Koroboki Aika Tabu
1 Nibwaai 22


Mwakoro 22

E na kamaenakoaki Iteraera ni kabuta te aonaba—Tientaire a na tararua ao man karikirakea Iteraera ma te euangkerio ni boong aika kaitira—Iteraera a na botaki ao ni kamaiuaki, ao aika buakaka a na urarake n aiaron kaai aika mwauu—E na uruakaki uean te riaboro, ao e na kabaeaki Tatan. Uakaan ma 588–570 I.K.

1 Ao ngkai e koro bukina bwa Ngai, Nibwaai, i mwin ae I a tia ni wareki bwaai aikai, ake a koreaki i aon abwaatua aika buraati, ao a nakoiu tariu ao n taku nakoiu: Tera nanon bwaai aika ko a tia ni wareki aikai? Nooria, e riai bwa ti na maataata n nanoia ae bon taekan bwain te tamnei, aika a na koro bukiia n te maiu n tamnei ao tiaki n te maiu n rabwata?

2 Ao Ngai, Nibwaai, I taku nakoia: Nooria a tia ni akaotaki nakon te burabeti ni bwanaan te bTamnei; bwa mai iroun te Tamnei ao bwaai ni kabane a bon kaotaki nakoia cburabeti, bwaai ake a na roko nako aoia natia aomata ake a kaineti nakon te maiu n rabwata.

3 Mangaia ae bwaai ake I a tia ni wareki bon bwaai aika kaineti ma bwaai aika abwain te rabwata ao te tamnei; bwa e tara n ae te bata are Iteraera, n te tai aei ke rimwi riki, a na bkamaenakoaki i aon te aonaba ni kabuta, ao i buakoia naba botanaomata nako.

4 Ao nooria, a mwaiti ake a tia ni bua taekaia mai irouia ake a mena i Ierutarem. Eng, angiia kaain abaronga nikabane a tia ni bkairaki nako; ao a tia ni kamaenakoaki n tiotio nako nakon aon caban marawa; ao a mena ia akea mai iroura ae e ataia, ma ti ti ataia bwa a tia ni kairaki nako.

5 Ao ngkai a tia ni kairaki nako, ao bwaai aikai a bon tia n taetae ni burabetiaki ibukiia, ao ibukiia naba ake a na kamaenakoaki ma ni kamangaoaki i mwin aio, ibukin Atuaia Iteraera ae Tabu; ibukin kaitaraana a na kamatoai nanoia mai irouna; mangaia ae, a na kamaenakoaki i buakoia botanaomata nako ao a na aribaki irouia aomata ni kabaneiia.

6 Ma e ngae n anne, ao i mwin atararuakia irouia bTientaire, ao ngkana e tia te Uea n tabeka baina nako aoia Tientaire ma ni kateia bwa te buraeki, ao a tia n uotaki cnatiia i nanon baia, ao natiia aine a tia ni karoaki i aon angaia, nooria bwaai aika a tia n taekinaki aikai bon ibukin te maiu aio; bwa bon taekan ana berita ae tabu te Uea ma ara bakatibu; ao ti kananonaaki iai ni boong aika a na roko, ao tarira naba ni kabane aika kaain te bata are Iteraera.

7 Ao nanona bwa ngkana e roko te tai are a na tia ni kamaenakoaki ma ni kamangaoaki iai te bata are Iteraera, bwa te Uea ae te Atua e na kateirakea te botanaomata ae korakora i buakoia aTientaire, eng, i aon te aba aio; ao irouia a na bkamaenakoaki kanoara.

8 Ao ngkana a tia ni kamaenakoaki kanoara ao e na waaki te Uea ae te Atua ni karaoa te amwakuri ae kamimi i buakoia bTientaire, are e na korakora cbonganana nakoia kanoara; mangaia are, e a kabootauaki iai ma aron kaikawakia irouia Tientaire ao ni uotaki i nanon baia ao i aon angaia.

