1 Ao I a manga weweteingkami riki tariu, bwa iai riki bwaai aika I kan taekin nakoimi; bwa taraia, iai bwaai aika I kan tuangkami aika kanoan taai aika a na roko.

2 Ao bwaai aika N na tuangkami bon bwaai aika a tia ni kaotaki nakoiu iroun ana ^aanera te Atua. Ao e taku nakoiu: Uti; ao I uti, ao nooria e tei imatau.

3 Ao e taku nakoiu: Uti, ao ongora n taeka ake N na taekin nakoim; bwa taraia, I a roko bwa N na taekin nakoim rongorongo aika ^araraoi aika uota te kimwareirei ae korakora.

4 Bwa e a tia n ongo te Uea am tataro, ao e a tia ni motika aron raoiroim, ao e a kanakoai bwa N na tuangko bwa ko na kimwareirei; ao bwa ko kona n taekinna nakoia am botanaomata, bwa a na kona naba n onrake n te kimwareirei.

5 Bwa nooria, e na roko te tai, ao e aki raroa nako, bwa te ^aUea ae Moan te Mwaaka ae tautaeka, ae iai ngkoa ao ngkai ao n aki totoki, e na ruo ma te mwaaka mai karawa, nako buakoia natiia aomata, ao e na maeka i nanon te ^brabwata ae mamate, ao e na waaki nako buakoia aomata ni karaoi ^ckakai aika moan te korakora, n aiaron kamarurungaia aoraki, kautakiia maate, kanakonakoaia mwauku, anganakiia aika mataki te noraaba, ao ni karikiia aika bonotaningaia bwa a na ongo, ao ni katoki aoraki n aekaia nako.

6 Ao e na kaotinakoia ^ariaboro, ke tamnei aika a buakaka aika a maeka inanoia natiia aomata.

7 Ao nooria, e na rinanon te ^akaririaki, ma marakin te rabwata, te ^bbaki, te taka, te korakai, n riaon riki bwaai ake e kona n ^crinanoi te aomata, are e na aki mate iai; bwa taraia, e na waanako te ^draraa man bwangabwangan kunin rabwatana ni kabuta, e na rawawata ^ekorakaina ibukin buakakaia ma aia mwakuri ana boyanaomata aika bati n ribaki.

8 Ao e na aranaki bwa ^aIesu Kristo, ae ^bNatin te Atua, ae ^cTaman karawa ma te aonaba, te Tia Karikibwai iaon bwaai ni kabane man moan rikin bwaai, ao e na aranaki ^dtinana bwa ^eMaria.

9 Ao nooria, e na kawaria ana botanaomata, bwa e aonga n reke te ^akamaiuaki nakoia natiia aomata eng, rinanon ^bonimakinan arana; ao i mwin bwaai aikai ni kabane ao a na taku bwa bon te aomata naba ngaia, ao n taekinna bwa iai te ^criaboro irouna, ao a na ^dtiriboia, ao a na ^etauria iaon te kaibangaki.

10 Ao e na ^amangauti n te ^bkateniua ni bong mai buakoia maate; ao taraia, bon ngaia are e na ^cmotika taekan aonaba; ao taraia, a karaoaki bwaai aikai ni kabane bwa e aonga n reke te motikitaeka ae raoiroi nakoia natiia aomata.

11 Bwa taraia, ao ^araraana e karaoa te ^bmwakuri ni kamaiu naba ibukin aia bure aomata ni kabane ake a tia ni ^cbwaka n riaon te tua iroun Atam, naake a tia ni mate n aki ataa ana babaire te Atua ibukiia, ke ake a tia ni bure ao a ^daki ataia.

12 Ma e na reke kain, e na reke kain ane e ataia bwa e ^akaitaraa te Atua! Bwa e na aki reke te kamaiuaki nakoina ma ti ngkana e rairananona ao e onimakina te ^bUea ae Iesu Kristo.

13 Ao e a tia te Uea ae te Atua ni kanakoia ana burabeti aika a tabu nako buakoia natiia aomata, bwa a na tataekin bwaai aikai nakoia reeti, aaba, ao neewe, bwa akana kakoaua mai iai bwa e na roko Kristo, a na kona ni karekea ^akamaunaan aia bure, ao a na onrake n te kimwareirei ae moan te bati, n ^baiaron are aongkoa e a bon tia n roko i buakoia.

