Elder Michael J. Teh
O Le Au Fitugafulu

Ata

Ia Elder Michael John Teh, e tutusa lava le taua o le malaga ma le taunuuga—aemaise lava a o faimalaga ai i le olaga. Na saunoa Elder Teh, o lona valaauga o se faifeautalai faamisiona i le 1986, na faia ai se eseesega tele i lana malaga i le olaga nei, aua na faamalosia ai lana molimau i le talalelei.

“O la’u misiona o le taimi tonu lea na suia ai lo’u olaga. O se faamanuiaga ofoofogia,” o lana tala lea. “Sa ou iloa ai lo’u Tama i le Lagi ma Lona Alo, o Iesu Keriso. Sa ou iloa ai e mafai ona ou valaau atu i lo’u Tama i le Lagi i soo se taimi ma talanoa atu ia te Ia. O se punavai tele lena o le mafanafana mo a’u.”

Fai mai Elder Teh o i latou o loo feagai ma ala fekolosia’i i o latou olaga, e manaomia le i ai o se molimau, lea o le a fesoasoani ia i latou e tumau ai i luga o le ala sa’o.

“O le a faaalia mai e lo tatou Tama i le Lagi le upumoni ia te oe, pe a e saili atu ma le lototatalo ia maua sa oe lava molimau,” na ia saunoa ai. “E maeu le matagofie o le lagona o lou iloaina e oe lava ma mafai ona e molimau atu ma le mautinoa i le upumoni.”

Na soifua mai Elder Teh i ona matua o Martin ma Norma Teh i le aso 25 o Iuni, 1965, i le Aai o Davao, Davao Del Sur, Filipaina. Sa masii atu lona aiga i Manila ina ua 12 ona tausaga, ae na toe foi o ia i lona nuu ina ua maea ona valaauina o ia i le Misiona a Filipaina Davao.

Ina ua maea lana misiona, sa maua le tikeri tagata malaga o Elder Teh i le pulega o pisinisi i le Iunivesite De La Salle i Manila. O tausaga e fa ua mavae atu, sa faigaluega ai o se tusi faamautala i le Malumalu o Manila Filipaina, lea na la faaipoipo ai ma Grace May Weedon i le aso 16 o Tesema, 1989. E toatolu o laua alo.

E matua faafetai lava Elder Teh ona o avanoa e galulue ai ma taitai o le Ekalesia. Sa avea o ia ma se epikopo, fesoasoani i le peresitene o le siteki, fautua maualuga, ma fesoasoani i le peresitene o le misiona. I le taimi na valaauina ai o ia i le Korama Muamua a le Au Fitugafulu, sa avea o ia ma Fitugafulu Eria ma se Fesoasoani Lua i le Au Peresitene o le Eria i Filipaina.