1 Epi, mwen menm Nefi, m ap pale konsènan pwofesi yo papa m te pale a, konsènan ^aJozèf, yo te mennen nan peyi Ejip la.

2 Paske, li te gade pwofetize konsènan tout desandan li yo. Epi ^apwofesi li te ekri yo, pa gen anpil lòt ki pi gran pase yo. Epi li te pwofetize konsènan nou, ak jenerasyon nou yo ki pral vini apre; e yo ekri sou plakderen yo.

3 Se poutèt sa, apre papa m te fin pale konsènan pwofesi Jozèf yo, li te rele pitit Laman yo, pitit gason ak pitit fi li yo, epi li di yo: Koute, pitit gason ak pitit fi m yo, nou menm ki se pitit gason ak pitit fi ^apremye pitit mwen an, m ta vle pou nou ta koute pawòl mwen yo.

4 Paske Senyè Bondye a te di konsa: ^aToutotan nou respekte kòmandman m yo, n ap pwospere nan peyi a; e toutotan ou pa respekte kòmandman m yo, m ap chase nou nan prezans mwen.

5 Men gade, pitit gason ak pitit fi m yo, m pa kapab desann nan tonb mwen san m pa kite yon ^abenediksyon sou nou; paske m konnen reyèlman si nou grandi nan ^bchemen nou dwe suiv la, nou p ap sòti ladan l.

6 Se poutèt sa, si nou modi, gade, m ap kite benediksyon m sou nou, pou malediksyon an kapab sòti sou nou pou l tonbe sou ^atèt paran nou yo.

7 Konsa, poutèt benediksyon m nan Senyè Bondye a ^ap ap kite nou peri; men l ap gen ^bmizèrikòd pou nou ak desandan nou yo pou tout tan.

8 Epi, se te konsa, apre papa m te fin pale avèk pitit gason e avèk pitit fi Laman yo, li te fè mennen pitit gason ak pitit fi Lemyèl yo devan l.

9 Epi li te pale avèk yo, li di: Gade, pitit gason ak pitit fi m yo, nou menm ki se pitit gason ak pitit fi dezyèm pitit gason m nan; m kite menm benediksyon m te kite pou pitit gason ak pitit fi Laman yo sou nou; konsa, ou p ap detwi nèt; men alafen desandan nou yo pral beni.

10 Epi, se te konsa, lè papa m te fin pale avèk yo, lè sa a, li te pale avèk pitit gason ^aIsmayèl yo, wi, ak tout fanmi l yo.

11 Epi apre l te fin pale avèk yo, li te pale avèk Sam, li di: Ou beni, desandan w yo tou; paske ou pral eritye peyi a menm jan avèk Nefi, frè w la. Epi desandan w y ap konte nan pami desandan li yo; e w ap menm jan avèk Nefi, frè w la, epi desandan ou yo ap tankou desandan li yo; e w ap beni pou tout lavi w.

12 Epi, se te konsa, apre papa m Leyi te fin pale avèk tout fanmi l yo, daprè santiman kè l ak Lespri Senyè a ki te nan li, li te vin granmoun. Epi, se te konsa, li te mouri, e nou te antere l.

13 Epi, se te konsa, pa anpil jou apre lanmò l, Laman, Lemyèl ak pitit gason Ismayèl yo te fache kont mwen poutèt reprimand Senyè a yo.

14 Paske, mwen menm Nefi, m te oblije pale avèk yo, daprè pawòl li; paske m te pale avèk yo anpil bagay, e papa m tou anvan lanmò l; anpil nan pawòl sa yo ekri sou ^alòt plak mwen yo; paske plis nan pati istorik yo ekri sou lòt plak mwen yo.

15 Epi sou ^aplak sa yo, m ekri bagay nanm mwen, ak anpil ekriti ki ekri sou plakderen yo. Paske nanm mwen pran plèzi nan ekriti yo, e kè m ^bmedite sou yo, e m ekri yo pou ^ckonesans ak pwofi pitit mwen yo.

16 Gade, ^ananm mwen pran plèzi nan bagay Senyè a yo; e ^bkè m medite tout tan sou bagay m te tande ak wè yo.

17 Men, malgre gran ^abonte Senyè a, lè l montre m gwo zèv mèveye li yo, kè m pale konsa: O, m se yon ^bnonm mizerab! Wi, kè m pran lapenn poutèt kò m; nanm mwen lamante poutèt inikite m yo.

