1 Kitaen, ita napasamak a napalalo ti ragsak dagiti tattao ni Nephi, gapu ta winayawayaan manen ida ti Apo kadagiti ima dagiti kabusorda; ngarud nagyamanda iti Apo a Diosda; wen, ket ^anagayuno iti adu ken nagkararagda iti adu, ket nagdaydayawda iti Dios nga addaan iti kasta unay a ragsak.

2 Ket napasamak iti maikasangapulo ket siam a tawen ti panagturay dagiti ukom kadagiti tattao ni Nephi, nga immay ni Alma iti lalaki nga anakna a ni Helaman ket kinunana kenkuana: Mamatika kadi kadagiti balikas nga insaok kenka maipanggep kadagidiay ^akasuratan a naidulin?

3 Ket kinuna ni Helaman kenkuana: Wen, patiek.

4 Ket kinuna manen ni Alma: Patiem kadi ni Jesucristo, nga umayto?

5 Ket kinunana: Wen, patiek amin dagiti balikas nga insaom.

6 Ket kinuna manen ni Alma kenkuana: ^aTungpalem kadi dagiti bilinko?

7 Ket kinunana: Wen, tungpalek a naimpusuan dagiti bilinmo.

8 Kalpasanna kinuna ni Alma kenkuana: Nagasatka; ket ^aparang-ayennakanto ti Apo ditoy a daga.

9 Ngem kitaen, adda banag nga ^aipadtok kenka; ngem saanmonto ipakaammo ti banag nga ipadtok kenka; wen, saanto a maipakaammo ti ipadtok kenka, uray pay agingga a matungpal ti padto; ngarud isuratmo dagiti balikas nga ibagak.

10 Ket dagitoy dagiti balikas: Kitaen, maawatak a mismo a dagitoy a tao, dagiti Nephita, a mayannurot iti espiritu ti pammaltiing nga adda kaniak, iti ^auppat a gasut a tawen manipud iti panagparangto ni Jesucristo kadakuada, main-inut ti ^bsaan a panamati.

11 Wen, ket kalpasanna makitadanto dagiti gubat ken dagiti makapapatay a sakit, wen, panagbisin ken pammapatay, uray agingga a ^anatayen—dagiti tattao ni Nephi—

12 Wen, ken gapu daytoy ta in-inut a mapukawto ti pammatida ken matnagda kadagiti dakes nga aramid, ken ^aseksual nga imoralidad, ken amin a kita ti kinadangkes; wen, kunak kadakayo, a gapu ta agbasoldanto maibusor iti naindaklan unay a pannakalawlawag ken pannakaammo, wen, kunak kadakayo, a manipud iti dayta nga aldaw, saanto nga aglabas uray ti maikapat nga henerasion sakbay nga umayto daytoy dakkel a kinadangkes.

13 Ket inton dumteng dayta naindaklan nga aldaw, kitaen, asidegen unay a dumteng ti panawen a dagidiay adda ita, wenno dagiti kaputotan dagiti nabilang itan kadagiti tattao ni Nephi, ^asaandanton a mabilang kadagiti tattao ni Nephi.

14 Ngem siasinoman a mabati, ken saan a madadael iti dayta naindaklan ken nakabutbuteng nga aldaw, ^amabilangdanto kadagiti Lamanita, ket agbalinto a kas kadakuada, amin, malaksid iti sumagmamano a maawagan a dagiti disipulo ti Apo; ket isudanto ti kamaten dagiti Lamanita uray ^bagingga a mapapataydanto. Ket ita, gapu iti kinadangkes, matungpalto daytoy a padto.

15 Ket ita napasamak a kalpasan ti panangisao ni Alma kadagitoy a bambanag ken ni Helaman, binendisionanna isuna, ken kasta met dagiti dadduma pay nga annakna; ken kasta met a binendesionanna ti daga para pagimbagan dagiti ^analinteg.

16 Ket kinunana: Kastoy ti kinuna ti Apo a Dios—^aMailunodto ti daga a pakaigapuan iti pannakadadael, wen, daytoy a daga, para iti tunggal pagilian, puli, pagsasao, ken tattao, nga agar-aramid iti dakes, inton naan-anayen ti luomda; ket kas iti nasaokon mapasamakto; gapu ta daytoy ti lunod ken ^bbendision ti Dios iti daga, ta saan a mabalin nga ibilang ti Apo ti basol uray iti ^csangkabassit a pananganamong.

17 Ket ita, idi naibaga ni Alma dagitoy a balikas binendisionanna ti ^asimbaan, wen, amin dagidiay masapul nga agtalinaed a sititibker iti pammati manipud iti dayta a panawen.

18 Ket pimmanaw ni Alma iti daga a Zarahemla idi inaramidna daytoy, a kasla mapan iti daga a Melek. Ket napasamak nga awanen ti nangngegan pay maipapan kenkuana; no maipapan iti ipapatay wenno pannakaitabonna saanmi ammo.

19 Kitaen, daytoy ti ammomi, a nalinteg a tao isuna; ket naiwaras ti pagsasao iti simbaan nga innala isuna ti Espiritu, wenno ^aintabon babaen ti ima ti Apo, kas ken ni Moises. Ngem kitaen, kuna dagiti nasantuan a kasuratan nga inawat ti Apo ni Moises kas kukuana; ken ipagarupmi nga inawatna met ni Alma iti espiritu, kas kukuana; ngarud, gapu iti daytoy awan ti ammomi maipapan iti ipapatay ken pannakaitabonna.

20 Ket ita napasamak iti panangrugi ti maikasangapulo ket siam a tawen ti panagturay dagiti ukom kadagiti tattao ni Nephi, a napan ni Helaman kadagiti tattao tapno ideklara ti balikas kadakuada.

21 Ta kitaen, gapu iti pannakigubatda kadagiti Lamanita ken dagiti adu a babassit a panagsusupiat ken riribuk a napasamak kadagiti tattao, nagbalin a nasayaat nga ideklara ti ^abalikas ti Dios kadakuada, wen, ken maaramid ti maysa a pagannurotan iti intero a simbaan.

22 Ngarud, napan ni Helaman ken dagiti kakabsatna a nangipasdek manen iti simbaan iti intero a daga, wen, iti tunggal siudad iti intero a daga a tinagikua dagiti tattao ni Nephi. Ket napasamak a nangdutokda kadagiti papadi ken mannursuro iti intero a daga, iti intero a simbaan.

23 Ket ita napasamak a kalpasan ti panangdutok ni Helaman ken dagiti kakabsatna kadagiti papadi ken mannursuro kadagiti simbaan timmaud ti ^apanagsusupiat kadakuada, ket saanda nga ipangag dagiti balikas ni Helaman ken dagiti kakabsatna;

24 Ngem dimmakkelda a napangas, gapu ta natangsit ti panagpuspusoda, gapu ta kasta unay a ^akinabaknangda; ngarud bimmaknangda kadagiti ^bbukodda a mata, ket saanda kayat nga ipangag dagiti balikasda, a magna a nalinteg iti sanguanan ti Dios.