma le Inisititiuti o General Francisco Morarzan i El Salvador, na aoaoina ai le matematika ma gagana.

Na faaipoipo atu o ia i a Jeffry A. Allred i le aso 7 o Setema, 1966, i le Malumalu o Sate Leki. Ma e toavalu o laua alo.

Na auauna atu Sister Allred o se faifeautalai faamisiona i le Misiona a Amerika Tutotonu, o se peresitene o le Aualofa ma le Peraimeri i le uarota ma le siteki, ma o se tasi o le au taitai aoao a Tamaitai Talavou. Na la auauna atu foi ma lona toalua ina ua pulefaamalumalu o ia i le Misiona a Paraguay Asuncion, ma na aupito lata mai nei, a o pulefaamalumalu i le Nofoaga Autu e Aoaoina ai Faifeautalai i Dominican Republic. Na avea foi le au Allreds o ni faifeautalai o le va i fafo i Madrid, Sepania.

Fai mai Sister Allred i lona olaga atoa, sa faalagolago lava o ia i mea na ia aoaoina i lona tofiga muamua lava i le Aualofa: “O loo silafia e le Tama Faalelagi o tatou manaoga. Ou te iloa Na te tuuina mai ia i tatou le malosi.”