Koroboki Aika Tabu
Motiaea 10


Mwakoro 10

E mate te uea ae Reimwan—A maiubuaka ma ni kakamaku ana botanaomata ao a kakoauai nakoa n ibonga ae kewe—A tokanikai Tinebi ma ana botanaomata iaoia. Uakaan ma 187–160 I.K.

1 Ao e koro bukina bwa ti a manga waaki riki ni katea ueara ao ti a manga waaki riki ni maeka iaon te aba i nanon te rau. Ao I tuatua bwa a na riai n iai bwaai ni buaka n aekaia nako, bwa e aonga n ae iai au bwai ni buaka ibukiia au botanaomata n taai ake a na manga roko iai Reimwanaite ni buaka ma au botanaomata.

2 Ao I kateia taan taratara ni kabuta te aba, bwa aonga n aki manga ekinakoira Reimwanaite n akea ara atatai ao n tiringiira; ao I a kona iai ni kawakinia au botanaomata ma au tiibu, ao n taurabwaia bwa a na aki reke i nanon baia ara kairiribai.

3 Ao e koro bukina bwa ti tekateka iaon abaia ara bakatibu i nanon ririki aika a mwaiti, eng, i nanon te maan ae uabwi ma uoua te ririki.

4 Ao I tuatua bwa mwaane a na unika te aba, ao a na uniki aekan awiita nako ma kai n amwarake nako.

5 Ao I tuatua bwa aine a na taobinoka, a na kakamwakuri, ao a na mwammwakuri, ao a na karaoi aekan karai nako, eng, ao akunnikai n aekaia nako, bwa ti aonga ni karabanira; ao e rikirake kaubwaira iaon te aba—ao ti a teimatoa i nanon te rau iaon te aba i nanon te maan ae uabwi ma uoua te ririki.

6 Ao e koro bukina bwa e mate te uea ae aReimwan, ao e onea mwiina n uea natina te mwaane. Ao e a kamangaoi nanoia ana botanaomata bwa a na teirake ni kaaitaraia au botanaomata; mangaia are a katauraoia ibukin te buaka, ao a mwananga bwa a na buakaniia au botanaomata.

7 Ma I a tia ni kanakoia au tia tuatua ni kabuta aon aTiemron, bwa I aonga n ongo taekan aia kakatauraoi, bwa I aonga n tauraoi ni kaaitaraia, bwa aonga n aki ekinakoia au botanaomata man tiringia.

8 Ao e koro bukina bwa a waerake i meangin te aba ae Tiirom, ma aia taanga aika a korakora, mwaane ama aia bkai ni katebe, ma kanoan aia kai ni katebe, ma aia kabaang, ma aia biti, ma aia atiibu, ma aia bana; ao a iman atuuia n te aro are bon akea naba te ira iaoia; ao a karabaniia n te kawaerake ae kunin te man ae toka i koreaia.

9 Ao e koro bukina bwa I tuatua bwa a na nako aine ma ataei bwa a na karabaia n te rereua; ao I tuatua naba bwa a na uoti bwai ni buaka au unimwaane ake a kona, ao au ataeinimwaane naba ake a kona ni uota te bwai ni buaka, bwa a na botaki ni kabane bwa ti na nako ni kaaitaraia Reimwanaite; ao I karinania, n aron are nako man aia ririki.

10 Ao e koro bukina bwa ti buaka ma Reimwanaite; ao ngai, eng ngai, i nanon karau, ao I a teirake naba ni buaka ni kaaitaraia Reimwanaite. Ao e koro bukina bwa ti mwananga nakon te buaka ni akorakoran te Uea.

11 Ngkai, a aki ataa taekan te Uea Reimwanaite, ke korakoran te Uea, mangaia ae a tii katan i aan oin korakoraia. Ma bon aomata ngaia aika a korakora, n aron korakoran te aomata.

12 A amaiubuaka ma ni kakamaku, ao ni kan tiriaomata te botanaomata aio, ni kakoauai baroaroia aia bakatibu, ae aio—A kakoaua bwa a kaeakinako mai aon Ierutarem ibukin aia bure aia bakatibu, ao e aki tau aroia tariia nakoia i nanon te rereua, ao e a aki tau naba aroia nakoia ngke a borau i nanon marawa;

13 Ao riki, e aki tau naba te aroaro nakoia ngke a mena iaon te amoan aba are a tekateka iai, i mwin borauia i nanon marawa, ao a riki bwaai aikai ngkai e kakaonimaki riki teuare Nibwaai ni kaawakin ana tua te Uea—ma ngaia are e btangiraki riki iroun te Uea, bwa e ongo te Uea ana tataro ao e kaekai, ao e kaira aron aia mwaamwananga i nanon te rereua.

14 Ao a un irouna tarina ngkai a aki aatai ana mwakuri te Uea; ao a bon bun naba irouna i nanon marawa ngkai a kamatoai nanoia ni kaitaraa te Uea.

15 Ao riki, a un irouna ngke a roko iaon te aba ni berita, bwa a taku bwa e tia n anaa aia atautaeka te botanaomata mai nanon baia; ao a kataia n tiringnga.

16 Ao riki, a un irouna ngke e mwananga nakon te rereua n aron are e tua te Uea nakoina, ao e uota taian arongorongo ake a koreaki iaon bwaatua aika buraati, bwa a taku bwa e biraei.

17 Mangaia are a tia n reireiniia natiia bwa a na riribaiia, ao a na riai n tiringiia, ao a na iraa ao anai aia bwai n te matoa mai irouia, ao ni karaoa arei bwa aonga ni kamaunaia; mangaia are akea tokin aia kairiribai inanoia ibukiia natin Nibwaai.

18 Bon ibukin aio are te uea are Reimwan, n arona ni kamwamwane, ni mwantiaka, ma ana berita ni koaua, are e a kamwaneai iai, ao are I a kairiia iai au botanaomata nakon te aba aio, bwa a aonga ni kona n tiringiia; eng, ao ti a tia n rinanon te kaangaanga aio i nanon ririki aika a mwaiti.

19 Ao ngkai, ngai Tinebi, ngke I a tia n taekin bwaai aikai ni kabane nakoia au botanaomata aika a kaineti ma Reimwanaite, ao I a kaungai nanoia bwa a na kaea te buaka ma korakoraia ni kabane, ao ni katuka aia onimaki iroun te Uea; mangaia are ti a otinako ni kaaitaraiia.

20 Ao e koro bukina bwa ti a manga kaeia nako riki mai abara; ao a mwaiti mai buakoia ake ti tiringiia, n te aro are ti aki kona ni wareki mwaitiia.

21 Ao e koro bukina bwa ti okira oin abara, ao a manga moana naba n taratarai aia nanai, ma unikakin aontano au botanaomata.

22 Ao ngkai, ngkai I a bon kara, I a anga ueau nakon natiu te mwaane temanna; mangaia ae I a katoka au koroboki. Ao ke e na kakabwaiaia au botanaomata te Uea. Amen.