1 Kuba qaphelani, umhla uyeza oya ^akutshisa njengeziko; kwaye bonke ^babanekratshi, ewe, nabo bonke abo benza ngenkohlakalo, baya kuba ziindiza; kwaye umhla ozayo uya kubatshisa baphele, itsho iNkosi yemiKhosi, ukuze ingabashiyi nazingcambu nasebe.

2 Kodwa kuni nina niloyikayo igama lam, ^auNyana woBulungisa uya kuphakama enokuphilisa emaphikweni akhe; kwaye niya kubheka phambili nize ^bnikhule ^cnjengamankonyane esitalini.

3 Kwaye niya ^akubanyathelela phantsi abakhohlakeleyo; kuba baya kuba luthuthu phantsi kweentende zeenyawo zenu ngomhla endiya kuthi ndikwenze oku, itsho iNkosi yemiKhosi.

4 Khumbulani nina umthetho kaMoses, isicaka sam, endawuyalela kuye ^aeHorebhe ndiwuyalela uSirayeli wonke, kunye nemimiselo nezigwebo.

5 Qaphelani, ndiya kunithumelela ^auEliya umprofeti ngaphambi kokufika ^bkomhla omkhulu nowoyikekayo weNkosi;

6 Kwaye uya ^akuyijikela intliziyo yoobawo ebantwaneni, nentliziyo yabantwana kooyise, hleze ndifike ndize ndiwohlwaye umhlaba ngesiqalekiso.