1 Ket ita siak, ni Nephi, saanko a maisurat ti amin a banag a naisuro kadagiti tattaok; kasta met a saannak a ^analaing nga agsurat, a kas iti panagsao; gapu ta no ^bagsao ti tao babaen ti bileg ti Espiritu Santo, idanon ti bileg ti Espiritu Santo iti puso dagiti annak ti tattao.

2 Ngem kitaen, adu ti ^amangpatangken iti puspusoda a mangbusor iti Nasantuan nga Espiritu, ket awan ti lugarna kadakuada; gapuna, iwaksida ti adu a banag a naisurat ken ibilangda nga awanan iti pateg daytoy a banag.

3 Ngem siak, ni Nephi, naisuratkon ti naisuratko, ket ibilangko a naindaklan ti ^apategna, ken nangnangruna kadagiti tattaok. Ta agtultuloy ti ^bkararagko para kadakuada iti aldaw, ket basbasaen ti luluak ti punganko iti rabii, gapu kadakuada; ket yararawko iti Diosko nga addaan iti pammati, ket ammok a denggenna ti ararawko.

4 Ket ammok nga ikkan ti Apo a Dios iti pateg dagiti kararagko nga agpaay iti pagsayaatan dagiti tattaok. Agbalinto a ^anabileg kadakuada dagiti balikas a naisuratko bayat ti kinakapsutko; gapu ta ^ballukoyenna ida nga agaramid iti naimbag; maipakaammo kadakuada ti pannakabigbig kadagiti lallaki a kapuonanda; ket sawenna ti maipapan ken ni Jesus, ket allukoyenna ida a mamati kenkuana, ken agibtur agingga iti panungpalan, nga isu ti ^cbiag nga agnanayon.

5 Ket ^anaiget ti panagsaona a maibusor iti basol, a mayannurot ti ^bkinalawag ti kinapudno; gapuna, awan ti tao nga agpungtot kadagiti balikas a naisuratko malaksid no addaan daytoy iti espiritu ti sairo.

6 Agrag-oak ti kinalawag; agrag-oak ti kinapudno; agrag-oak ken ni Jesusko, gapu ta ^asinubbotna ti kararuak manipud iti impierno.

7 Addaanak iti ^aasi kadagiti tattaok, ken naindaklan ti pammatik ken ni Cristo a maam-ammokto ti adu a kararua nga awan mulitna iti pangukomanna.

8 Addaanak iti asi iti ^aHudio—kunak a Hudio, gapu ta mapanunotko ida a naggapuak.

9 Addaanak met iti asi kadagiti ^aGentil. Ngem kitaen, ta awan kadagitoy ti manamnamak malaksid no ^bmakikappiada ken ni Cristo, ken sumrekda iti ^cakikid a ruangan, ken ^dmagna iti ^enailet a dalan nga agturong iti biag, ket agtuloy iti dalan agingga iti panaggibus ti aldaw a pannakapadas.

10 Ket ita, ay-ayatek a kakabsatko, ken kasta met iti Hudio, ken kadakayo amin iti pagpatinggaan ti daga, denggenyo dagitoy a balikas ken ^amamatikayo ken ni Cristo; ket no saankayo a mamati kadagitoy a balikas mamatikayo koma ken ni Cristo. Ket no mamatikayto ken ni Cristo mamatikayto ^bkadagitoy a balikas, agsipud ta ^cbalikas dagitoy ni Cristo, ket intedna kaniak dagitoy; ket ^disurona ti amin a tao nga agaramid iti naimbag.

11 Ket no saan a balikas ni Cristo dagitoy, kednganyo—gapu ta ipakitanto kadakayo ni Cristo, babaen iti ^abileg ken naindaklan a dayag, a balikasna dagitoy, iti maudi nga aldaw; ket agtakderakto iti rupanrupa iti ^bpangukomanna; ket maammuanyonto a binilinnak a mangisurat kadagitoy a bambanag, iti laksid ti pagkapsutak.

12 Ket ikararagko iti Ama iti nagan ni Cristo nga adu koma kadatayo, no saan man nga amin, ti maisalakan iti ^apagarianna iti naindaklan ken maudi nga aldaw.

13 Ket ita, ay-ayatek a kakabsatko, amin a kameng iti balay ti Israel, ken adda iti amin a pagpatinggaan ti daga, agsaoak kadakayo a kas iti timek ti maysa nga ^aumar-araraw iti tapok: Agpakadaak, agingga a dumteng ti naindaklan nga aldaw.

14 Ket kadakayo a saan a makiranud iti kinaimbag ti Dios, ken mangdayaw ^akadagiti balikas dagiti Hudio, ken kasta met ^bkadagiti balikasko, ken kadagiti balikas nga agtaud iti ngiwat ti Kordero ti Dios, kitaen, agpakadaak kadakayo iti agnanayon a pakada, agsipud ta ^ckedngandakayto dagitoy a balikas iti maudi nga aldaw.

15 Agsipud ta no ania ti pinatalgedak ditoy daga, mairuarto a maibusor kadakayo iti ^apangukoman a lugar; gapu ta kasta ti bilin ti Apo kaniak, ket nasken nga agtungpalak. Amen.