1 Nupay kasta, awanton ti kinalidem iti didiay naaddan idi iti ladingit. idi unana pinagrigatna ti ^adaga a Zabulon, ken ti daga a Neftali, ken kalpasanna ad-adda a pinagrigatna babaen iti dalan nga agturong iti Nalabaga a Baybay iti labes ti Jordan iti Galilea dagiti pagilian.

2 Nakakita dagiti tattao a nagna iti ^akasipngetan iti naindaklan a lawag; dagiti nagtaeng iti daga ti aniniwan ni patay, naglawag ti silaw kadakuada.

3 Pinaadum ti pagilian, ken ^apinadakkelmo ti rag-o—nagrag-oda iti sangoanam a kas iti rag-o ti panagapit, a kas dagiti tattao no bingayenda ti sinamsam

4 Gapu ta pinarparmo ti sangol ti dadagsenda, ken ti sarukod iti abagana, ti pang-or ti mamarigat kenkuana.

5 Ta adda ti nariribuk a daranudor ti tunggal dangadang ti mannakigubat, ken nayagsep iti dara dagiti pagan-anay; ngem maipaayto ti pannakapuor ken sungrod ti apuy.

6 Ta nayanak ti maysa nga ^aubing kadatayo, maysa a lalaki nga anak ti naited kadatayo; ket ti ^bturay maiparabawto iti abagana; ket ti naganna magaladanto iti Nakaskasdaaw, Mamagbaga, Ti ^cMannakabalin a Dios, Ti ^dAgnanayon nga Ama, Ti Prinsipe ti ^eKappia.

7 Ti idadakkel ti ^apanangiturayna ken ti ^bkappia awanto ti inggana, iti trono ni David, ken pannakaurnos iti pagarianna, ken bangonenna nga addaan iti kinalinteg manipud ita, uray iti agnanayon. Ti regta ti Apo dagiti Pangen ti mangaramidto iti daytoy.

8 Inwaragawag ti Apo ti balikasna ken ni Jacob ket nagtalinaed iti ^aIsrael.

9 Ket maammuanto ti amin a tao, uray pay ni Efraim ken dagiti agindeg iti Samaria, a mangibaga a sipapannakkel ken naimpusuan:

10 Margaay dagiti ladrilio, ngem bangonenminto iti nasukog a batbato; napukan dagiti sikamoro, ngem sukatanminto iti sedro.

11 Ngarud mangbukel ti Apo iti kabusor ni ^aRezin a mangbusor kenkuana, ken makitunos kadagiti kabusorna;

12 Dagiti Sirio iti sanguanan ken dagiti Palestino iti likudan; ket ^aalun-onendanto ti Israel iti nakanganga a ngiwatna. Ta gapu amin daytoy ti ^bpungtotna saan a nagsardeng, ngem silalayat pay laeng ti imana.

13 Agsipud ta ^asaan nga agsubli dagiti tattao ti nangsaplit kadakuada, wenno uray koma a pinadasda nga ikagumaan ti tulong ti Apo dagiti Pangen.

14 Ngarud isinanto ti Apo ti ulo ken ipus manipud iti Israel, sanga ken ruot iti maysa nga aldaw.

15 Dagiti panglakayen, isu ti ulo; ket ti propeta a mangisuro iti kinaulbod, isu ti ipus.

16 Ta dagiti dadaulo dagitoy a tao ti mamagbiddut kadakuada; ket madadael dagiti mangidaulo kadakuada.

17 Ngarud saannanto pagragsakan ti Apo dagiti agtutuboda a lallaki, wenno sumnek ti ^aasina kadagiti ululilada ken balbaloda a babbai; ta managinsisingpetda amin ken managaramid iti dakes, ken agsao ti tunggal ngiwat iti ^bkinamaag. Ta gapu amin daytoy saan a nagsardeng ti pungtotna, ngem ti ^cimana siuunnat pay laeng.

18 Ta ti kinadakes manguram a kas la apuy; alun-unenna dagiti kalkalunay ken dagiti siit, ken pasgedanna ti kasamekan ti bakir, ket maipangatoda iti maysa a monmon nga asuk.

19 Agsipnget iti daga babaen ti pungtot ti Apo ti Pangen, ket agbalin dagiti tattao a kasla aron ti apuy; ^aawanto ti tao a makaisalakan iti kabsatna a lalaki.

20 Ket rabsutennanto ti makinkannawan nga ima ket mabisinto; ket ^amanganto iti kanigid nga imana ket saandanto a mabsog; kanento ti tunggal maysa a tao ti lasag ti bukkodna a takkiag—

21 ^aManases, ^bEfraim; ken Efraim, Manases; agkaykaysadanto a mangbusor iti ^cJuda. Ta gapu amin daytoy saan a nagsardeng ti pungtotna, ngem ti imana siuunnat pay laeng.