Adan-ondi-Ahman

Nang nagtipon ang mga Banal sa mga Huling Araw upang ilaan ang Kirtland Temple noong 1836, inawit nila ang “Adan-ondi-Ahman,” isang himno ni William W. Phelps at kasama sa bagong-lathalang himnaryo ng mga Banal sa mga Huling Araw. Ipinagdiwang ng mga titik ang mga turo mula sa mga paghahayag ni Joseph Smith tungkol sa isang lugar na tinatawag na Adan-ondi-Ahman, kung saan ipinagkaloob ni Adan ang kanyang huling basbas sa kanyang mga inapo. Inasam din ng himno ang Ikalawang Pagparito ng Tagapagligtas, kung saan ibabalik ang Adan-ondi-Ahman sa dati nitong kariktan at kaluwalhatian.¹

Larawan ng Adan-ondi-Ahman

Modernong larawan ng Adan-ondi-Ahman.

Dalawang taon makalipas, habang naghahanap ng mga lupain kung saan maaaring manirahan ang mga Banal sa Daviess County, Missouri, natagpuan nina Joseph Smith at ng isang grupo ng mga lider ng Simbahan ang isang magandang lugar malapit sa Ilog Grand na may masaganang tubig, mga ligaw na hayop, at madamong mga parang. Nagsasalita tungkol sa isang kilalang burol sa lugar na tinatawag na Spring Hill, ipinaliwanag ng Panginoon sa isang paghahayag na ito ay Kanyang pinangalanan bilang “Adan-ondi-Ahman” dahil “ito ang lugar kung saan si Adan ay darating upang dalawin ang kanyang mga tao.”²

Nagdiwang ang mga Banal sa balitang ito, at hindi nagtagal ay nagsimulang lumipat sa lugar ang maraming pamilya. Ginamit nilang huwaran sa kanilang pamayanan ang mapa ng Sion (ang plano ni Joseph Smith para sa lunsod ng Independence, Missouri) at tumukoy ng isang lokasyon para sa isang templo.³ Inorganisa ng mga lider ang Adan-ondi-Ahman Stake noong 1838, isa sa mga unang stake ng Simbahan.⁴ Mga dalawang daang mga bahay ang itinayo, subalit ang paninirahan sa Adan-ondi-Ahman ay tumagal lamang ng ilang buwan. Hindi naglaon ay nagkaroon ng karahasan sa pagitan ng mga Banal sa mga Huling Araw at iba pang mga taga-Missouri noong taglagas ng 1838, at ang mga Banal sa Adan-ondi-Ahman ay napilitang lisanin ang kanilang mga tahanan.

Resources ng Simbahan

Jacob W. Olmstead, “Far West and Adam-ondi-Ahman: DC 115, 116, 117,” sa Matthew McBride at James Goldberg, mga pat., Revelations in Context: The Stories behind the Revelations in the Doctrine and Covenants (Salt Lake City: The Church of Jesus Christ of Latter-day Saints, 2016), 235–41.

“Adam-ondi-Ahman, Missouri,” Historic Sites, history.lds.org.

“Adam-ondi-Ahman,” josephsmithpapers.org.

Bibliograpiya

Ang mga sumusunod na lathalain ay nagbibigay ng karagdagang impormasyon tungkol sa paksang ito. Sa pagtukoy o pag-uugnay sa iyo sa mga sangguniang ito, hindi namin ine-endorso o binibigyang-garantiya ang nilalaman o mga pananaw ng mga may-akda.

Leland H. Gentry, “Adam-ondi-Ahman: A Brief Historical Survey,” BYU Studies, tomo 13, blg. 4 (Tag-init 1973), 553–76.

Robert J. Matthews, “Adam-ondi-Ahman,” BYU Studies, tomo 13, blg. 1 (Taglagas 1972), 27–35.

May Kaugnay na Paksa: Digmaang Mormon-Missouri noong 1838, Sion/Bagong Jerusalem, Far West

Mga Tala

1. Ilang unang paghahayag ay naglalaman ng impormasyon tungkol sa-Adan-ondi-Ahman. Halimbawa, ang paghahayag noong Marso 1832 ay nagpaliwanag dito na sa “dalisay na wika,” Ahman ang pangalan ng Diyos. Tingnan sa “Sample of Pure Language, between circa 4 and circa 20 March 1832,” sa Revelation Book 1, 144, josephsmithpapers.org. Tingnan din sa Robin Scott Jensen, Robert J. Woodford, at Steven C. Harper, mga pat., Revelations and Translations, Volume 1: Manuscript Revelation Books. Tomo 1 ng seryeng Revelations and Translations ng The Joseph Smith Papers, pinamatnugutan nina Dean C. Jessee, Ronald K. Esplin, at Richard Lyman Bushman (Salt Lake City: Church Historian’s Press, 2011), 204–6. Isang paghahayag noong 1835 na kilala ngayon bilang Doktrina at mga Tipan 107 ang nagpaliwanag na sa lambak ng Adan-ondi-Ahman ipinagkaloob ni Adan ang kanyang huling pagbabasbas (D at T 107:53; tingnan din sa “Instruction on Priesthood, between circa 1 March and circa 4 May 1835 [DC 107],” sa Doctrine and Covenants, 1835 ed., 86, josephsmithpapers.org).

2. Doktrina at mga Tipan 116; tingnan din sa Joseph Smith, “Journal, March–September 1838,” 43–44, josephsmithpapers.org. Kalaunan ay inilarawan ni Joseph Smith ang isang pulong sa hinaharap kung saan si Adan, na “namumuno sa mga Espiritu ng lahat ng mga tao” bilang “ama ng mag-anak ng tao” ay “titipunin ang kanyang mga anak,” upang “ihanda sila para sa pagparito ng anak ng tao” at “[ibigay] ng kanyang pangangasiwa kay Cristo” (“Discourse, between circa 26 June and circa 4 August 1839–A, as Reported by Unknown Scribe,” 2, 3, josephsmithpapers.org).

3. “Plat of the City of Zion, circa Early June–25 June 1833,” josephsmithpapers.org.

4. “Conference Minutes,” Elders’ Journal, tomo 1, blg. 4 (Ago. 1838), 60–61, josephsmithpapers.org.