Iralaud 22
Ni rahn en milenia, aramas koaros pahn kapinga Kauno—E pahn ketket rehrail—Karasahiong Aiseia 12. Ele Sounpar 559–545 Mwohn Krais.
1 Oh ni rahno kumwail pahn nda: Maing Kaun, I pahn kapinga komwi; komwi ketin engieng pahi, ahpw met omwi engieng solahr, oh komwi ketin kansenamwahuihehla.
2 Kilang, Koht iei komourpei; I pahn koapworopworki, oh sohte masak; pwe Kauno Siowa iei kakehlepei oh me I pahn koulki; e pil wialahr komourpei.
3 Eri, sang ni ei peren I pahn idipil nan pwarer en komour.
4 Oh ni rahno kumwail pahn nda: Kapinga Kauno, eker ni mware, kalohki sapwellime wiewiah kan rehn aramas akan, padahngki duwen mwarehu eh ketin lapalapala.
5 Koul ong Kauno; pwe e ketin wiadahr soahng kan me kaselel; mepwukat pahn sansalada nan sampah pwon.
6 Werkihda peren, kumwail tohn Saion; pwe me Sarawi en Israel me ketiket rehmwail me lapalap.