1 Mo luk, nao i bin hapen se, Ol Man blong Leman ia oli moa kros from oli bin kilim ol brata blong olgeta i ded; from hemia, oli mekem wan promes se bae oli pembak samting ia long Ol Man blong Nifae; mo oli nomo traem blong kilimded ol pipol blong ^aAntae-Nifae-Lihae long taem ia.

2 Be oli bin tekem ol ami blong olgeta mo oli go long ol boda blong graon blong Sarahemla, mo oli foldaon long ol pipol we oli stap long graon blong Amonaeha mo oli prapa ^aspolem gud olgeta evriwan.

3 Mo afta long samting ia, oli bin gat plante faet wetem Ol Man blong Nifae, mo long ol faet ia, Ol Man blong Nifae oli bin ronemaot olgeta mo kilimded olgeta.

4 Mo long medel blong Ol Man blong Leman we oli bin ded, kolosap olgeta evriwan oli ol ^apikinini blong Amulon mo ol brata blong hem, we oli ol pris blong Noa, mo ol han blong Ol Man blong Nifae oli kilim olgeta oli ded;

5 Mo smol haf we i bin stap, oli bin ronwe i go long Is blong waelples, mo afta we oli stilim paoa mo raet ova long Ol Man blong Leman, oli mekem plante long Ol Man blong Leman oli ^aded tru long faea from bilif blong olgeta—

6 From plante long ^aolgeta, afta we oli bin kasem plante ded mo plante hadtaem, oli stat blong tanem olgeta blong tingbaot ol ^btoktok we Eron mo ol brata blong hem oli bin prijim long olgeta long graon blong olgeta; from hemia, oli stat blong no bilivim ol ^dkastom blong ol papa blong olgeta, mo blong biliv long Lod, mo we hem i givim bigfala paoa long Ol Man blong Nifae; mo olsem ia nao, i gat plante long olgeta we oli jenisim laef blong olgeta taem oli stap long waelples.

7 Mo i bin hapen se olgeta ia we oli rul, we oli smol haf nomo blong ol pikinini blong ^aAmulon, oli mekem se bae olgeta i mas ^bded, yes, olgeta evriwan we oli biliv long ol samting ia.

8 Nao ded ia from bilif i bin mekem se plante long ol brata blong olgeta oli kros; mo i stat blong gat rao long waelples; mo Ol Man blong Leman oli stat blong ^alukaotem ol laen blong Amulon mo ol brata blong hem, mo oli stat blong kilimded olgeta; mo oli ronwe i go long waelples long Is.

9 Mo luk, Ol Man blong Leman oli stap lukaotem olgeta long dei ia. Olsem ia nao ol toktok blong Abinadae oli kam blong hapen, we hem i bin talemaot long saed blong laen blong ol pris we oli mekem se bae hem i mas harem nogud blong ded tru long faea.

10 From hem i talem long olgeta: “Wanem we bae yufala i ^amekem long mi we bae i wan saen blong ol samting we bae oli kam.”

11 Mo nao Abinadae i bin fasfala wan we i safa long ^aded tru long faea from bilif blong hem long God; nao hemia samting we hem i bin minim, se bae plante oli safa long ded tru long faea, semmak olsem we hem i safa.

12 Mo hem i bin talem long ol pris blong Noa se, bae ol laen blong olgeta bae oli mekem plante oli ded, long sem fasin we i bin hapen long hem, mo se bae oli seraot i go olbaot mo bae oli kilim olgeta i ded, semmak olsem wan sipsip we i no gat gadman blong hem we ol wael animol oli ronem mo kilim hem i ded; mo nao luk, ol toktok ia i bin hapen, from Ol Man blong Leman oli ronem olgeta, mo oli lukaotem olgeta, mo oli kilim olgeta.

13 Mo i bin hapen se taem we Ol Man blong Leman oli luk se oli no save winim Ol Man blong Nifae, oli gobak bakegen long graon blong olgeta; mo plante long olgeta oli kam blong stap long graon blong Ismael, mo long graon blong Nifae, mo oli go joenem ol pipol blong God, we oli Ol Man blong ^aAntae-Nifae-Lihae.

14 Mo olgeta tu, oli ^aberem ol tul blong faet blong olgeta, semmak olsem we ol brata blong olgeta i bin mekem, mo oli stat blong kam wan stret mo gud pipol; mo oli wokbaot long ol wei blong Lod, mo oli wokhad blong obei ol komanmen blong hem mo ol loa blong hem.

15 Yes, mo oli obei long loa blong Moses; from i nid se oli mas holem loa blong Moses yet, from loa ia i no bin hapen fulwan yet. Be i nomata long ^aloa blong Moses, oli lukluk i go fored from taem ia we bae Kraes i kam, from oli bilivim se loa blong Moses i wan ^beksampol blong taem ia we bae hem i kam, mo oli bilivim se oli mas holem ol ^dwok we man i save luk, kasem taem we bae Lod i soemaot hemwan long olgeta.

16 Nao oli no bin ting se fasin ^ablong sevem man i kam tru long ^bloa blong Moses; be loa blong Moses i givhan blong mekem fet blong olgeta i kam strong moa long Kraes; mo olsem ia nao oli holemtaet wan ^dhop tru long fet, i go kasem fasin blong sevem man we i no save finis, mo oli dipen long spirit blong profesi, we i talemaot ol samting we bae oli kam.

17 Mo nao luk, Amon, mo Eron, mo Omna, mo Himnae, mo ol brata blong olgeta oli bin glad tumas, from sakses we oli gat long medel blong Ol Man blong Leman, from oli luk se Lod i givim long olgeta folem ol ^aprea blong olgeta, mo tu, we hem i bin pruvum long olgeta se toktok blong hem i tru long evri poen.