Alma

Dagiti Nasantuan a Kasuratan

Libro ni Mormon

Dagiti Linaonna
Pakauna ken dagiti Saksi
1 Nephi
2 Nephi
Jacob
Enos
Jarom
Omni
Words of Mormon
Mosiah
Alma
Helaman
3 Nephi
4 Nephi
Mormon
Ether
Moroni

Alma

Kapitulo 1
Isuro ni Nehor dagiti ulbod a doktrina, mangbangon iti simbaan, yam-ammona ti panaginsasaserdote, ken patayenna ni Gideon—Mapapatay ni Nehor gapu kadagiti inaramidna a krimen—Agsaknap kadagiti tattao ti panaginsasaserdote ken panagidadanes—Suportaran dagiti saserdote ti bagbagida, taripatuen dagiti tattao dagiti napanglaw, ket rumang-ay ti Simbaan. Agarup 91–88 B.C.
Kapitulo 2
Tarigagayan ni Amlici ti agbalin nga ari ket mailaksid babaen ti timek dagiti tattao—Pagbalinen nga ari dagiti pasurotna—Makigubat dagiti Amlicita kadagiti Nephita ket maabakda—Agtipon ti puersa dagiti Lamanita ken Amlicita ket maabakda—Patayen ni Alma ni Amlici. Agarup 87 B.C.
Kapitulo 3
Minarkaan dagiti Amlicita ti bagbagida a mayanatup iti naimpadtuan a balikas—Nailunod dagiti Lamanita gapu iti panagsupiatda—Inyeg dagiti tattao dagiti bukodda a lunod—Pinarmek dagiti Nephita ti sabali pay a buyot ti Lamanita. Agarup 87–86 B.C.
Kapitulo 4
Buniagan ni Alma ti rinibu a komberte—Mastrek ti kinadangkes ti Simbaan, ket natubeng ti panagdur-as ti Simbaan—Matudingan ni Nephihah a pangulo nga ukom—Ni Alma, kas kangatuan a saserdote, ingaedna ti bagina iti panangasaba. Agarup 86–83 B.C.
Kapitulo 5
Tapno magun-od ti pannakaisalakan, nasken nga agbabawi ken tungpalen dagiti bilin, maipasngay manen, dalusanda ti kawesda babaen iti dara ni Cristo, agpakumbaba ket iwaksida ti kinapalangguad ken kinaapal, ket agaramidda iti kinalinteg—Ayaban ti Naimbag a Pastor dagiti taona—Annak ti sairo dagiti agaramid iti dakes—Paneknekan ni Alma ti kinapudno ti doktrinana ket bilinenna dagiti tattao nga agbabawi—Maisuratto iti libro ti biag ti nagan dagiti nalinteg. Agarup 83 B.C.
Kapitulo 6
Madalusan ken maurnos ti Simbaan iti Zarahemla—Mapan ni Alma iti Gideon tapno mangasaba. Agarup 83 B.C.
Kapitulo 7
Maipasngayto ni Cristo ken ni Maria—Warwarennanto ti bedbed ni patay ken baklayennanto dagiti basol dagiti taona—Maaddaanda iti agnanayon a biag dagidiay agbabawi, mabuniagan, ken mangtungpal kadagiti bilin—Saan a matawid ti kinarugit ti pagarian ti Dios—Kasapulan ti kinapakumbaba, pammati, namnama, ken panangngaasi. Agarup 83 B.C.
Kapitulo 8
Mangasaba ken mamuniag ni Alma iti Melek—Mailaksid iti Ammonihah ket pumanaw—Bilinen ti anghel nga agsubli ket dawatenna ti panagbabawi dagiti tattao—Awaten ni Amulek, ket mangasabada a dua iti Ammonihah. Agarup 82 B.C.
Kapitulo 9
Bilinen ni Alma dagiti tattao ni Ammonihah nga agbabawi—Kaasianto ti Apo dagiti Lamanita kadagiti maudi nga aldaw—No tallikudan dagiti Nephita ti lawag, dadaelendanto ida dagiti Lamanita—Dumtengto iti mabiit ti Anak ti Dios—Subbotennanto dagidiay agbabawi, mabuniagan, ken addaan iti pammati iti naganna. Agarup 82 B.C.