14 Ma e nooria te Uea ae te Atua bwa a matoatoa nanoia ana botanaomata, ao e anganiia te tua, ae ana ^atua Mote.

15 Ao a mwaiti kanikina, ma kamimi, ma ^akanikinaean bwaai aika a na riki, ma nuun bwaai aika a na riki ake e kaoti nakoia, ni kaineti ma rokona; ao a taetae naba burabeti aika a tabu nakoia ibukin rokona; ma a kamatoatoai nanoia, ao aikoa ataia ae, akea nanon ana ^btua Mote ngkana e aki irianaki ana mwakuri ni kamaiu n raraana.

16 Ao ngke arona bwa a kona n rootaki ^aataei aika uarereke n te bure ao a na bon aki kona naba ni kamaiuaki; ma I kangai nakoimi a ^bkakabwaiaki; bwa taraia, ibukin ana mwakuri Atam, ke aron te maiu aio, ao a na bwaka, mangaia ae raraan Kristo e karaoa te mwakuri ni kamaiu ibukin aia bure.

17 Ao irian aio, I kangai nakoimi, bwa a na ^aakea te ara riki teuana ke te kawai riki teuana ke te anga are e na reke iai te ^bkamaiuaki nakoia natiia aomata, ma ti n aran ao rinanon ^cKristo, ae te Uea ae Moan te Mwaaka.

18 Bwa taraia e na motikitaeka, ao e raoiroi ana moti; ao e aki bua tamnein te ataei ae e mate ni uarerekena; ma a nima kabuakakaan oin tamneia aomata ma ti ngkana a karinanoia ^an ai aroia ataei, ao ni kakoaua te kamaiuaki are ngkoa, ae ngkai, ao ae e na roko, rinanon raraan Kristo ae ^bkabwarai bure, ae te Uea ae Moan te Mwaaka.

19 Bon ana kairiribai te Atua te ^aaro n aomata, man moan ^bbwakan Atam, ao e na teimatoa n aki toki, ni karokoa ae e ^ckakauongo nakon ana wirikiriki te ^dTamnei ae Tabu, ao n tokanikai i aon te aro n aomata ao n riki bwa te ^eaomata ae itiaki rinanon ana mwakuri ni kamaiu Kristo ae te Uea, ao n riki n aiaron te ^fataei, n ongeaba, n nimamannei, n nanorinano, n taotaonakinnano, n onrake n te tangira, ao n tauraoi ni butimwaei bwaai ni kabane ake e tangiria te Uea bwa e na karaoi, n aiaron te teei are tauraoi ni karaoi bwaai ake e tuangaki iroun tamana.

20 Ao i rarikin aei, I taku nakoimi, bwa e na roko te tai are e na butanako iai ^aataakin te Tia Kamaiu nakon aaba, reeti, neewe, ao aomata ^bnako.

21 Ao taraia, ngkana e roko te tai anne, ao bon akea ae na ^aiai ana taeka imatan te Atua, ma ti ataei aika uarereke, ao ti rinanon te rairannano ma onimakinan aran te Uea ae te Atua ae Moan te Mwaaka.

22 Ao ai arona naba n te tai aei, ngkana ko a tia n reireiniia am botanaomata bwaai ake e a tia n tuangko te Uea ae Atuam, ao ai arona naba n te tai arei, bwa a na aki manga taekinaki bwa akea bukinaia imatan te Atua, ma tii ni kaineti ma taeka ake I a tia n taekin nakoim.

23 Ao I a tia n taekin taeka ake e tua te Uea ae te Atua bwa N na taekin.

24 Ao e taku te Uea: A tei bwa taian bwai ni kakoaua ni kaaitaraia te botanaomata aio, n tain te motikitaeka; are a na motikaki iai taekaia, aomata ni kabane n aron aia mwakuri, aika a tamaroa, ke aika a buakaka.

25 Ao ngkana a na buakaka ao a na kabaeaki bwa a na bon ^anamakin oin aia bure ma aia mwakuri aika bati n ribaki, are e na karikiia bwa a na kokonin iai i matan te Uea nakon te aro ni ^bmwebuaka ao ni karawawataki ae aki totoki, are a na aki kona n oki mai iai; mangaia are a tia ni kamaraiai oin tamneia.

26 Mangaia ae a tia ni mooi man mwangkon unin te Atua, ao a reke iaon te moti ae e aki kona n tukaki rokona irouia n aiaron ae e aki kona naba n tukaki bwakan ^aAtam ngke e kana naba ^buaan te kai are tabuaki, e aki kona n otangaia te ^cnanoanga n aki totoki.

27 Ao ti te arona ^akarawawatakia ma te ^bnei n ai ma te burimton, aika a aki kona n toki uraia, aika a waerake bubuia n akea tokiia. Aikai bwaai ake e a tia n tuangai te Uea. Amen.