Dagiti Nasantuan a Kasuratan
Omni 1


Ti Libro ni Omni

Kapitulo 1

Agsisinnublat da Omni, Amaron, Chemish, Abinadom, ken Amaleki a mangisurat kadagiti pakasaritaan—Matakuatan ni Mosiah dagiti tattao ti Zarahemla, a naggapu iti Jerusalem kadagidi aldaw ni Sedekias—Naisaad ni Mosiah nga arida—Natakuatan dagiti kaputotan ni Mulek ni Coriantumr, ti maudi kadagiti Jaredita—Sukatan ni Ari Benjamin ni Mosiah—Nasken nga idaton dagiti tattao ti kararuada a kasla daton ken ni Cristo. Agarup 323-130 B.C.

1 Kitaen, napasamak a siak, ni Omni, babaen ti pammilin ti amak, ni Jarom, a nasken nga agsuratak kadagitoy a pinanid, tapno mataginayon ti kapupuonmi—

2 Gapuna, kadagiti aldawko, kayatko a maammuanyo a namin-adu a nakirangetak babaen ti espada tapno mataginayonko dagiti tattaok, dagiti Nephita, tapno saanda masakup dagiti kabusorda, dagiti Lamanita. Ngem kitaen, maysaak met a dakes a tao, ket saanko a sinalimetmetan dagiti alagaden ken bilbilin ti Apo a rumbeng nga inaramidko.

3 Ket napasamak a dua gasut ken pitopulo ket innem a tawen ti limmabas, ket naaddaankami iti adu a panawen ti kappia; ken naaddaankami iti adu a panawen ti nakaro a gubat ken panangpapatay. Wen, ket iti kamaudiananna, dua gasut ken walopulo ket dua a tawen ti limmabas, ket intalimengko dagitoy a pinanid a mayannurot akadagiti bilin dagiti ammak; ket intalekko ida iti anakko a ni Amaron. Ket igibuskon.

4 Ket ita siak, ni Amaron, isuratko dagiti banag a kayatko nga isurat, nga ababa laeng, iti libro ti amak.

5 Kitaen, napasamak a tallo gasut ken duapulo a tawen ti limmabas, ket dagiti nadadangkes a kameng dagiti Nephita ket anadadael.

6 Ta saan nga ipalubos ti Apo, kalpasan ti panangipanawna kadakuada iti ruar ti daga ti Jerusalem ket sinaluadan ken inliklikna ida a matnag kadagiti ima dagiti kabusorda, wen, saanna ipalubos a saan a napaneknekan dagiti balikas, nga imbaga dagiti amatayo, a kinunana a: No saankayo agtungpal kadagiti bilinko saankayo a rumang-ay iti daga.

7 Gapuna, sinarungkaran ida ti Apo iti nakaro a panangukom; nupay kasta, inlisina dagiti nalinteg tapno saanda a maungaw, ngem insalakanna ida tapno saanda masakup dagiti kabusorda.

8 Ket napasamak nga inyawatko dagiti pinanid iti lalaki a kabsatko a ni Chemish.

9 Ita siak, ni Chemish, isuratko ti sumagmamano nga isuratko, iti isu met laeng a libro ti lalaki a kabsatko; ta kitaen, nakitak ti naudi nga insuratna, nga insuratna iti bukodna nga ima; ket insuratna iti aldaw nga inyawatna kaniak. Ket kastoy a wagas ti panangisuratmi kadagiti kasuratan, ta mayannurot daytoy kadagiti bilin dagiti ammami. Ket igibuskon.

10 Kitaen, siak, ni Abinadom, ti lalaki nga anak ni Chemish. Kitaen, napasamak a nakitak ti adu a gubgubat ken panagsusupanget dagiti tattaok, dagiti Nephita, ken dagiti Lamanita; ket siak, babaen iti panagaramatko ti espadak, adu ti napapatayko kadagiti Lamanita iti panangsalaknibko kadagiti kakabsatko.

11 Ket kitaen, naikitikit ti kasuratan dagitoy a tattao kadagiti pinanid nga adda kadagiti ari, a mayannurot kadagiti kaputotan; ket awan ti ammok a paltiing malaksid iti naisuraten, wenno pammadto; gapuna, umdasen ti naisurat. Ket igibuskon

12 Kitaen, siak ni Amaleki, ti lalaki nga anak ni Abinadom. Kitaen, ibagak kadakayo ti maipanggep ken ni Mosiah, a naisaad nga ari iti daga ti Zarahemla; ta kitaen, gapu ta isu ti binallaagan ti Apo nga aglibas iti daga ti aNephi, ken kas ti kaadu kadagit sumurot kenkuana iti timek ti Apo ti kaadu ti nasken a bpumanaw iti daga, ket mapanda iti langalang—

13 Ket napasamak nga inaramidna iti mayannurot iti imbilin kenkuana ti Apo. Ket pimmanawda iti daga iti papanda iti langalang, iti kas iti kaadu ti dimngeg iti timek ti Apo; ket naiturongda babaen ti adu a panangasaba ken pammadto. Ket nagtultuloy ti pamalbalakad kaniada babaen iti balikas ti Dios; ket naiturongda babaen ti bileg ti imana, iti langalang agingga a nakadanonda iti daga a maawagan iti daga ti Zarahemla.

14 Ket natakuatanda dagiti tattao, a maawagan iti tao ti aZarahemla. Ita, adda dakkel a panagrag-o dagiti tattao ni Zarahemla; kasta met a kasta unay ti panagrag-o ni Zarahemla, gapu ta imbaon ti Apo dagiti tattao ni Mosiah a nangisangpet bkadagiti pinanid a gambang a naglaon kadagiti kasuratan dagiti Hudio.