Kapitulo 10
Nagtaud ni Lehi manipud ken ni Manasses—Isarita ni Amulek ti immanghel a bilin nga aywananna ni Alma—Dagiti kararag ti nalilinteg ti gapu iti pannakaisalakan dagiti tattao—Isaad dagiti nakillo nga abogado ken ukom ti pamuon ti pannakadadael dagiti tattao. Agarup 82 B.C.
Kapitulo 11
Naiwayat ti pannakaurnos ti kuarta dagiti Nephita—Makisupiat ni Amulek ken ni Zeezrom—Saanto nga isalakan ni Cristo dagiti tattao iti basbasolda—Dagiti laeng mangtawid iti pagarian ti Dios ti maisalakan—Bumangonto amin a tao iti kinaagnanayon—Awan ti patay kalpasan ti Panagungar. Agarup 82 B.C.
Kapitulo 12
Makisao ni Alma ken ni Zeezrom—Maited dagiti misterio ti Dios kadagiti laeng napudno—Maukom dagiti tattao babaen kadagiti kapanunotan, pammati, balikas, ken aramidda—Agsagabanto dagiti dakes iti naespirituan nga ipapatay—Maysa a pakapadasan a kasasaad daytoy mortal a biag—Ipatungpal ti plano ti pannakasubbot ti Panagungar ken, babaen ti pammati, ti pannakaugas dagiti basol—Addaan iti karbengan ti nagbabawi a tuntonen ti kaasi ti Bugbugtong nga Anak. Agarup 82 B.C.
Kapitulo 13
Maawagan a kas nangato a papadi dagiti lallaki gapu iti aglaplapusanan a pammatida ken dagiti nasayaat nga ar-aramidda—Rumbeng nga isuroda dagiti bilin—Babaen ti kinalinteg mapasantoda ken makastrekda iti paginanaan ti Apo—Ni Melchizedek ti maysa kadagitoy—Iwaragawag dagiti anghel ti naimbag a damag iti amin a daga—Iwaragawagdanto ti pudno a yaay ni Cristo. Agarup 82 B.C.
Kapitulo 14
Maibalud ken madangran da Alma ken Amulek—Mapuoran iti apuy dagiti manamati ken dagiti nasantuan a kasuratanda—Naglorian nga awaten ti Apo dagitoy a martir—Agbirri ken marpuog dagiti pader ti pagbaludan—Mawayawayaan da Alma ken Amulek, ken mapapatay dagiti nangidadanes kadakuada. Agarup 82–81 B.C.
Kapitulo 15
Mapan da Alma ken Amulek iti Sidom ket bangonenda ti simbaan—Agasan ni Alma ni Zeezrom, a nagkameng iti Simbaan—Adu ti nabuniagan, ket rumang-ay ti Simbaan—Mapan da Alma ken Amulek iti Zarahemla. Agarup 81 B.C.
Kapitulo 16
Dadaelen dagiti Lamanita dagiti tattao iti Ammonihah—Idauluan ni Zoram dagiti Nephita a mangabak kadagiti Lamanita—Ikasaba da Alma ken Amulek ken adu pay a sabsabali ti balikas—Isuroda nga agparangto ni Cristo kadagiti Nephita kalpasan ti panagungarna. Agarup 81–77 B.C.
Kapitulo 17
Addaan iti espiritu ti pammadto ken paltiing dagiti lallaki nga annak ni Mosiah—Agpatuloyda a napan kadagiti nagduduma a lugar tapno mangipakdaar ti balikas kadagiti Lamanita—Mapan ni Ammon iti daga ti Ismael ket agbalin a katulongan ni Ari Lamoni—Isalakan ni Ammon dagiti arban ti ari ken patayenna dagiti kabusorna iti danum ti Sebus. Dagiti bersikulo 1–3, agarup 77 B.C.; bersikulo 4, agarup 91–77 B.C.; ken dagiti bersikulo 5–39, agarup 91 B.C.