9 Ao e na akakawaki naba nakoia Tientaire; ao tiaki ti nakoia Tientaire ma bnakoia te cbata are Iteraera ni kabane, are e na kaotaki iai kanoan ana dberita ae tabu Taman karawa nakon Aberaam, ni kangai: I nanon ekanoam a na bane botanaomata i aon te aonaba ni fkakabwaiaaki.

10 Ao I tangiria, tariu, bwa kam na ataia bwa botanaomata ni kabane n te aonaba a na bon aki kona ni kakabwaiaki ti ngkana e akaota baina nako mataia botanaomata ni kabane.

11 Mangaia ae te Uea ae te Atua e na waki ni kaota baina nako mataia botanaomata ni kabane, ni kakoroa nanon ana berita ae tabu ma ana euangkerio nakoia ake kaain te bata are Iteraera.

12 Mangaia ae e na manga kaotinakoia riki man te tautoronaki, ao a na bane ni abotaki n aban rikiia; ao a na kaotinakoaki mai nanon te broo ma te rootongitong; ao a na ataia ae te cUea bon aia dTia Kamaiu ao aia Tia Kabomwi, ae eAtuan Iteraera ae Korakora.

13 Ao raraan te ekaretia ae korakora man aribaki, are kabekaaun te aonaba ni kabane, e na oki nako aon atuuia; bwa a na bbubuaka imarenaia, ao coin aia kabaang a na bwaka nako aon oin atuuia, ao a na manging n oin raraaia.

14 Ao aaaba ni kabane ake ana buakaniko, O te bata are Iteraera a na manga rairaki ni kaitaraiia imarenaia, ao a na bbwaka nako nanon te rua are a kekenna bwa a na kamwaneia iai ana botanaomata te Uea. Ao ni kabane ake a cbuakana Tion a na kamaunaki ao te kabekaau are e korakora, are e a tia ni kaburei kawain nako te Uea aika a eti, eng ae bon te ekaretia ae korakora man ribaki, e na bwaka nakon dbubun te tano ao e na korakora bwakana.

15 Bwa nooria, e taku te burabeti, e waekoa n roko te tai are e na akea iai mwaakan Tatan iaon nanoia natiia aomata; bwa ane e na waekoa n roko te bong are a na riki iai aika kamoa ni kabane ao aika karaoi bwaai aika buakaka a na riki n aiaron te akai ae mwauu; ao e na roko te bong are a na riai ni bkabuekaki iai.

16 Bwa ane e na waekoa n roko te bong are e na bwaro iai aunin nanon te Atua nako aoia natiia aomata ni kabane; bwa e na aki kariaia bwa aika a buakaka a na tiringia aika a raoiroi.

17 Mangaia ae, e na akamaiuia aika braoiroi ni mwaakana, e ngae ngkana e riai ni kaota bwaninin unin nanona, ao a na kamaiuaki aika raoiroi, e ngae naba ngkana arona bwa e riai kabuekaia aia kairiribai n te ai. Mangaia ae, a na riai n aki maaku aika raoiroi; bwa e taku ana taeka te burabeti, a na kamaiuaki, e ngae ngkana arona bwa man te ai.

18 Nooria, tariu, I tuangkami, bwa a na waekoa ni koro bukin bwaai aikai; eng, n aiaron te raraa, ma te ai, ma buanen te bubu a riai n roko; ao e riai bwa e na riki i aon te aonaba aei; ao e na roko nakoia aomata n te maiu n rabwata ngkana arona bwa a kamatoai nanoia nakon Atuaia Iteraera ae Tabu.

19 Bwa nooria, a na bon aki mate aika raoiroi; bwa e na riai n roko te tai are ni kabane ake a buaka ni kaitaraa Tion a na kamaunaki.

