1 Ket kalpasanna kantaekto iti patpatgek unay ti ^akanta ti ay-ayatek, maipanggep iti kaubasanna. Adda kaubasan ti dungdungnguek iti nakabungbunga a turod.

2 Ket inaladanna, ken inikkatna dagiti batbatona, ken minulaanna iti napili nga ^aubas, ken nangbangon iti torre iti nagtengnganna, ken kasta met a nangaramid idiay iti pagpespesan; ket namnameanna a rumbeng a mangpataud daytoy kadagiti ubas, ket nagpataud daytoy kadagiti atap nga ubas.

3 Ket ita, O dakayo nga agnaed iti Jerusalem, ken tattao ti Juda, kednganyo, ikararagko, maipapan kaniak ken iti kaubasak.

4 Ania koma ti nabalin a naaramid pay iti kaubasak a saanko a naaramid? Gapuna, idi inurayko a mangpataud koma kadagiti ubas, nagpataud kadagiti atap nga ubas.

5 Ket ita inkayo; ibagakto kadakayo ti aramidek iti kaubasak—^aikkatekto dagiti pannakaaladna, ket maibus; ken rebbaekto ti paderna, ket mapayatpayatanto;

6 Ket bay-akto a madadael; saanto a maarbasan wenno makalian; ngem pagtubuanto ti ^akalkalunay ken sisiitan a mula; bilinekto met dagiti ulep a saanda ^bagtudo idiay.

7 Ta ti ^akaubasan ti Apo ti Pangen isu ti balay ti Israel, ket dagiti tattao ti Juda ti makaay-ayo a mulana; ket namnamaenna ti ^bkinahustisia, ket kitaem, pammarigat, para iti kinalinteg, ngem kitaen, maysa nga ikkis.

8 Asikayo pay dagiti mamagtitipon iti ^abalay ken balay, agingga nga awanen ti pagyanan, ta ^bmaikabildanto nga agmaymaysa iti tengnga ti daga!

9 Kadagiti lapayagko, kinuna ti Apo ti Pangen, iti kinapudnona adunto a balbalay ti mabaybay-an, ken awanto ti agindeg kadagiti dadakkel ken napipintas a siudad.

10 Wen, makapataud ti sangapulo nga ektaria ti kaubasan ti maysa a ^abath, ket ti bukel ti omer makapataud ti ephah.

11 Asi pay dagiti bumangon a masapa iti bigat, tapno ^arugianda ti aginum iti arak nga agtultuloy iti rabii, ket mabartek ti ^barak ida!

12 Ket adda kadagiti piestada ti arpa, ken ti biolin, ti pandereta, ken pluta, ken arak; ngem saanda ^aikankano ti aramid ti Apo, wenno ibilang la koma ti ar-aramiden dagiti imana.

13 Ngarud, naadipen dagiti tattaok, gapu ta awan ti ^apannakaammoda; ken nabisinan dagiti madaydayaw a tattaoda, ken namagmagan ti ummongda gapu iti waw.

14 Ngarud, pinalawa ti impierno ti pagturayanna, ket inlukatna ti ngiwatna iti saan a marukod; ket ti dayagda, ken ti ummongda, ken ti ngayedda, ken isu nga agragrag-o, bumabanto ditoy.

15 Ket maipababanto ti gagangay a tao, maipakumbabanto ti maingel, ken maipakumbabanto dagiti mata ti napangato.

16 Ngem maitan-okto ti Apo ti Pangen iti ^apangukoman, ket masantipikaranto ti Dios a nasantuan iti kinalinteg.

17 Kalpasanna agarabto dagiti karnero iti gagangay a wagasda, ket dagiti disso a langalang dagiti nalukmeg kanento dagiti ganggannaet.

18 Asi pay dagiti agguyod ti kinadakes babaen iti tali ti ^akinaubbaw, ken iti basol ^ba kasla tali ti karison;

19 Nga agkuna: Bay-am nga ^aaramidenna a nadaras, idarasna ti aramidna, tapno ^bmakitatayo daytoy; ken bay-am nga umasideg ken dumteng ti balakad ti Nasantuan ti Israel, tapno maammuantayo.

20 Ay-ay pay dagiti ^aagkuna ti naimbag iti dakes, ken dakes iti naimbag, a mangibilang a ^bsipnget ti lawag, ket lawag ti sipnget, a mangibilang a napait ti nasam-it, ken nasam-it ti napait!

21 Ay-ay pay ti ^amamasirib kadagiti bukodda a mata ken nanakem iti bukodda nga imatang!

22 Ay-ay pay dagiti maingel nga uminum iti arak, ken napigsa a lallaki a mangilaok iti nasanger iti mainum;

23 A mangikalintegan iti nadangkes para iti gunggona, ken ^amangyadayo ti kinalinteg ti nalinteg manipud kenkuana.

24 Ngarud, kas iti pananglamut ti ^aapuy ti ^bgarami, ken panangibus ti gil-ayab ti ^ctaep, malungsotto ti ramutda, mayangin dagiti sabongda a kas iti tapok; agsipud ta inlaksidda ti paglintegan ti Apo ti Pangen, ken ^dinumsida ti balikas ti Nasantuan ti Israel.

25 Ngarud, simged ti ^apungtot ti Apo kadagiti taona, ket inlayatna ti imana a maibusor kadakuada, ket sinaplitna ida; ket nagkintayeg dagiti turod, ket nagirsagirsay dagiti bangkayda iti tengnga dagiti kalsada. Ta gapu amin kadagitoy saan a summardeng ti pungtotna, ngem silalayatto latta ti imana.

26 Ket mangitag-ayto iti ^awagayway kadagiti adayo a pagilian, ket ^bsultipannanto ida iti kasulimekan a paset ti daga; ket kitaem, agdardarasdanto nga ^cumay; awanto kadakuada ti mabannog ken maitikleb.

27 Awanto ti agdungsa wenno maturog; uray no lumukay ti barikes dagiti lomoda, wenno mapugsat ti kurdon dagiti sapatosda;

28 Natitirad dagiti panada, ket sibibiat amin a baida, ken maibilang a kas mulinaw dagiti kuko ti saka dagiti kabalioda, ken kasla alipugpog ti panagpuligos dagiti pilidda, kasla leon ti ngerngerda.

29 Agngerngerdanto a kasla dagiti urbon ti ^aleon; wen, agngerngerdanto, ket tukmaandanto ti naanupda, ket natalgeddanto a mangipanaw, ket awanto ti mangisalakan.

30 Ket agngerngerdanto iti dayta nga aldaw a maibusor kadakuada a kas iti daranudor ti baybay; ket no matmatanda iti daga, kitaen, sipnget ken liday, ket agsipngetto ti langit.