Dagiti Nasantuan a Kasuratan
2 Nephi 28


Kapitulo 28

Adunto ti ulbod a simbaan a mabangon kadagiti maudi nga aldaw—Agisurodanto iti inuulbod, ubbaw ken dagiti minamaag a doktrina—Mapasamakto ti ikakalilis gapu kadagiti ulbod a mannursuro—Rumasokto ti sairo iti panagpuspuso dagiti tattao—Isuronanto ti amin a kita ti ulbod a doktrina. Agarup 559–545  B.C.

1 Ket ita, kitaenyo, kakabsatko, nasaokon kadakayo, kas impaganetget kaniak ti Espiritu; gapuna, ammok a pudno a mapasamakdanto.

2 Ken dagiti balikas a maisurat iti alibro ket bnapategto unay kadagiti annak ti tattao, ken nangnangruna pay kadagiti kaputotantayo a natda iti balay ti Israel.

3 Ta mapasamakto iti dayta nga aldaw a adagiti simbaan a nabangon, a saan nga agpaay iti Apo, no kunanto ti maysa iti sabali: Kitaen, siak, agpaayak iti Apo; ket kunanto met dagiti sabali: Siak, agpaayak iti Apo; ket kastanto ti sawen ti tunggal maysa a nangbangon kadagiti simbaan, ket saan nga agpaay iti Apo—

4 Ket agsusupangetto ti tunggal maysa; ket agsusupangetto ti tunggal maysa kadagiti saserdoteda, ket isurodanto ti aadalda, ket libakendanto ti Espiritu Santo, a nangted iti panagsao.

5 Ket alibakendanto ti bbileg ti Dios, ti Nasantuan ti Israel; ket kunada kadagiti tattao: Dumngegkayo kadakami, ket imdenganyo ti pammilinmi; agsipud ta kitaen cawan ti Dios ita, ta nalpasen ti Apo ken ti Mannubbot ti aramidna, ket naitednan ti bilegna iti tattao;

6 Kitaenyo, imdenganyo ti pammilinko; no kunada nga adda milagro a pinarnuay ti ima ti Apo, saanyo a patien; agsipud ta ita nga aldaw saan nga isu ti Dios adagiti milagro; nalpasnan ti aramidna.

7 Wen, ket adunto ti agkuna: aMangan, uminum, ken agragsakkayo, ta mataytayonton no bigat; ket nasayaattayonto latta.

8 Ken adunto pay ti agkuna: Mangan, uminum, ken agragsakkayo; nupay kasta, agbutengkayo iti Dios—ta amapalintegto ti bassit a naaramidyo a basol; wen, bagulbodkayo iti bassit, gundawayanyo ti sabali gapu kadagiti balikasna, ikalianyo iti cabut ti kaarrubayo; awan ti pagdaksanna daytoy; ket aramidenyo amin dagitoy a banag, ta mataytayonton no bigat; ket no talaga a nagbasoltayo, saplitennatayonto ti Dios iti sumagmamano a pannaplit, ket iti kamaudiananna maisalakantayonto iti pagarian ti Dios.

9 Wen, ket adunto ti mangisuro iti kastoy a wagas, palso ken inuulbod ken dagiti aminamaag a bdoktrina, ket natangsit ti panagpuspusoda, ket ilemmengdanto dagiti panggependa iti Apo; ket addanto iti sipnget dagiti aramidda.

10 Ket umkisto ti adara dagiti santo manipud iti daga a maibusor kadakuada.

11 Wen, simmiasida aminen iti adana; nagbalindan a bnadangkes.

12 Gapu iti akinapalangguadda, ken gapu kadagiti ulbod a mannursuro, ken inuulbod a doktrina, nagbalin a ballikug dagiti simbaanda, ken napangato dagiti simbaanda; natangsitda gapu iti kinapalangguad.

13 aTakawanda dagiti bnakurapay gapu kadagiti napintas a santuarioda; takawanda dagiti nakurapay gapu iti napintas nga arwatenda; ket idadanesda dagiti naemma ken napakumbaba ti panagpuspusoda, gapu iti ckinapalangguadda ket natangsitda.

14 Agparangda a anatangig ken natangsit; wen, ket gapu iti kinapalangguad, ken kinadakes, ken dagiti makarimon nga aramid, ken dagiti kinabalangkantisda, bnapukawda amin malaksid ti sumagmamano, a napakumbaba a pasurot ni Cristo; nupay kasta, naiturongda, nga iti namin-adu a gundaway nagbiddutda gapu ta naisuroda babaen ti alagaden ti tattao.

15 O dagiti amasirib, ken deadal, ken nabaknang, a natangsit iti bkinapalangguad dagiti panagpuspusoda, ken isuda amin a mangikasaba kadagiti inuulbod a doktrina, ken kadagiti balangkantis, ken mangballikug iti nalinteg nga aramid ti Apo, cay-ay, ay-ay, ay-ay pay ida, kinuna ti Apo a Dios a Mannakabalin, agsipud ta maigarangugongdanto iti impierno!

