1 Ket ita siak, ni Jacob, makisaoak manen kadakayo, patpatgek a kakabsatko, maipanggep iti daytoy nalinteg a ^asanga a nasaokon.

2 Ta kitaen, para kadatayo ^adagiti kari a nagun-odtayo a mayannurot iti nainlasagan a bagi; gapuna, kas naipakitan kaniak nga adu kadagiti annaktayo ti matayto iti lasag gapu iti kaawan pammati, nupay kasta, adu ti kaasianto ti Apo; ket maisublinto dagiti annaktayo, tapno makaumaydanto iti dayta a mangted kadakuada iti pudno a pannakaammo iti Mannubbotda.

3 Gapuna, kas nasaokon kadakayo, kasapulan a nasken a ni Cristo—ta imbaga kaniak ti ^aanghel iti napalabas a rabii a daytoyto ti naganna—^bumayto kadagiti Hudio, kadakuada a nadangdangkes a paset ti lubong; ket ^cilansadanto iti krus isuna—ta maiparbeng iti Diostayo, ket awan ti sabali a pagilian iti daga a ^dmangilansanto iti krus iti ^eDiosda.

4 Agsipud ta no maaramidto ^adagiti milagro kadagiti dadduma a pagilian agbabawidanto, ken maammuanda nga isu ti Diosda.

5 Ngem gapu kadagiti ^apanaginsasaserdote ken kinadakes, agsukirto a maibusor kenkuana dagiti adda iti Jerusalem, ta mailansanto isuna iti krus.

6 Gapuna, mapasamakto kadakuada dagiti pannakadadael, panagbisin, angol, ken naranggas a panangpapatay gapu kadagiti kinamanagbasolda; ket dagiti saan a madadael ^amaiwaraswarasto kadagiti amin a pagilian.

7 Ngem kitaen, kinuna ti ^aApo a Dios: ^bInton dumteng ti aldaw a mamatida kaniak, a siak ti Cristo, iti kasta nakitulagak kadagiti kapuonanda a maisublidanto ti nainlasagan a bagida, iti daga, kadagiti daga a tawidda.

8 Ket mapasamakto a ^amaummongdanto manipud iti napaut a pannakawaraswarasda, manipud ^bkadagiti isla iti baybay, ken manipud kadagiti uppat a paset ti daga; ken agbalinto a naindaklan dagiti pagilian ti Gentil iti imatangko, kinuna ti Dios, iti ^cpannakaitundada kadagiti daga a tawidda.

9 ^aWen, dagitinto ari dagiti Gentil ti ama a mangtagtagibinto kadakuada,, ken dagitinto reynada ti agbalin nga inna a mangtagibi kadakuada; gapuna, ^bnaindaklan dagiti kari ti Apo kadagiti Gentil, ta nasaona daytoy, ket asino ti mangsuppiat?

10 Ngem kitaen, daytoy daga, kinuna ti Dios, agbalinto a daga a tawidyo, ket maparaburanto ^adagiti Gentil iti daytoy a daga.

11 Ket agbalinto daytoy a daga a daga ti ^awayawaya kadagiti Gentil, ket awanto dagiti ^bari iti daytoy a daga, nga agtaud kadagiti Gentil.

12 Ket patibkerekto daytoy a daga a maibusor iti amin a pagilian.

13 Ket kinuna ti Dios a ti ^alumaban a maibusor iti Zion ket ^bmatayto.

14 Ta matayto ti asino man a mangpataud ti ari a maibusor kaniak, ta siak, ti Apo, ti ^aari ti langit, ti aridanto, ket siakto ti agnanayon a ^bsilaw kadakuada, a dumngeg kadagiti balikasko.

15 Gapuna, agsipud iti daytoy a panggep, a maipatungpal dagiti ^akatulagak nga inaramidko kadagiti sangkataw-an, nga aramidekto kadakuada bayat ti kaaddada iti nainlasagan a bagi, kasapulan a dadaelek dagiti ^bnalimed nga aramid ti ^ckinasipnget, ken dagiti panagpapatay, ken dagiti makarimon nga aramid.

16 Gapuna, matayto ti asinoman a manglaban a maibusor iti ^aZion, agpada a Hudio man wenno Gentil, agpada a balud man wenno nawaya, agpada a lalaki man wenno babai; ta ^bisuda dagiti balangkantis iti amin a daga, agsipud ta ^cdagiti ^dsaan a para kaniak isuda dagiti ^emaibusor kaniak, kinuna ti Dios.

17 Ta ^atungpalekto dagiti karik kadagiti sangkataw-an, nga aramidekto kadakuada bayat ti kaaddada iti nainlasagan a bagi—

18 Gapuna, ay-ayatek a kakabsatko, kinuna ti Dios: Parigatekto dagiti kaputotam babaen ti ima dagiti Gentil; nupay kasta, paluknengekto ti puspuso ^adagiti Gentil, tapno agbalindanto a kasla ama kadakuada; gapuna, ^bmaparaburanto dagiti Gentil ket ^cmaibilangdanto iti balay ti Israel.

19 Gapuna, ^aikonsagrarkonto daytoy a daga kadagiti kaputotam, ken kadakuada a maibilang kadagiti kaputotam, iti agnanayon, para iti daga a tawidda; ta napili daytoy a daga, kinuna ti Dios kaniak, a nangnangruna iti amin a dagdaga, gapuna pagnaedekto dita ti amin a tao tapno dayawendakto, kinuna ti Dios.

20 Ket ita, ay-ayatek a kakabsatko, kas panangbigbig iti inted kadatayo ti naasi a Dios ti naindaklan a pannakaammo iti maipanggep kadagitoy a banag, laglagipentayo isuna, ket iwaksitayo dagiti basoltayo, saantayo nga agkurno, ta saantayo a nailaksid; nupay kasta, ^anapapanawtayo iti daga a tawidtayo; ngem naiturongtayo iti ^bnasaysayaat a daga, agsipud ta inaramid ti Apo ti baybay a ^cdalantayo, ket nakapantayo iti ^disla ti baybay.

21 Ngem nabileg dagiti kari ti Apo kadakuada nga adda kadagiti ^aisla iti baybay; gapuna kas kinunana nga isla, masapul pay nga ad-adu ngem iti daytoy, ket nagindegan met ida dagiti kakabsattayo.

22 Ta kitaen, ^aimpanaw ti Apo a Dios iti sumagmamano a daras manipud iti balay ti Israel, a mayannurot iti pagayatan ken pakaragsakanna. Ket ita kitaen, malagip amin ti Apo ida a naisina, gapuna malagipnatayo met.

23 Ngarud, paragsakenyo dagiti pusoyo, ken laglagipenyo a ^anawayakayo nga ^bagtignay iti bagbagiyo—a ^cmangpili iti dana ti awan inggana nga ipapatay wenno iti dana ti agnanayon a biag.

24 Gapuna, ay-ayatek a kakabsatko, itunosyo ti bagiyo iti pagayatan ti Dios, ket saan nga iti pagayatan ti sairo ken ti lasag; ket laglagipenyo, kalpasan ti pannakitunosyo iti Dios, nga iti laeng ken babaen ti ^aparabur ti Dios ti ^bpakaisalakananyo.

25 Gapuna, bangonennakayo koma ti Dios manipud iti ipapatay babaen ti bileg ti panagungar, ken kasta met a manipud iti awan inggana a patay babaen ti bileg ti ^apannubbot, tapno maawatkayo koma iti agnanayon a pagarian ti Dios, a dayawenyo ti nailangitan a paraburna. Amen.