20 Ao te Uea e na bon katauraoa te kawai ibukiia ana botanaomata, are e na koro iai bukin ana taeka Mote, ake e taekin ni kangai: E na kateirakea te aburabeti te Uea ae te Atua i buakomi, n ai arou; ao mai irouna are kam na ongo iai taekan bwaai ni kabane, ni bwaai ni kabane ake e na taekin nakoimi. Ao e na koro bukina bwa are ni kabane ake a aki kan ongo iroun te burabeti anne a na bon bane ni bkamaunaki mai i buakoia te botanaomata.

21 Ao ngkai Ngai, Nibwaai, I taekinna nakoimi, bwa te aburabeti are taekinna Mote bon Atuaia Iteraera ae Tabu; mangaia ae e na karaoa te bmotiki taeka i nanon te raoiroi.

22 Ao a riai n aki maaku aika raoiroi, bwa tiaki ngaia aika a na kamangaoaki. Bwa bon uean te riaboro, are e na tia ni kateaki i buakoia natiia aomata, are ueana e kateaki i buakoia aika maiu n te maiu n rabwata—

23 Bwa e na waekoa n roko te tai are aekaretia ni kabane ake a kateaki ibukin karekean te raka, ao ni kabane ake a tia ni kateaki ibukin karekean te mwaaka i aon te maiu n rabwata, ao ake a tia ni kateaki ibukin te bkan ataaki imatan te aonaba, ao ake a ukoukora kaibwabwarun te maiu n rabwata ao bwain te aonaba, ao ni karaoi makuri ni kabane aika buakaka; eng, ni kakimototoa, ni kabane ake a kaaina uean te riaboro ngaia aika a riai ni maaku, ao n cruru; ngaiia aika a na karinanoaki i nanon te bubu; ao ngaiia aika a na riai n durarake n aiaron taian kai aika mwau; ao aio n aron ana taeka te burabeti.

24 Ao e na waekoa naba n roko te tai are aika raoiroi a na riai ni kairaki rake n ai aroia akao ataei n te nne ni man, ao Atuaia Iteraera ae Tabu e na riai n tautaeka n akea totokoana, ma te korakora, ma te mwaaka, ao te mimitong ae korakora.

25 Ao e na abotiia natina man mwakoron te aonaba aika aua; ao e na nambwan ana tiibu, ao a kinaa, ao e na ti teuana te nanai ao temanna te btia kaawakin tiibu; ao e kamwarakeia ana tiibu, ao irouna a na kunea te ctawaana.

26 Ao ibukin korakoran raoiroia ana botanaomata, aTatan akea mwaakana; mangaia ae e na aki kabwaraki i nanon i nanon te maan ae bririki aika mwaiti; bwa bon akea mwaakana i aon nanoia aomata ngkai a maeka i nanon te raoiroi, ao e ctautaeka Atuaia Iteraera ae Tabu.

27 Ao ngkai nooria, Ngai, Nibwaai, I tuangkami bwa a na bane n roko bwaai aikai n te maiu n rabwata.

28 Ma, nooria, ni kabane aaba, reeti, neewe, ao aomata ni kabaneia a na maeka ma te rau i nanon Atuaia Iteraera ae Tabu ngkana arona bwa a na arairinanoia.

29 Ao ngkai, Ngai, Nibwaai, I katoka au koroboki; bwa I aki kona n taekin bwaai riki tabeua n te tai aio ni kaineti ma bwaai aikai.

30 Mangaia ae tariu, I tangiria bwa kam na iangoia bwa bwaai ake a tia ni koreaki i aon abwaatua aika buraati a bon koaua; ao a kakoaua bwa e riai te aomata n ongeaba nakon ana tua te Atua.

31 Mangaia ae kam riai n aki iangoia bwa ti ngai ma tamau aika ti a tia ni kaoti koauaia ao n reireinia naba. Mangaia ae ngkana kam na ongeaba nakon taian atua, ao n teimatoa ni karokoa te toki, kam na kamaiuaki n te kabanea ni bong. Ao bon aei arona. Amen.