Koroboki Aika Tabu
Motiaea 4


Mwakoro 4

E reitanako ana maroro te uea ae Beniamina—E reke te kamaiuaki man te Mwakuri ni Kamaiu—Kakoaua te Atua ngkana ko kan kamaiuaki—Kamatoa kamaunan ami bure rinanon te onimaki—Anganako ami bwai nakoia aika kainnano—Karaoi bwaai ni kabane n te wanawana ao te eti. Uakaan ma 124 I.K.

1 Ao ngkai, e koro bukina bwa ngke e tia te uea ae Beniamina n taekin taeka ake e anganaki iroun ana anera te Uea, ao e taraia te botanaomata, ao e nooria bwa a bwaka nako aontano, bwa e rotiia amaakan te Uea.

2 Ao a noori oin aroia n te amaiun n rabwata, ae brinano riki nakon bubun te aonaba aio. Ao a tang n takarua n te bwanaa ae ti teuana, ni kangai: O nanoangaira, ao ckamaiuira n raraan Kristo ni kabwara bure bwa ti aonga ni karekea kabwaran ara bure, ao a na kaitiakaki nanora; bwa ti kakoaua Iesu Kristo, ae Natin te Atua, are dkarika karawa ma aonaba, ma bwaai ni kabane; ao e na roko i buakoia natia aomata.

3 Ao e koro bukina bwa ngke a tia n taekin taeka aikai ao e a roko irouia Tamnein te Uea, ao a onrake n te kimwareirei, ngkai e a reke irouia akamaunan aia bure, ao reke naba raun bnanoia, ngkai e korakora aia conimaki iroun Iesu Kristo ni kakoaua ae e na roko, n taian taeka ake e taekin te uea ae Beniamina nakoia.

4 Ao e a manga tabeka riki bwanaana te uea ae Beniamina n taetae nakoia ni kangai: Raoraou ao tariu, au reeti ao au botanaomata, I a manga tangira riki taningami ni kakauongo, bwa kam na ongora ao n atai nikiran au taeka ake N na taekin nakoimi.

5 Bwa taraia, ngkana e a tia ni kauti am kanamakin n raoiroina te aAtua n te tai aio nakon te akea, n aromi ae akea bonganana ma kateimi aika buakaka—

6 I kangai nakoimi, ngkana kam a tia n aatai taekan ana raoiroi te Atua, ma mwaakana ae akea kabotauana, ma wanawanana, ma taotaonakin nanona, ao e iremwe n un nakoia natia aomata; ao te bmwakuri ni kamaiu naba are e a tia ni katauraoaki man moan ckarikan aonaba, bwa e aonga ni kona n reke te kamaiuaki nakon are dkakaonimaki nakon te Uea, ao ni botumwaaka ni kaawakin ana tua, ao n teimatoa n te onimaki ni karokoa tokin maiuna, I nanona iai, te maiu n te rabwata ae maamate—

7 I kangai, aio te aomata are e na reke irouna te kamaiuaki, rinanon te mwakuri ni kamaiu are e a kaman katauraoaki man moan karikan bwaai ibukiia aomata ni kabaneia, ake a tia ni maiu ni moa man tain abwakan Atam, ke aika ngkai, ke aika a na roko, ni karokoa tokin aonaba.

8 Ao aio te mwakuri are e na reke mai iai te kamaiuaki. Ao bon aakea riki te kamaiuaki ma ti are e a tia n taekinaki; ke na iai riki te mwakuri are e na kona ni kamaiuaki iai te aomata ma tii rinanon mwakuri ake I a tia n tuangkami.

9 Kakoaua te Atua; kakoaua ae iai Ngaia, ao e kariki bwaai ni kabane, i karawa ao i aonaba; kakoaua bwa iai irouna te awanawana ae bwanin, ma te mwaaka ni kabane, i karawa ao i aonaba; kakoaua bwa e aki kona n boota te aomata ni bwaai ni kabane ake e kona n oota iai te Uea.