Kapitulo 18
Ipagarup ni ari Lamoni a Naindaklan nga Espiritu ni Ammon—Isuro ni Ammon iti ari ti Pannakaparsua, ti pannakilangen ti Dios kadagiti tattao, ken ti pannakasubbot a dumteng babaen ken ni Cristo—Mamati ni Lamoni ket matuang iti daga a kasla natay. Agarup 90 B.C.
Kapitulo 19
Awaten ni Lamoni ti lawag ti agnanayon a biag ken makitana ti Mannubbot—Naimayeng dagiti kabbalayna, ket adu ti makakita kadagiti anghel—Namilagruan ti pannakasaluad ni Ammon—Adu ti buniaganna ken bangonenne iti maysa a simbaan kadakuada. Agarup 90 B.C.
Kapitulo 20
Ibaon ti Apo ni Ammon iti Middoni a mangwayawaya kadagiti naibalud a kabsatna—Masabat da Ammon ken Lamoni ti ama ni Lamoni, nga ari ti amin a daga—Piliten ni Ammon ti lakay nga ari nga anamonganna ti pannakawayawaya dagiti kabsatna. Agarup 90 B.C.
Kapitulo 21
Isuro ni Aaron dagiti Amalekita ti maipanggep ken ni Cristo ken ti Pannubbotna—Maibalud da Aaron ken dagiti kakabsatna iti Middoni—Kalpasan ti pannakawayawayada, mangisuroda kadagiti sinagoga ket adu ti nakomberteda—Ipaay ni Lamoni ti nawaya a pammati kadagiti tattao iti daga ti Ismael. Agarup 90–77 B.C.
Kapitulo 22
Isuro ni Aaron ti ama ni Lamoni iti maipanggep iti Panagparsua, ti pannakatnag ni Adan, ken ti plano ti pannakasubbot babaen ni Cristo—Mamalbaliw ti ari ken amin a kameng ti sangakabbalayanna—Nailawlawag no kasano ti pannakabingay ti daga a para kadagiti Nephita ken Lamanita. Agarup 90–77 B.C.
Kapitulo 23
Maipakdaar ti nawaya a pammati—Mamalbaliw dagiti Lamanita iti pito a dagdaga ken siudad—Awaganda ti bagbagida iti Anti-Nephi-Lehi ket nawayawayaanda manipud iti lunod—Iwaksi dagiti Amalekita ken Amulonita ti kinapudno. Agarup 90–77 B.C.
Kapitulo 24
Umay dagiti Lamanita a mangbusor kadagiti tattao ti Dios—Agragsak dagiti Anti-Nephi-Lehi ken ni Cristo ket sarungkaran ida dagiti anghel—Pilienda ti agsagaba iti patay ngem ti mangsalaknib iti bagbagida—Adu pay a Lamanita ti namalbaliw. Agarup 90–77 B.C.
Kapitulo 25
Agsaknap ti panagraut dagiti Lamanita—Mapukaw ti kaputotan dagiti saserdote ni Noe a kas impadto ni Abinadi—Adu a Lamanita ti mamalbaliw ken kumappon kadagiti tattao nga Anti-Nephi-Lehi—Mamatida ken ni Cristo ket surotenda ti paglintegan ni Moises. Agarup 90–77 B.C.
Kapitulo 26
Agdaydayaw ni Ammon iti Apo—Mapapigsa dagiti napudno babaen ti Apo ken maikkanda iti pannakaammo—Babaen ti pammati makaawis dagiti tattao iti rinibribu a kararua nga agbabawi—Adda iti Dios ti amin a bileg ket matukodna amin a banag. Agarup 90–77 B.C.
Kapitulo 27
Bilinen ti Apo ni Ammon a mangidaulo para iti pannakasalaknib kadagiti tattao nga Anti-Nephi-Lehi—Apaman a nagkitada ken Alma, mauyos ti pigsa ni Ammon iti rag-ona—Ited dagiti Nephita ti daga ti Jershon kadagiti Anti-Nephi-Lehi—Maawaganda iti tattao ni Ammon. Agarup 90–77 B.C.
