Far West

Noong 1836, tatlong taon matapos itinaboy ang mga Banal mula sa Jackson County, nilikha ng lehislatura ng Missouri ang Caldwell County, isang bagong county sa isang hindi tinitirahang bahagi ng estado, na kanilang inilaan bilang isang lugar upang tirahan ng mga Banal sa mga Huling Araw. Bumili ang mga Banal ng lupain doon at nagsimulang magtayo ng lunsod na tinatawag na Far West.¹ Noong Abril 1838, inihayag ng Panginoon kay Joseph Smith na ang Far West ay “isang banal at nakalaang lupain” habang nagtitipon ang mga Banal doon upang magtayo ng templo at sumamba sa Kanya.²

Mula noong huling bahagi ng 1836 hanggang 1839, humigit-kumulang limang libong Banal ang nagtayo ng kanilang mga tahanan sa loob at malapit sa Far West, na nagsilbing punong-tanggapan ng Simbahan pagdating ni Joseph Smith noong Marso 1838.³ Sa kanyang panahon sa Far West, tinanggap ng Propeta ang pitong paghahayag na kalaunan ay inilathala sa Doktrina at mga Tipan. Sa mga paghahayag na ito, ipinahayag ng Panginoon ang buong pangalan ng Ang Simbahan ni Jesucristo ng mga Banal sa mga Huling Araw at itinatag ang batas ng ikapu, kasama ng iba pang mga bagay.⁴

Ang pamayanan sa Far West ay kinopya sa “Plat of the City of Zion [Plano ng Lunsod ng Sion],” isang plano ng pamayanan na orihinal na nilayon para sa pagtatayo ng Sion sa Jackson County, Missouri.⁵ Noong Hulyo 4, 1838, inilagay at inilaan ng mga Banal ang apat na batong panulok para sa templo sa kanilang bagong lunsod.⁶

Batong panulok ng templo at monumento sa Far West

Batong panulok ng templo at monumento sa Far West, Missouri.

Walang karagdagang gawain ang ginawa sa templo. Ang karahasan ng mga mandurumog laban sa mga Banal sa Caldwell at mga kalapit na county noong taglagas ng 1838 ay agad na lumala at naging isang malawakang armadong tunggalian. Ang gobernador ng Missouri na si Lilburn W. Boggs ay nagpalabas ng kautusan sa milisya ng estado na paligiran ang Far West at palayasin ang mga Banal mula sa estado. Si Major General Samuel D. Lucas, kumander ng milisya ng estado, ay nakipagpulong sa isang delegasyon ng mga Banal sa labas lang Far West at iginiit na sina Joseph Smith at iba pang mga lider ng Simbahan ay sumuko o kanyang sasalakayin ang lunsod. Nang bumalik ang delegasyon sa Far West, isa sa mga miyembro nito, si George M. Hinkle, ang nagsabi kay Joseph na si Lucas “ay nagnanais na makipag-usap” ngunit hindi ipinaliwanag na balak ng heneral na dakpin siya bilang bilanggo. Pumayag sina Joseph at ang iba pa na makipagkita kay Lucas at agad silang dinakip at binantaan na bibitayin, ngunit sa huli ay ikinulong habang hinihintay ang isang paglilitis.⁷

Pagsuko sa Far West

Paglalarawan ng pagsuko sa Far West noong Nobyembre 1838.

Habang nasa bilangguan si Joseph Smith, sumunod ang mga Banal sa mga hinihingi ng estado na lisanin ang Missouri at ginamit ang Far West bilang isang lugar ng paghahanda para sa kanilang paglalakbay. Isa sa mga paghahayag na natanggap ni Joseph ay nag-atas sa Labindalawang Apostol na lisanin ang Far West noong Abril 26, 1839, upang magmisyon sa England.⁸ Ipinagyabang ng ilang kumakalaban sa Simbahan na kanilang nahadlangan ang katuparan ng banal na tagubiling ito. Gayunman, bago ang misyon ng Labindalawa sa England, bumalik sina Brigham Young at iba pang mga Apostol sa lugar ng templo ng Far West nang patago isang gabi upang isakatuparan ang paghahayag sa takdang araw.⁹

Resources ng Simbahan

Jacob W. Olmstead, “Far West and Adam-ondi-Ahman: D&C 115, 116, 117,” sa Matthew McBride at James Goldberg, mga pat., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 235–41.

