Pagkakaloob ng Kapangyarihan

Ang isang paghahayag kay Joseph Smith noong 1831 ay nag-atas sa mga naunang mga miyembro ng Simbahan na “h[um]ayo sa lahat ng Bansa” at tipunin ang Israel. Bago sila “ipadala,” nangako ang Panginoon na “magkakaloob” sa kanila “ng kapangyarihan mula sa kaitaasan.”¹ Ang ipinangakong pagkakaloob ay saklaw ang ilang pangyayari noong unang bahagi ng 1836, kabilang na ang isang panahon na tulad ng pagdiriwang ng mga Banal sa Pentecostes noong mga panahon ng paglalaan ng Bahay ng Panginoon sa Kirtland, Ohio. Bagamat kalaunan ay ipinakilala ni Joseph Smith ang isang ordenansa sa templo na tinawag din niyang kaloob o endowment, ang katagang “kaloob na kapangyarihan” ay madalas na nauugnay sa pagbuhos ng mga espirituwal na kaloob at panunumbalik ng mga susi ng priesthood sa Kirtland.²

Ang katagang “masangkapan ng kapangyarihan” ay nasa Lucas 24, nang nagbigay si Jesucristo ng isang huling utos sa Kanyang mga disipulo na mangaral sa lahat ng bansa. Ang mga alagad ay dapat magsimula sa Jerusalem, kung saan sila ay “ma[sa]sangkapan ng kapangyarihang galing sa itaas.”³ Naunawaan ng maraming Kristiyano ang pangakong ito na may kaugnayan sa mga kaloob ng Espiritu at unang natupad sa araw ng Pentecostes, na nakatala sa Mga Gawa 2.⁴

Isang dagdag na paghahayag kay Joseph Smith sa Kirtland ay nagpahiwatig na ang pagkakaloob ng kapangyarihan ay nangangailangan ng isang sagradong pagtitipon sa Bahay ng Panginoon.⁵ Si Joseph Smith at ang mga Banal sa Kirtland ay nagsakripisyo upang tapusin ang templo at ihanda ang kanilang sarili sa espirituwal para sa endowment o kaloob. Bahagi ng paghahandang ito ay ang seremonya ng paghuhugas at pagpapahid ng langis, simbolo ng paglilinis ng kanilang mga puso na tutulutan silang makipag-ugnayan sa Langit. Ilang buwan bago ang paglalaan ng templo, lumiham si William W. Phelps, “Inihahanda namin na maging malinis ang aming sarili, una sa paglilinis ng aming mga puso, pagtalikod sa aming mga kasalanan, pagpapatawad sa lahat ng tao; … nagsusuot ng malinis at disenteng mga damit, sa pagpahid ng langis sa aming ulunan at pagsunod sa lahat ng kautusan. ”⁶

Sa mga pagtitipon ng paglalaan sa templo noong Marso 27 at 31, 1836, at sa kapita-pitagang kapulungan noong Marso 30, si Joseph Smith at ang iba ay nag-ulat ng mga dakilang espirituwal na pagpapakita, kabilang na ang mga pangitain mula sa Langit at pagsasalita ng mga wika.⁷ Noong Abril, 3, nakaranas sina Joseph Smith at Oliver Cowdery ng isang pangitain ni Jesucristo at pagdalaw ng ilang propeta mula sa Biblia.⁸ Tinutukoy ang mga karanasang ito na “isang Pentecostes at pagkakaloob sa katunayan,” di-nagtagal ay ipinadala ni Joseph sina Heber C. Kimball at ang iba pa sa unang mga misyon sa ibang bansa sa kasaysayan ng Simbahan.⁹

Paglalarawan ng Tagapagligtas sa Kirtland Temple

Paglalarawan ng pagpapakita ng Tagapagligtas sa Kirtland Temple noong Abril 3, 1836.

Resources ng Simbahan

Nathan Waite, “A School and an Endowment: DC 88, 90, 95, 109, 110,” Matthew McBride at James Goldberg, mga pat., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 174–82.

“Endowment,” josephsmithpapers.org.

