1 Epi, mwen menm Jakòb, m ap pale avèk nou ankò, frè byenneme m yo, konsènan ^abranch ki jis m te pale a.

2 Paske gade, ^apwomès nou te resevwa yo, se pwomès n ap jwenn pandan nou nan kò fizik la; se poutèt sa, jan yo te montre m nan, anpil nan pitit nou yo pral peri nan kò fizik la poutèt enkredilite, men, Bondye pral gen mizèrikòd pou anpil ladan yo; e pitit nou yo pral restore, pou yo kapab vin jwenn bagay ki pou ba yo vrè konesans konsènan redanmtè yo a.

3 Se poutèt sa, jan m te di nou an, li nesesè pou Kris la—paske, yèswa, ^azanj la te di m se konsa yo pral rele l—dwe ^bvini nan pami Juif yo, nan pami moun ki pi mechan nan mond lan; e yo pral ^ckrisifye l—paske, se konsa Bondye nou an vle l, e pa gen okenn lòt nasyon sou tè a ki t ap ^dkrisifye ^eBondye pa yo.

4 Paske, si gwo ^amirak sa yo ta fèt nan pami lòt nasyon yo, yo t ap repanti; e yo t ap konnen li se Bondye yo a.

5 Men, poutèt ^aentrig prèt ak inikite yo, moun ki nan Jerizalèm yo pral fè kou rèd kont li, pou yo kapab krisifye l.

6 Se poutèt sa, poutèt inikite yo, destriksyon, famin, lapès, ak masak pral tonbe sou yo; e moun ki pa detwi yo pral ^adispèse nan pami tout nasyon.

7 Men gade, ^aSenyè Bondye a te di: ^bLè jou a vini pou yo kwè nan mwen, pou yo konnen m se Kris la, lè sa a, jan m te fè alyans avèk papa yo a, y ap restore nan kò fizik la, sou tè yo te eritye a.

8 E Bondye di konsa, epi, se pral konsa, yo pral ^arasanble pou sòti tout kote yo te dispèse yo, nan ^bzile ki sou lanmè yo ak kat kwen tè a; e nasyon Janti yo pral vin gran devan je m, pou ^cpote yo ale nan tè eritaj yo a.

9 ^aWi, wa janti yo pral papa pou nouri yo, e rèn yo pral sèvi yo manman pou nouri yo; se poutèt sa a, ^bpwomès Senyè a fè Janti yo gran anpil, paske, li te di sa, e kiyès ki kapab opoze?

10 Bondye te di gade, tè sa a pral tè eritaj nou, e ^aJanti yo pral beni sou li.

11 Epi, tè sa a pral yon tè ^alibète pou Janti yo, e p ap gen okenn ^bwa sou tè sa a, nan pami Janti yo.

12 Epi, m ap fòtifye tè sa a kont tout lòt nasyon.

13 Epi, Bondye di: nenpòt moun ki ^agoumen kont Siyon ap ^bperi.

14 Paske yon moun ki leve yon wa kont mwen l ap peri, paske, mwen menm Senyè a, ^awa syèl la, se mwen menm k ap wa yo, e m ap tounen yon ^blimyè pou tout tan pou moun ki koute pawòl mwen yo.

15 Se poutèt sa, pou ^aalyans mwen te fè avèk lèzòm yo kapab akonpli, pandan yo nan kò fizik la, li nesesè pou m detwi ^bzèv sekrè ^ctenèb yo ak masak ak abominasyon yo.

16 Epi, Bondye nou an di: Se poutèt sa a, yon moun ki goumen kont ^aSiyon, ni Juif ak Janti, ni esklav ak lib, ni gason ak fi pral peri, paske ^byo se postitye ki sou tout tè a; paske ^cmoun ki ^dpa pou mwen, yo ^ekont mwen.

17 Paske, m ap ^aakonpli pwomès m te fè pitit lèzòm yo pandan yo nan kò fizik la—

18 Se poutèt sa, frè byenneme m yo, Bondye di: m pral kite Janti yo aflije desandan nou yo; men m pral touche kè ^aJanti yo, pou yo kapab vin tankou yon papa pou yo; se poutèt sa, Janti yo pral ^bbeni e y ap ^cfè pati nan pami kay Izrayèl la.

19 Bondye di m, se poutèt sa, m pral ^akonsakre tè sa a pou desandan nou yo, ak moun ki pral konte nan pami desandan nou yo, pou yo eritye l pou tout tan; paske se yon tè ki pi bon pase tout lòt tè, se poutèt sa, m ap fè tout moun ki rete sou tè sa a sèvi m.

20 Epi kounyeya, frè byenneme m yo, etandone Bondye nou an, ki plen mizèrikòd la, te ban nou gwo konesans sa a, konsènan bagay sa yo; an nou sonje li, e an nou voye peche nou lòtbò; e pa pann tèt nou, paske Bondye pa chase nou. Malgre yo te ^apouse nou sòti nan tè nou te eritye a, nou jwenn yon ^bpi bon tè, paske Senyè a te fè ^cchemen sou lanmè a pou nou, e nou nan yon ^dzile ki sou lanmè a.

21 Men, pwomès Senyè a fè moun ki rete nan ^azile yo ki sou lanmè a gran anpil; kòm li di zile yo, dwe gen lòt ankò, e frè nou yo rete sou yo tou.

22 Paske, tanzantan, lè Senyè Bondye vle, li mennen kay Izrayèl la yon ^alòt kote. Epi kounyeya gade, Senyè sonje tout moun ki te debranche, se poutèt sa, li sonje nou tou.

23 Se poutèt sa, fè kè nou kontan, e sonje nou ^alib pou nou ^baji pou tèt pa nou—pou nou ^cchwazi chemen lanmò etènèl oubyen chemen lavi etènèl.

24 Se poutèt sa, frè byenneme m yo, rekonsilye nou avèk volonte Bondye, non pa avèk volonte dyab la, ak kò fizik la; e sonje lè nou fin rekonsilye nou avèk Bondye, se sèlman nan e pa mwayen ^alagras Bondye nou ^bsove.

25 Se poutèt sa, se pou Bondye leve nou sòti anba lanmò avèk pouvwa rezirèksyon an, e anba lanmò etènèl la avèk pouvwa ^aekspyasyon an, pou yo kapab resevwa nou nan wayòm etènèl Bondye a, pou nou kapab louwe l nan lagras diven an. Amèn.