Mary N. Cook
Fesoasoani Lua i le Au Peresitene Aoao a Tamaitai Talavou

Ata

Ia e faatuatua ia Ieova ma lou loto atoa“ (Faataoto 3:5) o se taiala moni mo Mary Nielsen Cook, fesoasoani lua i le au peresitene aoao a Tamaitai Talavou.

Na soifua mai i Midvale, Iuta, i le aso 8 o Iuni, 1951, na aoao e Sister Cook ia faalagolago i le Alii mai faataitaiga a ona matua o Kenneth N. ma Fern S. Nielsen. Na pagatia lona tama i ni faafitauli ogaoga o le soifua maloloina, na aafia ai i se faalavelave a o eli maina, a o laitiiti lava Sister Cook. Mo se taimi, na avea ai lona tina ma le tagata e toatasi na tausia le aiga. O se taimi tofotofoina lena.

I lona talavou, sa moemiti o ia ina ia faaipoipoina ma le tulaga faatina, ae na nofofua o ia mo le tele o tausaga. “O nisi taimi, na ou mafaufau ai, pe mata o le a faataunuuina au miti,” na taua ai e Sister Cook. “Ae sa ou taumafai ia ou maua le faatuatua ma taulai atu i faamanuiaga na ou maua.”

I le taimi lena, na maua ai ona faailoga o le tagata malaga ma le matuaofaiva i le suesueina o faamai i le tautala ma le leo o se EdS (Education Specialist) mai le Iunivesite o Polika Iaga. Sa galue o ia o se faiaoga mo aoaoga faapitoa ma na avea mulimuli ai ma se taitai i le aoga.

I le aso 16 o Iulai, 1988, na faaipoipo ai o ia i a Richard E. Cook, o le na mulimuli ane auauna atu o se tasi o le Korama Lona Lua o le Au Fitugafulu, i le Malumalu o Sate Leki. I le taimi lena, fai mai a Sister Cook “na ia mauaina ai se fanau lelei e toafa ma avea ai ma se tinamatua i se fanau e toavalu,” aua na maliu le faletua muamua o Elder Cook i le 1984. O le taimi nei ua toa 17 le fanau a le la fanau.

A o auauna atu Elder ma Sister Cook o ni faifeautalai faamisiona i Mongolia, na valaauina lona toalua e pulefaamalumalu i le misiona fou na faatoa faatuina o Mongolia. Mulimuli ane sa malaga i la’ua i Hong Kong, lea na auauna atu ai [Elder Cook] i le Au Peresitene o le Eria a Asia. Na auauna atu foi o ia o se peresitene o le Aualofa i le uarota faapea ma le au taitai aoao a Tamaitai Talavou.

E faafetai Sister Cook mo ona aafiaga ma molimau mai “po o a lava tofotofoga e oo mai ia i tatou, afai tatou te faalagolago i le Alii, o le a Ia taitaiina o tatou ala.”