Kapitulo 28
Maparmek dagiti Lamanita iti nakaam-amak a dangadang—Pinullo a ribu ti mapapatay—Maikumit dagiti dakes iti awan inggana a kinaay-ay-ay; maragpat dagiti nalinteg ti saanto pulos agressat a ragsak. Agarup 77–76 B.C.
Kapitulo 29
Tarigagayan ni Alma nga iwaragawag ti panagbabawi nga addaan iti nain-anghelan a pammatalged—Ikkan ti Apo iti mannursuro ti amin a pagilian—Idaydayaw ni Alma ti aramid ti Apo ken ti balligi ni Ammon ken dagiti kakabsatna. Agarup 76 B.C.
Kapitulo 30
Uyawen ni Korihor, ti Anti-Cristo, ni Cristo, ti pannakasubbot, ken ti espiritu ti pammadto—Isurona nga awan ti Dios, awan ti pannakatnag ti tao, awan ti dusa iti basol, ken awan ti Cristo—Paneknekan ni Alma a dumtengto ni Cristo ken ipakita ti amin a banag nga adda Dios—Dawaten ni Korihor ti tanda ket pinagumel—Nagparang ti sairo ken ni Korihor a kas anghel ket insurona kenkuana ti sawenna—Mabaddebaddek ni Korihor ket matay. Agarup 76–74 B.C.
Kapitulo 31
Idauluan ni Alma ti mision a pasublien dagiti apostata a Zoramita—Ilibak dagiti Zoramita ni Cristo, patienda ti saan a pudno a kapanunotan ti panagpili, ken agdaydayawda iti naikeddeng a kararag—Napno dagiti misionario iti Nasantuan nga Espiritu—Alimonen ti rag-oda ken ni Cristo ti rigrigatda. Agarup 74 B.C.
Kapitulo 32
Isuro ni Alma dagiti napanglaw a dagiti pagnagsagabada ti nangpakumbaba kadakuada—Ti pammati ket namnama iti saan a makita a pudno—Paneknekan ni Alma nga agministro dagiti anghel kadagiti lallaki, babbai, ken ubbing—Idilig ni Alma ti balikas iti maysa a bukel—Masapul a maimula ken mataraonan—Kalpasanna, dumakkel dayta nga agbalin a kayo a pakapurosan ti bunga ti biag nga agnanayon. Agarup 74 B.C.
Kapitulo 33
Insuro ni Zenos a rumbeng nga agkararag ken agdayaw dagiti tattao iti amin a lugar, ket ta agsardeng a mapasamak dagiti panangukom gapu iti Anak—Insuro ni Zenock a maited ti asi gapu iti Anak—Intag-ay ni Moises idiay let-ang ti maysa a pagilasinan ti Anak ti Dios. Agarup 74 B.C.
Kapitulo 34
Paneknekan ni Amulek a nagtaud ken ni Cristo ti balikas a mangyeg iti pannakaisalakan—Malaksid no maaramid ti pannubbot, sigurado a mapukaw iti naespirituan ti amin a sangataoan—Iturong ti sibubukel a linteg ni Moises iti sakripisio ti Anak ti Dios—Naibatay ti agnanayon a plano iti pammati ken panagbabawi—Agkararag para kadagiti temporal ken naespirituan a bendision—Daytoy a biag ti tiempo nga agsagana dagiti tattao nga umay iti presensia ti Dios—Itrabahom ti pannakaisalakanmo a mangipakpakita iti buteng iti sanguanan ti Dios. Agarup 74 B.C.
Kapitulo 35
Dadaelen ti panangikasaba ti balikas ti saan nalinteg a trabaho dagiti Zoramita—Inlaksidda dagiti nakomberte, a kalpasanna makikadua kadagiti tattao ni Ammon iti Jershon—Agladingit ni Alma gapu iti kinadakes dagiti tattao. Agarup 74 B.C.