16 Ay-ay pay ida a amangiwalin kadagiti nalinteg para iti banag nga awan kaes-eskanna ken lalaisenda ti nasayaat, ken kunaenda nga awan ti pategna! Agsipud ta dumtengto ti aldaw a sipapardas a sarungkaranto ti Apo a Dios dagiti agnaed iti daga; ket maungawdanto iti dayta nga aldaw ta bnaluomdan iti kinamanagbasol.

17 Ngem kitaen, no agbabawinto dagiti agnaed iti daga iti kinadangkesda ken kadagiti makarimon nga aramidda saandanto a madadael, kinuna ti Apo ti Pangen.

18 Ngem kitaen, dayta nabileg ken makarimon a simbaan, ti abalangkantis iti intero a daga, nasken a bmaitikleb iti daga, ket nasken a nakaro ti pannakatnagna.

19 Ta ti pagarian ti sairo nasken a amadayyegto, ket nasken a mariing nga agbabawi dagiti agindegna, wenno tenglento ida ti bsairo kadakuada babaen iti agnanayon a ckawarna, ket masugsoganda nga agpungtot, ket maungawda;

20 Ta kitaen, iti dayta nga aldaw arumasokto kadagiti panagpuspuso dagiti annak ti tattao, ket sugsoganna ida nga agpungtot a maibusor iti nasayaat.

21 Ken dagiti dadduma ket apagtalnaennanto, ken allilawennanto ida iti nailubongan a talged, tapno kunadanto: Nasayaat amin iti Sion; wen, dumur-as ti Sion, nasayaat amin—ket kasta ti panangkusit ti bsairo kadagiti kararuada, ket siaannad a mangiturong kadakuada iti impierno.

22 Ket kitaen, pasabloganna dagiti dadduma, ket ibagana kadakuada nga awan ti aimpierno; ket kinunana kadakuada: Saanak a sairo, ta awan ti kasta—ket kasta ti panangyarasaasna kadagiti lapayagda, agingga a matengngelna ida iti nakaam-amak a bkawarna, ket awan ti pannakaisalakan.

23 Wen, narugmaanda iti patay, ken impierno; ken patay, ken impierno, ken ti sairo, ket nasken a sumarangto iti trono ti Dios dagiti amin a masarakan dita, ket amaukomdanto a mayannurot kadagiti aramidda, ket manipud dita mapandanto iti lugar a naisangrat kadakuada, uray pay iti bdan-aw ti apuy ken asupre, nga awan ti patinggana a panagtutuok.

24 Ngarud, ay-ayto pay dagiti mangyaleng-aleng iti Sion!

25 Ay-ay pay ti mangipukkaw: Nasayaat ti amin!

26 Wen, ay-ay pay ti adumngeg kadagiti alagaden ti tattao, ken manglibak iti bileg ti Dios, ken ti sagut ti Espiritu Santo!

27 Wen, ay-ay pay ti agkuna: Naawatmin, ket awanen ti akasapulanmi!

28 Ket kamaudiananna, ay-ay pay amin dagiti mamigerger, ken amakapungtot gapu iti kinapudno ti Dios! Ta kitaenyo, ti naibangon iti bbato awatenna daytoy a siraragsak; ket mamigerger ti naibangon iti kadaratan a pamuon amangan la ketdi ta matuang.

29 Ay-ay pay ti agkunanto: Naawatmin ti balikas ti Dios, ket asaanen a bkasapulan ti balikas ti Dios, ta addan umdas kadakami!

30 Ta kitaenyo, kastoy ti kinuna ti Apo a Dios: Itdekto kadagiti annak ti tattao binatog iti tunggal binatog, aalagaden iti tunggal alagaden, sangkabassit ditoy ken sangkabassit idiay; ket maparaburanto dagiti dumngeg kadagiti balakadko, ken dumngeg iti balakadko, agsipud ta makaadaldanto iti bpagsiriban; ta kadagiti cumawat ket itedko pay ti dadu; ket kadakuada nga agkunanto, Addan umdas kadakami, maalanto manipud kadakuada ti uray pay ti adda kadakuadan.

31 Mailunod ti aagtalek iti tao, wenno agtalek iti bukodna a pigsa, wenno dumngegto iti alagaden ti tattao, malaksid no naited ti alagadenda babaen ti bileg ti Espiritu Santo.

32 aAy-ayto pay dagiti Gentil, kinuna ti Apo a Dios ti Pangen! Agsipud ta uray pay no itanggayak ti imak kadakuada iti inaldaw, libakendakto; nupay kasta, naasiakto latta kadakuada, kinuna ti Apo a Dios, no agbabawi ken umayda kaniak; ta nakatanggayanto latta ti btakiagko iti uneg ti agmalem, kinuna ti Apo a Dios ti Pangen.