1 Kwaye ngoku kwenzekile okokuba akuba uYesu ephezile ngezi ntetha wawaphosa amehlo akhe macala onke kuso isihlwele, waza wathi kuso: Qaphelani, nizivile izinto endazifundisayo phambi kokuba ndinyukele kuBawo; ke ngoko, nabani na ozikhumbulayo ezi ntetha zam aze ^aazenze, yena ndiya ^bkumvusa ngomhla wokugqibela.

2 Kwaye kwenzekile okokuba akuba uYesu ewathethile la mazwi waqwalasela okokuba kwakukho abanye phakathi kwabo abakhwankqiswayo, kwaye bamangaliseka ngoko wayeza kukwenza malunga ^anomthetho kaMoses; kuba abazange bayiqonde intetha yokokuba izinto ezindala zidlule, nokokuba zonke izinto zisuke zabantsha.

3 Waza wathi kubo: Musani ukumangaliswa ukuba ndithe kuni izinto ezindala zidlule, nokokuba zonke izinto zisuke zabantsha.

4 Qaphelani, nditsho kuni ukuthi ^aumthetho uzalisekisiwe owawunikelwe kuMoses.

5 Qaphelani, ^andinguye owanika umthetho, kwaye ndinguye owanqophisana nabantu bam uSirayeli; ke ngoko, umthetho ngam uzalisekisiwe, kuba ndize ukuza ^bkuzalisekisa umthetho; ke ngoko uphelisiwe.

6 Qaphelani, ^aandibatshabalalisi abaprofeti, kuba kangangobuninzi bazo ezingekazalisekiswa ngam, inene ndithi kuni, zonke ziya kuzalisekiswa.

7 Kwaye ngenxa yokuba nditshilo kuni ukuthi izinto zakudala zidlule, andikutshabalalisi oko bekuthethiwe malunga nezinto ezisezayo.

8 Kuba qaphelani, ^aumnqophiso endiwenzileyo kunye nabantu bam awuzalisekiswanga wonke; kodwa umthetho owawunikwe kuMoses uphelisiwe ngam.

9 Qaphelani, ndim ^aumthetho, ^bnokukhanya. Khangelani kum, kwaye ninyamezele kude kube sesiphelweni, kwaye niya ^ckuphila; kuba kulowo ^dunyamezelayo kude kube sesiphelweni ndiya kumnika ubomi obungunaphakade.

10 Qaphelani, ndininikile ^aimiyalelo; ke ngoko gcinani imiyalelo yam. Kwaye lo ngumthetho nabaprofeti, kuba ngokwenene ^bbangqina ngam.

11 Kwaye ngoku kwenzekile okokuba akuba uYesu ewathethile la mazwi, wathi kwelo shumi linambini awayelinyulile:

12 Nina ningabafundi bam; kwaye nikukukhanya kubo aba bantu, bayintsalela yendlu ^akaYosefu.

13 Kwaye qaphelani, eli ^alilizwe lelifa lenu; kwaye uBawo ulinikele kuni.

14 Kwaye akakhange nangaliphi na ilixa uBawo andinike umyalelo wokokuba ^amandiyithethe kubazalwana benu abaseYerusalem.

15 Engakhange nangaliphi na ilixa uBawo andinike umyalelo wokokuba mandithethe kubo malunga ^anezinye izizwe zendlu kaSirayeli, awathi uBawo wazikhokelela kude zaphuma kulo ilizwe.

16 Kukangaka awathi uBawo wandiyalela kona, okokuba mandixele kubo:

17 Okokuba ezinye izimvu ndinazo ezingezizo ezobubuhlanti; nazo kanjalo kufuneka ndizizise kwaye ziya kuliva izwi lam; kwaye kuya kubakho ubuhlanti obunye, ^anomalusi omnye.

18 Kwaye ngoku, ngenxa yokuqina kweentamo nokungakholwa ^aabazanga baliqonda ilizwi lam; ke ngoko ndayalelwa nguBawo ukuba ndingaphindi ndithethe malunga nale nto kubo.

19 Kodwa inene, nditshilo kuni ukuthi uBawo undiyalele, kwaye ndiyithetha kuni, into yokokuba nahlukaniswa nisuke phakathi kwabo ngenxa yobugwenxa babo; ke ngoko kungenxa yobugwenxa babo ukuba bengazi ngani.

20 Kwaye inene, nditsho kuni kwakhona ukuthi ezinye izizwe uBawo uzohlukanisile kubo; kwaye kungenxa yobugwenxa babo ukuba bengazi ngazo.

21 Kwaye inene nditsho kuni, ukuthi ningabo abo endathi ngabo: ^aEzinye izimvu ndinazo ezingezizo ezalo mhlambi; nazo kanjalo kufuneka ndizizise, kwaye ziya kuliva izwi lam; kwaye kuya kubakho umhlambi omnye, nomalusi omnye.

22 Kwaye abazange bandiqonde, kuba babecinga ukuba ^azazingabeeNtlanga; kuba babengaqondi ukuba abeeNtlanga kwakufanele ^bbaguquke ngokushumayela kwabo.

23 Kwaye abazange bandiqonda xa ndandisithi ziya kuliva izwi lam; kwaye abazange bandiqonde okokuba ^aabeeNtlanga akufanele nangaliphi na ilixa balive izwi lam—okokuba akufanele ndizibonakalise kubo ngaphandle kokuba kube ^bkungoMoya oyiNgcwele.

24 Kodwa qaphelani, nina kunye nilivile ^aizwi lam, kwaye nandibona; kwaye nizizimvu zam, kwaye nibalelwa phakathi kwezo uBawo athe ^bwandinika zona.