Kapitulo 16
Makita ni Isaias ti Apo—Mapakawan dagiti basol ni Isaias—Matudingan nga agipadto—Ipadtona ti panangsupring dagiti Hudio kadagiti pannursuro ni Cristo—Agsublinto ti natda—Idilig iti Isaias 6. Agarup 559–545 B.C.
1 Iti tawen a apannakatay ni ari Uzzias, nakitak met ti Apo a nakatugaw iti trono, nangato ken natan-ok, ket sinaknapan ti bkagayna ti templo.
2 Iti ngatona nagtakder ti aserafin; innem ti payak ti tunggal maysa; ti dua inabbonganna ti rupana, ken ti dua inabbonganna ti sakana, ken ti dua ti pagtayabna. timmayab iti dua a payakna.
3 Ket impukkaw ti maysa iti sabali, ket kinunana: Nasantuan, nasantuan, nasantuan, ti Apo ti Pangen; napno ti sibubukel a daga iti dayagna.
4 Ket nagunggon dagiti aadigi ti ridaw iti timek ti nangipukkaw, ket napno ti balay iti asuk.
5 Kalpasanna kinunak: Ay-ayak pay! ta anadadaelakon; agsipud ta taoak nga addaan iti narugit ti bibig; ket agnaedak kadagiti tattao a narugit ti bibig; ta nakitak kadagiti mismo a matak ti Ari, ti Apo ti Pangen.
6 Kalpasanna timmayab nga immay kaniak ti maysa kadagiti serafin, a siiiggem ti maysa a abeggang iti imana, a sinipitna iti altar;
7 Ket indeppelna iti ngiwatko, ket kinunana: Imatangam, daytoy dimmeppel kadagiti bibigmo; ket ti akinadangkesmo naikkat, ket naugasan ti basolmo.
8 Nangngegko met ti timek ti Apo, a kinunana: Siasino ti ibaonkonto, ken siasino ti ibaontayo? Kalpasanna kinunak: Kitaenak; ibaonnak.
9 Ket kinunana: Inka ket ibagam kadagitoy a tattao—Pudno a mangngegyo, ngem saanda a maawatan; ket kitaenyo ti kinapudnona, ngem saanda a nailasin.
10 Palukmegem ti puso dagitoy a tattao, ken padagsenem dagiti lapayagda, ken pagkidemem dagiti matada—ta amangan no makakita dagiti matada, ken amakangngeg dagiti lapayagda, ken makaawat kadagiti pusoda, ket mamalbaliwda ken maagasanda.
11 Kalpasanna kinunak: Apo, kasano ti kabayagna? Ket kinunana: Agingga a madadael dagiti siudad ket awanen agnaed, ken awanen ti tao dagiti balbalay, ken aglangalang a maminpinsan ti daga;
12 Ket apinagtalaw ti Apo dagiti tattao iti adayo, ta addanto nasaknap a panaglangalang iti tengnga ti daga.
13 Ngem addanto pay laeng apagkapullo, ket agsublidanto, ket malamutdanto, a kas iti lugo, ken kas iti roble a mabati dagiti anagda no agregreg dagiti bulongda; isu a ti nasantuan a bin-i ti aanagnanto.