10 Ao riki, kakoaua bwa kam na arairananomi man ami bure ao n aki manga karaoi, ao karinanoingkami imatan te Atua; ao butiia ma te nanorinano ni koaua bwa e na bkabwarai ami bure; ao ngkai, ngkana ko ckakoauai bwaai aikai ni kabane ao tarai bwa kam na dkaraoi.

11 Ao I a manga taetae riki nakoimi n aron are I a tia n taekinna mai i mwaaina, bwa ngkana kam a tia n ataa taekan mimitongin te Atua ke ngkana kam a tia n ongoongo taekan raoiroina ma ni akatoonga ana tangira, ao n tia ni karekea bkamaunan ami bure, are karika kimwareirein tamneimi, ao I tangiria bwa kam na uringnga, ao katikua n ami ururing, korakoran te Atua, ao aron cakeam, ma draoiroina ma aki kakai unna nakoimi, man ngkami aika aki tau, ao ekarinanoingkami nakon te rinano ae nano, ni fwewetea aran te Uea ni katoa bong, ao n tei ni matoa n onimakina ae e na roko, are e taekinaki mai wiin te anera.

12 Ao taraia, I kangai nakoimi bwa ngkana kam karaoa aio ao kam na kimwareirei, ao kam na onrake n ana atangira te Atua, ao kam teimatoa ni bkaawakina kamaunaan ami bure; ao kam na rikirake i nanon ataakin taekan mimitongin teuare karikingkami, ke n ataakin taekan te bwai ae eti ma ni koaua.

13 Ao e na aki reke te nano ni kan kaikoaka temanna, ma ti te kan maeka i nanon te arau, ma ni karaoa are katauaki bwa e na reke nakon temanna ma temanna n aron are tau bwa e na reke nakoina.

14 Ao kam na aki kariaia bwa a na baki anatimi, ke n aki karabania; ao ko na aki naba kariaia bwa a na urui ana tua te Atua, ao n bun man uneaki imarenaia, ao n toro iroun te riaboro, are te toka iaon taian bure, ke te tamnei are buakaka are e a tia n tataekinaki irouia ara bakatibu, are bon ngaia ana kairiribai te raoiroi.

15 Ma kam na areireinia bwa a na bnakonako ni kawain te koaua ma te iangoraoi; kam na reireinia bwa a na citangitangiri imarenaia, ao a na ibuobuoki imarenaia.

16 Ao riki, kam na abuokiia ake a kainnanoa ami ibuobuoki; kam na tibwatibwa kaubwaimi nakoia ake a kai nanoia; ao kam na aki kariaia bwa e na matebuaka ana bubuti te brarikin nakoimi, ao kam na kanakoa n aki buokiia.

17 Tao kam na akangai: E a tia te aomata aio ni karekea te rawawata aio nakoina; mangaia ae N na aki buokia, ao N na aki anganna mwakoron kanau, ke n anganna kaubwaiu bwa e aonga n aki rawawata, bwa e riai karawawatana—

18 Ao I taku nakoimi, O ngke te aomata are ko a tia ni karaoa aekan aio, ko riai n rairananom, ao ti ngkana ko aki rairananom ibukin ae ko a tia ni karaoia, ao ko na bon mate n aki totoki ao n akea nnem n uean te Atua.

19 Bwa taraia, tiaki ngaira taian rarikin ni kabane? Tiaki bane ni katan iroun ae ti Temanna, ae te Atua, ibukin ara bwai ni kabane, ibukin te amwarake ma te kunnikai, ao ibukin te koora, ao ibukin te tirewa, ao ibukin taian kaubwai n aekaia nako ake iroura?

20 Ao taraia, n te tai naba aio, kam teimatoa naba ni weewetea arana, ni bubuti ibukin kamaunan ami bure. Ao e koaua bwa e na kariaia bwa a na akea nanon ami bubuti? E aki; e a tia ni kabwaroa Tamneina i aomi, ao ni kaon nanomi n te akimwareirei, ao n taraia bwa a na kainaki wiimi man akea bwaai ake kam kona n taekin, bwa e riao korakoran kimwareireimi.