18 Mwen antoure tout kote, poutèt tantasyon yo ak peche yo ki ^abare m si fasilman.

19 Epi lè m vle rejwi m, kè m bougonnen poutèt peche m yo; malgre sa, m konnen nan kiyès m mete konfyans mwen.

20 Bondye m nan se te sipò m; li te kondi m nan afliksyon m yo atravè dezè a; e li te prezève m sou dlo lanmè byen fon an.

21 Li te chaje m avèk ^alanmou li, jistan kò m ta boule.

22 Li te konfonn ^aennmi m yo, jistan li fè yo tranble devan m.

23 Gade, li te tande kriye mwen lajounen, e li te ban m konesans nan ^avizyon pandan nuit la.

24 Epi lajounen mwen te prezante m devan l kareman nan gwo ^apriyè; wi, m te leve vwa m anlè; e zanj yo te desann e yo te sèvi m.

25 Epi zèl Lespri l te ^atranspòte kò m sou mòn ki wo anpil. Epi je m te wè anpil gwo bagay, wi, ki menm twò gwo pou lèzòm; se poutèt sa, m te resevwa kòmandman pou m pa ekri yo.

26 Enben, si m te wè bagay ki gwo konsa, si nan kondesandans li pou pitit lèzòm, Senyè a te vizite lèzòm avèk mizèrikòd sa a, ^apoukisa kè m dwe kriye e nanm mwen dwe rete nan vale tristès la, epi kò m depafini, epi fòs mwen febli, poutèt afliksyon m yo?

27 Epi poukisa m ta bay ^apeche premyeplas, poutèt kò mwen? Wi, poukisa mwen ta lage m bay ^btantasyon, pou malen an gen plas nan kè m, pou l detwi ^clapè m e pou l aflije nanm mwen? Poukisa m fache poutèt ènmi mwen?

28 Reveye w, nanm mwen! Pa rete drive nan peche. Rejwi ou, O kè mwen, e pa bay plas pou ^aenmi nanm mwen an ankò.

29 Pa fache ankò poutèt ènmi m yo. Pa febli fòs mwen poutèt afliksyon m yo.

30 Rejwi w, O kè mwen, kriye nan pye Senyè a, e di: O Senyè a, m ap louwe w pou tout tan; wi, nanm mwen ap rejwi nan ou, Bondye m nan, ^awòch sali m nan.

31 O Senyè, èske ou vle rachte nanm mwen? Èske w vle delivre m anba men ènmi m yo? Èske ou vle fè m tranble devan aparans ^apeche?

32 Se pou pòt lanfè yo fèmen tout tan devan m, poutèt ^akè m brize e pou lespri m kontri! O Senyè, tanpri pa fèmen pòt lajistis ou yo devan m, pou m kapab ^bmache nan chemen vale plat la, pou m kapab dwat nan wout klè a!

33 O Senyè, tanpri vlope m nan wòb lajistis ou! O Senyè, tanpri ban m yon mwayen pou m chape devan ènmi m yo! Tanpri fè chemen an dwat devan m! Tanpri pa mete yon pyèdachopman nan chemen m—Okontrè, ou vle debarase chemen an devan m, e pa bare chemen m, men bare chemen ènmi m yo.

34 O Senyè, m te konfye m nan ou, epi m ap ^akonfye m nan ou pou tout tan. M p ap mete ^bkonfyans mwen nan ponyèt lachè; paske m konnen, moun ki mete ^ckonfyans li nan ponyèt lachè, li modi. Wi, moun ki mete konfyans li nan lèzòm oubyen ki depann sou ponyèt lachè, li modi.

35 Wi, m konnen Bondye ap bay moun ki mande a ^alibelibè. Wi, Bondye m nan ap ban mwen, si m pa ^bmande mal; se poutèt sa, m ap leve vwa m ba ou; wi, m ap kriye nan pye w, Bondye m nan, ^cwòch lajistis mwen an. Gade, vwa m ap monte jwenn ou pou tout tan, ^dwòch mwen an ak Bondye etènèl mwen an. Amèn.