Kapitulo 36
Paneknekan ni Alma ken ni Helaman ti panamalbaliwna kalpasan ti pannakakitana iti anghel—Inturedna dagiti saem ti nailunod a kararua; inawaganna ti nagan ni Jesus, ken kalpasanna nayanak iti Dios—Napno iti nasam-it a rag-o ti kararuana—Nakitana ti rimmuong ti anghel nga agdaydayaw iti Dios—Adu kadagiti napasurot ti nakananam ken nakakita ti kas iti nananam ken nakitana. Agarup 74 B.C.
Kapitulo 37
Mataginayon dagiti pinanid a gambang ken dadduma pay a nasantuan a kasuratan tapno maisalakan dagiti kararua—Nadadael dagiti Jaredita gapu iti kinadakesda—Nasken a mailimed dagiti nalimed a sapata ken katulaganda kadagiti tattao—Agpabalakadka iti Apo iti amin nga aramidmo—A kas inturong ti Liahona dagiti Nephita, kasta met nga iturong ni Cristo dagiti tattao iti agnanayon a biag. Agarup 74 B.C.
Kapitulo 38
Naidadanes ni Shiblon gapu iti kinalinteg—Adda ti pannakaisalakan ken ni Cristo, a biag ken silaw ti lubong—Pengdam amin a riknam. Agarup 74 B.C.
Kapitulo 39
Makarimon ti basol a mainaig iti seks—Linapdan ti basbasol ni Corianton ti panangawat dagiti Zoramita ti balikas—Iraman ti panangsubbot ni Cristo dagiti napalabas nga aramid tapno maisalakan dagiti napudno nga immun-una. Agarup 74 B.C.
Kapitulo 40
Ipatungpal ni Cristo ti panagungar ti amin a tattao—Mapan iti paraiso ti nalinteg a matay ket mapan iti adayo a lugar ti kasipngetan ti dakes tapno urayen ti aldaw ti panagungarda—Maisublinto ti amin a bambanag iti sigud ken naan-anay a bagida inton Panagungar. Agarup 74 B.C.
Kapitulo 41
Inton Panagungar bumangonto ti tattao iti kasasaad nga awan patinggana a kinaragsak wenno awan patinggana a panagladingit—Saan a pulos a kinaragsak ti kinadakes—Awanan ti Dios dagiti nailubongan a tattao iti lubong—Awaten manen ti tunggal tao iti Pannakaisubli dagiti kababalin ken galad a nagun-odna iti nainlasagan a biag. Agarup 74 B.C.
Kapitulo 42
Pakapadasan a panawen ti panagbiag a nainlasagan a mangted iti tao iti gundaway nga agbabawi ken agserbi iti Dios—Inyeg ti Pannakatnag ti naindagaan ken naespirituan nga ipapatay iti sangkataoan—Mapasamak ti pannubbot babaen ti panagbabawi—Ti Dios a mismo ti nangsubbot kadagiti basol ti lubong—Agpaay ti kaasi kadagiti agbabawi—Iturayan ti paglintegan ti Dios ti amin a dadduma—Dumteng ti panangngaasi gapu iti Pannubbot—Dagiti laeng pudno a nagbabawi ti maisalakan. Agarup 74 B.C.
Kapitulo 43
Ikasaba ni Alma ken dagiti lallaki nga annakna ti balikas—Agbalin a Lamanita dagiti simmiasi a Zoramita ken dadduma a Nephita—Mapan makigubat dagiti Lamanita kontra kadagiti Nephita—Armasan ni Moroni dagiti Nephita iti pangdepensa a kabal—Ipalgak ti Apo ken ni Alma ti estratehia dagiti Lamanita—Salakniban dagiti Nephita dagiti pagtaenganda, wayawaya, pamilia, ken relihionda—Palawlawan ti soldado da Moroni ken Lehi dagiti Lamanita. Agarup 74 B.C.
Kapitulo 44
Bilinen ni Moroni dagiti Lamanita nga agaramid iti katulagan ti kappia wenno madadaelda—laksiden ni Zerahemnah ti singasing, ket agtuloy ti gubat—abaken dagiti soldado ni Moroni dagiti Lamanita. Agarup 74–73 B.C.