Bibliograpiya

Ang sumusunod na lathalain ay nagbibigay ng karagdagang impormasyon tungkol sa paksang ito. Sa pagtukoy o pag-uugnay sa inyo sa mga sangguniang ito, hindi namin ine-endorso o binibigyang-garantiya ang nilalaman o mga pananaw ng mga may-akda.

Steven C. Harper, “‘A Pentecost and Endowment Indeed’: Six Eyewitness Accounts of the Kirtland Temple Experience,” sa John W. Welch, pat., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 327–71.

Mga Tala

1. Joseph Smith, “Revelation, 2 January 1831 [DC 38],” sa Revelation Book 1, 52, josephsmithpapers.org.

2. Tingnan sa “Endowment,” josephsmithpapers.org.

3. Lucas 24:49.

4. Tingnan sa Charles G. Finney, Power from on High: What Is It? (Boston: Willard Tract Society, ca. 1870), 3–8. Tingnan din sa John Fea, “Power from on High in an Age of Ecclesiastical Impotence: The ‘Enduement of the Holy Spirit’ in American Fundamentalist Thought, 1880–1936,” Fides et Historia, tomo 26, blg. 2 (1994), 23–35.

5. Joseph Smith, “Revelation, 27–28 December 1832 [DC 88:1–126],” sa Revelation Book 2, 45–46, josephsmithpapers.org; Joseph Smith, “Revelation, 1 June 1833 [DC 95],” sa Revelation Book 2, 59–60, josephsmithpapers.org; Joseph Smith, “Revelation, 22 June 1834 [DC 105],” sa Revelation Book 2, 97–100, josephsmithpapers.org. Ang ilang Banal sa mga Huling Araw sa Kirtland ay naniwala sa umpisa na ang endowment ay nagmula sa isang pagpupulong na ginanap noong Hunyo 1831. Tingnan sa John Corrill, “A Brief History of the Church of Christ of Latter Day Saints, 1839,” 18, josephsmithpapers.org; “Minutes, circa 3–4 June 1831,” sa Minute Book 2, 3–4, josephsmithpapers.org; Mark Lyman Staker, Hearken, O Ye People: The Historical Setting for Joseph Smith’s Ohio Revelations (Salt Lake City: Greg Kofford Books, 2009), 147–68.

6. Liham ni William W. Phelps kay Sally Phelps, Ene. 1836, sa Bruce A. Van Orden, pat., “Writing to Zion: The William W. Phelps Kirtland Letters (1835–1836),” BYU Studies, tomo 33, blg. 3 (1993), 574; iniayon sa pamantayan ang pagbabaybay.

7. Joseph Smith, “Journal, 1835–1836,” 172, 190, 193, josephsmithpapers.org; Steven C. Harper, “‘A Pentecost and Endowment Indeed’: Six Eyewitness Accounts of the Kirtland Temple Experience,” sa John W. Welch, pat., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 327–71.

8. “Vision, 3 April 1836 [DC 110],” sa Joseph Smith, Journal, Set. 1835–Abr. 1836, 192–93, josephsmithpapers.org.

9. “Journal, 1835–1836,” 192–93, josephsmithpapers.org. Ang mga naunang missonary na ipinadala sa mga bahagi ng Canada ay nagsimulang magbahagi sa kanilang mga kakilala at hindi itinuring ang kanilang sarili bilang naglingkod sa isang “dayuhang” misyon o paghahanap sa nawawalang lipi ni Israel para sa pagtitipon. Sina Heber C. Kimball at iba pa ay nagsalita tungkol sa kanyang misyon sa Great Britain noong 1837 bilang umpisa ng isang pandaigdigang pagtitipon. Tingnan sa Historical Introduction to “Recommendation for Heber C. Kimball, between 2 and 13 June 1837,” sa Brent M. Rogers, Elizabeth A. Kuehn, Christian K. Heimburger, Max H Parkin, Alexander L. Baugh, at Steven C. Harper, mga pat., sa Documents, Volume 5: Oktubre 1835–Enero 1838. Tomo 5 sa seryeng Documents ng The Joseph Smith Papers, pinamatnugutan nina Ronald K. Esplin, Matthew J. Grow, at Matthew C. Godfrey (Salt Lake City: Church Historian’s Press, 2017), 398–400.