“Far West Temple Site, Missouri,” Historic Sites, history.lds.org.

“Far West, Missouri,” josephsmithpapers.org.

“Far West and Northern Missouri—Episode 32,” Mormon Channel, mormonchannel.org.

Bibliograpiya

Ang mga sumusunod na lathalain ay nagbibigay ng karagdagang impormasyon tungkol sa paksang ito. Sa pagtukoy o pag-uugnay sa inyo sa mga sangguniang ito, hindi namin ine-endorso o binibigyang-garantiya ang nilalaman o mga pananaw ng mga may-akda.

Alexander L. Baugh, A Call to Arms: The 1838 Mormon Defense of Northern Missouri, Dissertations in Latter-day Saint History (Provo, UT: Joseph Fielding Smith Institute for Latter-day Saint History and BYU Studies, 2000), 135–54.

Clark V. Johnson, “Let Far West Be Holy and Consecrated,” sa Larry C. Porter at Susan Easton Black, mga pat., The Prophet Joseph: Essays on the Life and Mission of Joseph Smith (Salt Lake City: Deseret Book, 1988), 226–45.

Mga Tala

1. Clark V. Johnson, “Let Far West Be Holy and Consecrated,” sa Larry C. Porter at Susan Easton Black, mga pat., The Prophet Joseph: Essays on the Life and Mission of Joseph Smith (Salt Lake City: Deseret Book, 1988), 228–29.

2. “Revelation, 26 April 1838 [D&C 115],” sa Joseph Smith, Journal, March–September 1838, 33, josephsmithpapers.org; tingnan din sa Doktrina at mga Tipan 115:7–8.

3. “Journal, March–September 1838,” 16–17, josephsmithpapers.org. Tingnan din sa James B. Allen at Glen M. Leonard, The Story of the Latter-day Saints, ika-2 ed. (Salt Lake City: Deseret Book, 1992), 116–17.

4. “Revelation, 26 April 1838 [D&C 115]”; “Revelation, 8 July 1838–C [D&C 119],” josephsmithpapers.org. Tingnan sa Doktrina at mga Tipan 113–115, 117–120.

5. “Revised Plat of the City of Zion, circa Early August 1833,” josephsmithpapers.org; tingnan din sa Steven L. Olsen, The Mormon Ideology of Place: Cosmic Symbolism of the City of Zion, 1830–1846, Dissertations in Latter-day Saint History (Provo, Utah: Joseph Fielding Smith Institute for Latter-day Saint History and BYU Studies, 2002), Figure 11.

6. Alexander L. Baugh, “The Mormon Temple Site at Far West, Caldwell County, Missouri,” sa Thomas M. Spencer, pat., The Missouri Mormon Experience (Columbia: University of Missouri Press, 2010), 80–81.

7. Mark Ashurst-McGee, David W. Grua, Elizabeth Kuehn, Brenden W. Rensink, at Alexander L. Baugh, mga pat., Documents, Volume 6: February 1838–August 1839. Tomo 6 ng seryeng Documents ng The Joseph Smith Papers, pinamatnugutan nina Ronald K. Esplin, Matthew J. Grow, at Matthew C. Godfrey (Salt Lake City: Church Historian’s Press, 2017), 269–271. Nadama ni Joseph na siya ay sadyang pinagtaksilan, bagama’t kalaunan ay iginiit nina Hinkle at ng iba pa na naunawaan ni Joseph ang mga hinihingi ni Lucas.

8. “Revelation, 8 July 1838–A [D&C 118],” sa Joseph Smith, Journal, March–September 1838, 54, josephsmithpapers.org.

9. “Revelation, 8 July 1838–A [D&C 118],” 55, josephsmithpapers.org; tingnan din sa Doktrina at mga Tipan 118:4–5; Baugh, “The Mormon Temple Site at Far West,” 82–83.