Dagiti Nasantuan a Kasuratan
2 Nephi 5


Kapitulo 5

Sumina dagiti Nephita kadagiti Lamanita, tungpalenda ti linteg ni Moises, ken agpatakderda iti templo—Mailaksid dagiti Lamanita iti imatang ti Apo gapu iti kaawan ti pammatida, ket mailunodda, ken agbalinda a mamarparigat kadagiti Nephita. Agarup 588-559 B.C.

1 Kitaen, napasamak a siak, ni Nephi, kasta unay ti pangawag iti Apo a Diosko, gapu iti apungtot dagiti lallaki a kakabsatko.

2 Ngem kitaen, kimmaro ti pungtotda kaniak, isu a ginandatdak a patayen.

3 Wen, nagtanabutobda iti maibusor kaniak, a kunada: Plano ti in-inaudi a kabsattayo nga aiturayannatayo; ket kasta unay ti pannakasuottayo gapu kenkuana; gapuna, patayentayo isuna, tapno saantayonton nga agrigat gapu kadagiti saona. Ta kitaen, ditay ipalubos nga iturayannatayo; gapu ta karbengantayo, nga in-inauna a kakabsat, nga iturayan dagitoy a tao.

4 Saanko nga isurat ita kadagitoy a pinanid dagiti amin a sao nga intanabutobda a maibusor kaniak. Ngem umanayen ti panagkunak, a ginandatdak a patayen.

5 Ket napasamak a abinallaagannak ti Apo, a siak, ni bNephi, nasken nga agtalawak ket mapanak iti langalang, a kaduak amin dagiti sumurot kaniak.

6 Gapuna, napasamak a siak, ni Nephi, innalak ti pamiliak, ken kasta met ni aZoram ken ti pamiliana, ken ni Sam, ti in-inauna a lalaki a kabsatko ken ti pamiliana, ken da Jacob ken Jose, dagiti in-inaudi a lallaki a kakabsatko, ken kasta met dagiti babbai a kakabsatko, ken amin dagiti sumurot kaniak. Ket amin dagiti sumurot kaniak ti mamati kadagiti bballaag ken paltiing ti Dios; gapuna dimngegda kadagiti saok.

7 Ket innalami dagiti toldami ken isu amin a banag a mabalin nga alaenmi, ket nagdaliasatkami iti langalang iti las-ud ti adu nga aldaw. Ket pinatakdermi dagiti toldami kalpasan ti panagdaliasatmi iti las-ud ti adu nga aldaw.

8 Ket kayat dagiti tattaok a nagananmi ti lugar iti aNephi; gapuna, ninagananmi iti Nephi.

9 Ket imbilang amin a nakikuyog kaniak a maawagan dagiti bagida a atao ni Nephi.

10 Ket inkagumaanmi a tinungpal dagiti pangngeddeng, ken linteg, ken abilin ti Apo iti amin a banag, a mayannurot iti paglintegan ni Moises.

11 Ket adda kadakami ti Apo; ket kasta unay ti panagrang-aymi; gapu ta nagmula kami iti bukel, ket narnuay manen ti naapitmi. Ket inrugimi ti nagtaraken kadagiti pangen, arban, ken nadumaduma a dinguen.

12 Ket siak, ni Nephi, intugotko met dagiti kasuratan a naikitikit kadagiti apinanid a gambang; ken kasta met ti bbola, wenno ckompas, a naisagana para iti amak babaen iti ima ti Apo, a kas mayannurot iti naisurat.

13 Ket napasamak a kasta unay ti panagrang-aymi, ken ti yaadumi iti daga.

14 Ket siak, ni Nephi, innalak ti aespada ni Laban, ket nagaramidkami iti adu nga espada iti wagas a pannakaaramid daytoy, amangan ta iti aniaman a pamuspusan dagiti tattao a maaw-awagan itan a bLamanita ket rauten ken dadaelennakami; ta ammok ti gurada kaniak ken kadagiti annakko ken kadagiti naawagan a tattaok.

15 Ket insurok dagiti tattaok nga agipatakder kadagiti pasdek, ken agobrada iti pakausaran dagiti amin a kita ti kayo, ken ti alandok, ken kobre, ken gambang, ken paslep, ken balitok, ken pirak, ken dagiti napateg a minas, a kasta unay ti kinaaduna.