21 Ao ngkai, ngkana e waaki te Atua are e a tia ni karikingkami, are kam onimakinna ibukin maiumi ma bwaai ni kabane ake iroumi ma anuan maiumi, e kakoroi bukin bwaai ake kam bubuti aika koro bukiia, i nanon te onimaki, ao ni kakoaua bwa e na reke iroumi, ao ngkanne e riai bwa kam na araure ma ami bwai n tibwatibwaia imarenami.

22 Ao ngkana ko amotika taekan te aomata are e butiko am bwai bwa e aonga n aki mate, ao ni karekea kaina, e na mwaitira riki etin katuaeakim ibukin btauan am bwai, are tiaki oin am bwai bwa ana bwai te Atua, are bon ngaia naba are ana bwai maium; ao ko aki anganna am bubuti, ke n rairananom ibukin te bwai are ko a tia ni karaoia.

23 I kangai nakoimi, e na reke kain te aomata anne, bwa a na mauna nako ana bwai mangaia; ao ngkai, I taekin bwaai aikai nakoia ake a akaubwai ni kaubwain te aonaba aio.

24 Ao I a manga taetae riki nakoia aika kainnano, ngkami aika kam aki kaubwai man tau aron maiumi, ibukin te bong teuana ma teuana; I taekiningkami ikai ngkami aika kam aki buokiia taian rarikin, ngkai akea ami bwai; I tangiria bwa kam na taekinna inanomi bwa: I aki anga bwa bukina ngkai akea irou, ma ngke iai ao N na bon aanga.

25 Ao ngkai, ngkana kam taekina aio inanomi ao a na akea ami bure, ma ngkana kam aki ao a na areke kaimi; ao e eti reken kaimi ngkami ake kam na tauti ni bwaai ake akea iroumi.

26 Ao ngkai, ibukin bwaai ake I a tia n taekin nakoimi—are, ibukin kateimatoan kamaunan ami bure man te bong teuana nakon te bong teuana, bwa kam aonga n anakonako ma te itiaki imatan te Atua—I tangiringkami bwa kam na banganako ami bwai nakoia aika ckainnano, aomata ni kabane n aron are iai irouia, n aron dkamwarakeaia aika a baki, kakunnikaiakiia aika akea karabaia, kawaraia aoraki ao buokakiia ni kainnanoia, n tamnei ao n rabwata, n aron are a tangiria.

27 Ao taraia bwa a na karaoaki bwaai aikai ni kabane n te wanawana ao n te tangira; bwa e aki katauaki bwa e na kabirimwaka ariki te aomata nakon are riaon korakorana. Ao riki, e riai bwa e na botumwaaka, bwa e aonga ni kona n reke irouna te kanuanga; mangaia are a riai ni karaoaki bwaai ni kabane n aroia.

28 Ao I tangiria bwa kam na uringnga, bwa ane tangobwai i buakomi mai iroun kaain rarikina, e riai bwa e na kaoka te bwai are tangoia, n aron are e a tia ni boraraoi iai, bwa ngkana e aki ao te bure are karaoia; ao e na kona naba ni karekea karaoan te bure iroun naba kaain rarikina.

29 Ao ni kabaneana, I aki kona n tuangkami bwaai ni kabane ake kam na bure iai; bwa bon moan te mwaiti aanga ma kawai, ao a mwaiti ake I aki kona n uring.

30 Ma I kona n tuangkami aio, bwa ngkana kam aki atarataraingkami, ami biango, ao ami ctaeka, ma aroaromi, ao n aki ongeaba nakon ana tua te Atua, man aki teimatoa n te onimaki n aron are kam a tia n ongo ibukin rokon ara Uea, ni karokoa tokin maiumi, ao a na bua tamneimi. Ao ngkai, O ngke te aomata, uringnga, ao kam na aki bua.