Kapitulo 45
Patien ni Helaman dagiti balikas ni Alma—Ipadto ni Alma ti pannakadadael dagiti Nephita—Bendisionan ken ilunodna ti daga—Mabalin a ti espiritu ti nangala ken ni Alma, a kas ken ni Moises—Kumaro ti panagsusupiat iti Simbaan. Agarup 73 B.C.
Kapitulo 46
Agplano ni Amalickiah nga agbalin nga ari—Itag-ay ni Moroni ti wagayway ti libertad—Ayabanna dagiti tattao nga agtitipon a mangidepensa iti relihionda—Maawagan dagiti pudno a namati a Kristiano—Mataginayonto ti maysa kadagti natda a kaputotan ni Jose—Agkamang ni Amalickiah ken dagiti simmiasi iti daga ni Nephi—mapapatay dagiti saan a sumuporta iti panggep ti waywaya. Agarup 73–72 B.C.
Kapitulo 47
Usaren ni Amalickiah ti panangliput, panangpapatay, ken intriga tapno agbalin nga ari dagiti Lamanita—Nadakdakes ken narungrungsot dagiti agsusupiat a Nephita ngem dagiti Lamanita. Agarup 72 B.C.
Kapitulo 48
Sugsogan ni Amalickiah dagiti Lamanita maibusor kadagiti Nephita—Isagana ni Moroni dagiti taona a mangidepensa iti panggep dagiti Kristiano—Agraragsak isuna iti libertad ken wayawaya ken maysa a maingel a tao ti Dios. Agarup 72 B.C.
Kapitulo 49
Saan a kabaelan dagiti rumaraut a Lamanita nga alaen dagiti nasarikedkedan a siudad ti Ammonihah ken Noe—Ilunod ni Amalickiah ti Dios ket agsapata nga inumenna ti dara ni Moroni—Itultuloy ni Helaman ken dagiti kakabsatna a papigsaen ti Simbaan. Agarup 72 B.C.
Kapitulo 50
Sarikedkedan ni Moroni dagiti daga dagiti Nephita—Agpatakderda iti adu a baro a siudad—Mapasamak kadagiti Nephita dagiti gubgubat ken pannakadadael kadagiti aldaw ti kinadakes ken kinarimonda—Abaken ni Teancum ni Morianton ken dagiti kaduana a simmuppiat—Matay ni Nephihah, ket agtugaw ti pangukoman ti lalaki nga anakna a ni Pahoran. Agarup 72–67 B.C.
Kapitulo 51
Kayat dagiti tattao-ti-ari a baliwan ti paglintegan ken mangipatugawda iti ari—Suportaran ti timek dagiti tattao ni Pahoran ken ti grupo ti tattao a nagkitulag a mataginayon ti kinawaya—Piliten ni Moroni dagiti tattao-ti-ari a salakniban ti pagilianda wenno mapapatayda—Sakupen ni Amalickiah ken dagiti Lamanita ti adu a siudad—Lapdan ni Teancum ti iraraut dagiti Lamanita ken papatayenna ni Amalickiah iti uneg ti toldana. Agarup 67–66 B.C.
Kapitulo 52
Sukatan ni Ammoron ni Amalickiah nga ari dagiti Lamanita—Idauluan da Moroni, Teancum, ken Lehi dagiti Nephita iti naballigian a pananggubatda kadagiti Lamanita—Mapasubli ti siudad ti Mulek, ken mapapatay ni Jacob a Zoramita. Agarup 66–64 B.C.
Kapitulo 53
Maaramat dagiti balud a Lamanita tapno patibkeren ti siudad ti Bountiful—Mangpatuad kadagiti balligi para kadagiti Lamanita ti panagririri dagiti Nephita—Ipanguluan ni Helaman ti dua ribu nga agtutubo a lallaki nga annak dagiti tattao ni Ammon. Agarup 64–63 B.C.
Kapitulo 54
Pagtulagan da Ammoron ken Moroni ti panagsinnukatda kadagiti balud—Ibilin ni Moroni nga agsanud dagiti Lamanita ken isardengda dagiti makapapatay a panangrautda—Ibilin ni Ammoron nga idisso dagiti Nephita dagiti armasda ken paiturayanda kadagiti Lamanita. Agarup 63 B.C.