16 Ket siak, ni Nephi, nangipatakderak iti atemplo; ket impatakderko daytoy ti wagas iti pannakaaramid ti btemplo ni Solomon malaksid laeng a saan a naaramid iti adu a cnapateg a bambanag; agsipud ta awan ti masarakan ditoy a daga, gapuna, saan a mabalin a maipatakder a kas iti templo ni Solomon. Ngem kaarngi ti templo ni Solomon ti wagas iti pannakaipatakderna; ket napalaus ti kinapulido ti pannakaaramidna.

17 Ket napasamak a siak, ni Nephi, pinagbalinko dagiti tattaok a anagaget, ken agtrabaho a mangaramat kadagiti imada.

18 Ket napasamak a dinawatda a siak koma ti aarida. Ngem siak, ni Nephi, tinarigagayak nga awan koma ti arida; nupay kasta, impaayko kadakuada a maibatay iti amin a kabaelak.

19 Ket kitaen, naipatungpal kadagiti kakabsatko ti sao ti Apo, a maipapan kadakuada, a masapul a siak ti amangituray ken bmannursuroda. Gapuna, siak ti nangituray ken nangisuro kadakuada, babaen kadagiti bilin ti Apo, agingga a pinanggepdak a patayen.

20 Gapuna, natungpal ti imbaga ti Apo kaniak, a kinunana: No la ketdi asaanda a dumngeg iti saom, mailaksiddanto iti sango ti Apo. Ket kitaen, bnailaksidda iti imatangna.

21 Ket pinagbalinna a dumteng ti alunod kadakuada, wen, ti nasaem a lunod, gapu iti kinadangkesda. Ta kitaen, pinatangkenda dagiti puspusoda a maibusor kaniana, ket nagbalinda a kas iti mulinaw; gapuna, iti kinapudawda, ken napalaus ti pintas ken bmakaay-ayoda, pinagbalin ti Apo a Dios a nangisit ti ckudilda tapno saanda a makaawis kadagiti tattaok.

22 Ket isu a kinuna ti Apo a Dios: Aramidekto ida a amakarimon kadagiti tattaom, malaksid no agbabawida kadagiti basbasolda.

23 Ket mailunodto dagiti kaputotam a amailaok kadagiti kaputotanda; ta mailunoddanto uray pay iti umarngi a lunod. Ket imbaga dayta ti Apo, ket napasamak.

24 Ket gapu iti lunod a dimteng kadakuada nagbalinda a asadut a tattao, napnuan iti panangriribuk ken kinasikap, ket nagsapulda iti langalang kadagiti atap nga ayup.

25 Ket kinuna ti Apo a Dios kaniak: Agbalindanto a mamarparigat iti kaputotam, mangipariing kadakuada a lagipendak; ket no la ketdi saandak a malagip, ken saanda a denggen dagiti balikasko, parigatendanto ida uray pay iti pannakadadael.

26 Ket napasamak a siak, ni Nephi, akinonsagrarak da Jacob ken Jose, tapno agbalinda a dagiti saserdote ken maestro iti daga dagiti tattaok.

27 Ket napasamak a nagbiagkami iti wagas ti kinaragsak.

28 Ket napalabas ti tallopulo a tawen manipud iti ipapanawmi iti Jerusalem.

29 Ket siak, ni Nephi, insuratko dagiti pasamak kadagiti pinanidko, nga inaramidko, iti tattaok agginga ita.

30 Ket napasamak a kinuna ti Apo a Dios kaniak: Mangaramidka akadagiti sabali a pinanid; ket ikitikitmo kadagitoy ti adu a banag a nasayaat iti imatangko, nga agpaay a pagimbagan dagiti tattaom.

31 Gapuna, siak, ni Nephi, tapno agbalin a managtungpal kadagiti bilin ti Apo, napanak ket inaramidko adagitoy a pinanid a nangikitikitak kadagitoy a banag.

32 Ket inkitikitko dagiti makaay-ayo iti Dios. Ket no maay-ayo dagiti tattaok kadagiti bambanag iti Dios maay-ayoda met kadagiti inkitikitko kadagitoy a pinanid.

33 Ket no kalikaguman dagiti tattaok a maammuan ti ad-adu pay a naisalumina a paset ti pakasaritaan dagiti tattaok nasken nga sukisukenda dagiti sabali pay a pinanidko.

34 Ket umdasen nga ibagak a napalabas ti uppat-a-pulo a tawen, ket napasamaken kadakami dagiti gubat ken panagsusupanget kadagiti kakabsatmi.