1 Ao ngkanne N na anene nakon raou ae tangiraki n te ^aanene ae kunan raou ae tangiraki, ni kaineti ma ana nne ni kurebe. Raou ae tangiraki iai ana nne ni kurebe n te tabuki ae e rangi ni kariki ua.

2 Ao e katea oona, ao e karenakoi atibuna, ao e uniki ^amwangan kurebe aika moan te tamaroa, ao e katea te taua i nukana, ao te tabo naba ni karao wain i nanona; ao e kaantaninga bwa a na mwaiti kurebe aika a na riki mai iai, ao a riki kurebe aika mangingi.

3 Ao ngkai, O kaain Ierutarem, mwaane aika kaain Iuta, I butingkami bwa kam na bairea taekau ma au nne ni kurebe.

4 Teraa te bwai ae kona ni karaoaki riki nakon au nne ni kurebe are I tuai ni karaoia? Mangaia ae ngkana I kaantaningaia bwa a na mwaiti kurebe aika a na riki mai iai ao a riki kurebe aika mangingi.

5 Ao ngkai waaki, N na tuangingkami te bwai are N na karaoia nakon au nne ni kurebe—N na ^akouta oona, ao e na kanaki; ao N na urua oona, ao e na toutouaki;

6 Ao N na urua; ao e na aki koreaki mwangana aika mate ke n ribanaki; ma a na bwebwerake ^akateketeke ma akanta iai; ao N na tuangia naba naang bwa a na aki kabwaka te ^bkarau i aona.

7 Bwa ana ^anne ni kurebe aia Uea Taanga ni Buaka bon te bata are Iteraera, ao mwaane aika kaain Iuta bon arokana aika tamaroa; ao e kantaninga bwa a na ^btituaraoi, ma e nora bwainikirinaia aomata; bwa a na raoiroi, ma noria, e ongo te tang.

8 A na reke kaia akana a ikota te ^aauti teuana ma te auti teuana, ni karokoa ae akea riki te tabo are a na anaia, ao a na ^bkatukaki i bon irouia i nukan te aba!

9 I a ongo i nanon taningau, e taku aia Uea Taanga ni Buaka, e koaua ae a na kamaroa auti aika mwaiti, ma taian kaawa aika korakora ma n tamaroa n akea kaaia.

10 Eng, te nne ni kurebe ae tebwina te eeka e na karekea ae teaina te ^abukibuki ni wain ao wiita aika kanoan teaina te ooma a na kariki uaa aika kanoan teaina te eeba.

11 A na reke kaiia akana uti mwaaka n te ingabong, bwa a na kabanea korakoraia ni ^akarekea nimaia te kamanging, ni waaki ni mooi ni karokoa te tairiki, ma ni koro ni manging n te ^bwain!

12 Ao iai te aabi, ma te raea, ma te timbere, ma kaibwabwa, ao te wain n aia botaki n amwarake; ma a aki ^aiangoa ana mwakuri te Uea, ke ni iangoi bwaai ake e a tia ni karaoi.

13 Mangaia ae a uotaki nako au botanaomata n taenikai, ngkai akea te ^aatatai irouia; ao a bora ni baki aia aomata aika kakannato, ao a bora n taka aia aomata aika uanao.

14 Mangaia ae e a kabubura moone, ao e a kauka wiina ae akea tokin warebwena; ao a na bane n ruo nako nanona aia mimitong, ma aia aomata aika a uanao, ma raoiroia, ma ane e kimwareirei.

15 Ao e na kamangoraki te aomata ae tau arona, ao e na kamangoraki te aomata ae korakora, ao a na kamangoraki mataia aika a kamoamoa.

16 Ma e na karietataaki aia Uea Taanga ni Buaka n aron ana ^amotikitaeka, ao e na katabuaki i nanon te raoiroi te Atua ae tabu.

17 Ngkanne a na amwarake taian tiibu te teei n aron are a taneiai ni karaoia, ao aia tabo ake a marika ake akea kaaia a na maiu mai iai iruwa.

18 A na reke kaia akana a waakina te bure ni bae ma bwaai aika akea ^amaneia, ao n teimatoa n te bure ^bn aron ae a bae nako iai n aiaron roon te ka;

19 Akana a kangai: Ke e waekoa ni ^akaraoa ana mwakuri, bwa ti aonga n ^bnooria; ao ke e roko ana taeka n reirei Atuan Iteraera ae Tabu bwa ti aonga n ataia.

20 A na reke kaiia akana a ^aarana te buakaka bwa te raoiroi, ao te raoiroi bwa te buakaka, ao n taku bwa te ^broo bon te oota, ao te oota bon te roo, ao a arana te mangingi bwa te karewe, ao te karewe bwa te mangingi!

21 A na reke kaiia akana a taku bwa a ^awanawana man rabakau n oin aia taratara!

22 A na reke kaiia akana a aintoa n nima te wain, ao aomata aika korakora n rengan mooi aika matoatoa;

23 Aika kariaia ae buakaka ibukin te kaniwanga, ao n ^aanaa raoiroin ae raoiroi mai irouna!

24 Mangaia ae a na riki n aiaron te ^amaange are kanaki n te ^bai, ao te ^cuteute are bue n te ai, ao a mka wakaaia, ao a ubaranako ueena n aron te bubu; ngkai a kaaki ana tua aia Uea Taanga ni Buaka, ao n ^daki ongo ana taeka Atuan Iteraera ae Tabu.

25 Mangaia ae e rikirake ^aunin nanon te Uea irouia ana botanaomata, ao e arora baina ni kaaitaraia, ao e oroia; ao a na ruru taian tabuki, ao a na raea rabwataia i nukan taian kawai. Bwa e teimatoa unin nanona, ao are e bon arora naba baina.

26 Ao e na katea te ^aburaeki nakoia aba aika a raroa, ao e na ^bkatang nakoia ni weteia mai tabon aonaba; ao taraia, a na waekoa n ^croko; ao akea ae e na kua ke ni bebei mai buakoia.

27 Ao akea ae e na nimatutu ke ni matu; ao akea ae e na kabwara kabaean nukaia, ke n uruaki kabaean aia kau;

28 Ao a kakang aia katebe, ao a bwaoua aia kai ni katebe, ao a matoa nanon waeia aia aoti n aiaron atibu aika matoatoa, ao a na mino rangan aia ka ni buaka n ai aron te ukeuke n anti, ao karongoaia ai aron bekoraran te raian.

29 Ao a na bekorara n ai aron ^araian aika ataei; eng, a na bekorara, ao a na taua konaia, ao a na uotanako kanaia nakon te tabo ae mano, are akea ae kona ni kamaiua iai.

30 Ao n te bong arei a na bekorara ni kaaitaraia n aron bekoraran taari; ao ngkana a taraa te aba, a na noora te rootongitong ao te nanokawaki, ao e karooaki te oota mai karawa.