15 Kitaen, napasamak a natakuatan ni Mosiah a naggapu adagiti tattao ni Zarahemla iti Jerusalem iti panawen a ni bSedekias, ti ari ti Juda, naitalaw a balud iti Babilonia.

16 Ket nagdaliasatda iti langalang, ket inturong ida ti ima ti Apo a bumallasiw iti taaw, nga agturong iti daga a nakatakuatan ni Mosiah kadakuada; ket nagindegdan idiay manipud idi.

17 Ket iti panawen a pannakatakuat ni Mosiah kadakuada, immadudan a kasta unay. Nupay kasta, namin-adu a naggugubatda ken nakaro ti panagsusupangetda, ket pasaray a nasugatan ken natayda babaen ti espada; ket nabalbaliwan ti pagsasaoda; ket awan ti intugotda a akasuratan; ket inlibakda ti kaadda ti Namarsuada; ket ni Mosiah, wenno dagiti tattao ni Mosiah, saanda maawatanda ida.

18 Ngem napasamak nga imbilin ni Mosiah a maisuro kadakuada ti pagsasaona. Ket napasamak a kalpasan ti pannakaisuro kadakuada ti pagsasao ni Mosiah, inted ni Zarahemla ti kapupuon dagiti ammana, kas mayannurot iti pannakalagipna; ket naisuratda, ngem saan a kadagitoy a pinanid.

19 Ket napasamak a anagkaykaysa dagiti tattao ni Zarahemla, ken ni Mosiah; ket nadutokan ni bMosiah nga arida.

20 Ket napasamak kadagidi aldaw ni Mosiah, nga addaan ti naiyeg kenkuana a dakkel a bato a nakitikitan; ket aimpatarusna dagiti naikitikit babaen ti sagut ken bileg ti Dios.

21 Ket naglaon ti pakaammuan ti maysa a aCoriantumr, ken ti pannakapapatay dagiti taona. Ket natakuatan dagiti tattao ni Zarahemla ni Coriantumr; ket nakipagnaed kadakuada iti uneg ti siam a bulan.

22 Inagapadna met ti sumagmamano a balikas maipanggep kadagiti ammana. Ket naggapu dagiti immuna a nagannakna manipud iti atorre, iti panawen a btinikaw ti Apo ti pagsasao dagiti tattao; ket naipataw kadakuada ti kinaiget ti Apo a mayannurot kadagiti panangukomna, a nainkalintegan; ket naiwarawara ti ctultulangda iti daga nga agpaamianan.

23 Kitaen, siak, ni Amaleki, nayanakak kadagidi aldaw ni Mosiah; ket nagbiagak a makita iti ipapatayna; ket agturay ni aBenjamin, ti lalaki nga anakna, a sukatna.

24 Ket kitaen, naimatangak, kadagidi panagbiag ni ari Benjamin, ti nakaro a gubat ken adu a panangpapatay iti nagbaetan dagiti Nephita ken dagiti Lamanita. Ngem kiaten, nagun-od dagiti Nephit ti dakdakkel a gundaway a maibusor kadakuada; wen, uray la a napasanud ida ni ari Benjamin manipud iti daga ti Zarahemla.

25 Ket napasamak a nangrugin a lumakayak; ket, gapu ta awan ti putotko, ken ammok a nalinteg a tao ni ari aBenjamin iti imatang ti Apo, gapuna, biyawatkonto kenkuana dagitoy a pinanid, gutugotek dagiti tattao nga umay iti Dios, ti Nasantuan ti Israel, ken mamati iti pammadto, ken kadagiti paltiing, ken iti panagaywan dagiti anghel, ken iti sagut dagiti panagsao, ken iti sagut a mangipatarus kadagiti pagsasao, ken iti amin a bambanag a cnasayaat; ta awan ti nasayaat a saan a nagtaud manipud iti Apo: ken ta dayta a dakes nagtaud manipud iti sairo.

26 Ket ita, patpatgek a kakabsatko, kayatko nga aumaykayo ken ni Cristo, ti Nasantuan ti Israel, ket makiranudkayo iti panangisalakanna, ken ti bileg ti pannubbotna. Wen, umaykayo kenkuana, ket bidatonyo ti sibubukel a kararuayo a kas cdaton kenkuana, ken ituloyyo ti dagayuno ken agkararag, ken agibturkayo agingga iti panungpalan; ket maisalakankayo agingga nga adda ti Apo.

27 Ket ita maisaok man bassit iti maipanggep ti sumagmamano a bilang a napan iti langalang tapno agsubli iti daga a Nephi; ta adda dakkel a bilang a napnuan iti tarigagay a tagikuaen ti daga a tawidda.

28 Gapuna, napanda iti langalang. Ket ti panguloda gapu ta napigsa ken maingel a tao, ken nasukir a tao, gapuna pinagsusupangetna ida; ket isuda amin ket anapapatay, malaksid ti limapulo, iti langalang, ket nagsublida manen iti daga a Zarahemla.

29 Ket napasamak a nangikuyogda pay iti sabsabali iti dakkel a bilang, ket nagdaliasatda manen iti langalang.

30 Ket siak, ni Amaleki, adda kabsatko a lalaki, a simmurot met kadakuada; ket awanen ti ammok maipapan kadakuada manipud idi. Ket dandaniakon agidda iti tanemko; ken adagitoy a pinanid ket napnon. Ket igibuskon ti panagsaok.