Kapitulo 55
Agkedked ni Moroni a makisinnukat kadagiti balud—Naallukoy dagiti guardia a Lamanita a mabartek, ket mawayawayaan dagiti balud a Nephita—Maala ti siudad ti Gid nga awan ti pammapatay. Agarup 63–62 B.C.
Kapitulo 56
Mangipatulod ni Helaman iti surat ken ni Moroni, a mangisalaysay iti kasasaad ti pannakigubat kadagiti Lamanita—Nakagun-od da Antipus ken Helaman iti dakkel a panagballigi kadagiti Lamanita—Makilaban nga addaan iti namilagruan a bileg dagiti dua ribu nga agtutubo nga annak a lallaki ni Helaman, ket awan kadakuada ti napapatay. Bersikulo 1, agarup 62 B. C.; dagiti bersikulo 2–19, agarup 66 B. C.; ken dagiti bersikulo 20–57, agarup 65–64 B. C.
Kapitulo 57
Salaysayen ni Helaman ti panangala ni Antiparah ken ti panagsuko ken idi agangay iti panangdepensa ti Cumeni—Situtured a nakilaban dagiti agtutubo nga Ammonitena; nasugatan amin, ngem awan ti napapatay—Ipadamag ni Gid ti pannakapapatay ken ti panaglibas dagiti balud a Lamanita. Agarup 63 B.C.
Kapitulo 58
Alaen da Helaman, Gid, ken Teomner ti siudad ti Manti babaen ti maysa nga estratehia—Agsanud dagiti Lamanita—Mataginayon a natalged dagiti annak dagiti tattao ti Ammon bayat nga agtalinaedda a natibker iti panangdepensa iti libertad ken pammatida. Agarup 63–62 B.C.
Kapitulo 59
Kiddawen ni Moroni ken ni Pahoran a papigsaenna dagiti puersa ni Helaman—Magun-od dagiti Lamanita ti panagtagikua ti siudad ti Nephihah—Kapungtot ni Moroni ti gobierno. Agarup 62 B.C.
Kapitulo 60
Ireklamo ni Moroni ken ni Pahoran ti panagliway ti gobierno kadagiti soldado—Ipalubos ti Apo a mapapatay ti nalinteg—Kasapulan nga usaren dagiti Nephita ti amin a bileg ken wagas tapno isalaknada ti bagbagida manipud kadagiti kabusorda—Ipangta ni Moroni a labananna ti gobierno malaksid no maited ti tulong para kadagiti soldadona. Agarup 62 B.C.
Kapitulo 61
Ibaga ni Pahoran ken ni Moroni ti maipanggep iti panagalsa ken panagrebelde kontra iti gobierno—Alaen ti grupo dagiti lallaki-a para iti ari ni Zarahemla ket makiligada kadagiti Lamanita—Agkiddaw ni Pahoran iti tulong militar kontra kadagiti rebelde. Agarup 62 B.C.
Kapitulo 62
Agmartsa ni Moroni a tumulong ken ni Pahoran iti daga ni Gideon—Mapapatay dagiti lallaki-para iti ari nga agkedked a mangidepensa iti pagilianda—Mapasubli da Pahoran ken Moroni ti Nephihah—Adu a Lamanita ti makitipon kadagiti tattao ni Ammon—Papatayen ni Teancum ken ni Ammoron ket mapapatay met—Mapatalaw dagiti Lamanita manipud iti daga, ket maipasdek ti kappia—Agsubli ni Helaman iti ministerio ken mangbangon iti Simbaan. Agarup 62–57 B.C.
Kapitulo 63
Tagikuaen ni Shiblon ken kalpasanna ni Helaman dagiti sagrado a kasuratan—Adu a Nephita ti agdaliasat iti daga nga agpaamianan—Mangaramid ni Hagoth kadagiti barko, nga aglayag iti laud a baybay—Parmeken ni Moronihah dagiti Lamanita iti gubat. Agarup 56–52 B.C.