1 Phulaphulani, Owu nina beeNtlanga, nize niwave amazwi kaYesu Krestu, uNyana kaThixo ophilayo, athe ^awandiyalela okokuba mandiwathethe malunga nani, kuba, qaphelani undiyalele okokuba mandibhale, ndisithi:

2 Buyani, nonke nina ^abeeNtlanga, kuzo iindlela zenu ezikhohlakeleyo; nize ^bnizohlwaye ngezenzo zenu ezibi, ngobuxoki benu neenkohliso, nangohenyuzo lwenu, nangamasikizi enu afihlakeleyo, nangokunqula izithixo kwenu, nasekubulaleni kwenu, nobubingeleli benu bobuxoki, noomona benu, neengxabano zenu, nakuyo yonke inkohlakalo yenu namasikizi, kwaye nize kum, nize nibhaptizwe egameni lam, ukuze nibe nokufumana uxolelo lwezono zenu, nize nizaliswe ngoMoya oyiNgcwele, ukuze nibe ^cnokubalwa kunye nabantu bam abangabendlu kaSirayeli.