1 Paske gade, Senyè a, Senyè tout Lame yo, retire rezèv ak resous Jerizalèm ak Jida, tout resous pen an ak tout rezèv dlo a—

2 Gwo moun nan, Chèf lagè a, Jij la, Pwofèt la, Moun pridan an, ak Pèsonaj la;

3 Kaptèn ki kòmande senkant sòlda a, Moun ki gen respè a, Konseye a, Gran dizè a, ak Oratè elokan an.

4 M pral ba yo timoun kòm prens, e bebe pral gouvène yo.

5 Epi, pèp la pral oprime, youn pral oprime lòt, e chak vwazen kont lòt; timoun pral fè lògèy devan granmoun, epi moun nan klas ba pral leve tèt devan moun onorab.

6 Yon nonm pral rale frè l lakay papa l, e li pral di: Ou gen rad sou ou, vin gouvène nou, epi pa kite ^awont sa a tonbe sou nou—

7 Jou sa a, li pral fè sèman, l ap di: M pa vle tounen yon ^agerisè; paske m pa gen ni pen ni rad lakay mwen; pa mande m pou m gouvène pèp la.

8 Paske Jerizalèm ^afini, e Jida ^btonbe, paske lang yo ak aksyon yo te kont Senyè a, pou pwovoke limyè kò l.

9 Aparans yo temwaye kont yo, e li fè konnen peche yo tankou peche ^aSodòm, e yo pa kapab kache l. Malè pou nanm yo, paske yo rekòlte malè pou tèt pa yo!

10 Di moun ki fè jistis yo, l ap ^abon pou yo, paske yo te pral manje sa yo plante.

11 Malè pou mechan yo, paske y ap peri; paske rekonpans men yo pral tonbe sou yo!

12 Epi, pèp mwen an, timoun ap oprime yo, e fi ap gouvène yo. O, pèp mwen an, moun k ap ^adirije ou yo fè w pèdi, epi yo detwi pasaj chemen ou yo.

13 Senyè a kanpe pou l ^aplede, e li kanpe pou l jije pèp la.

14 Senyè a pral antre nan jijman avèk pèsonaj yo ki nan pami pèp li a ak ^aprens yo; paske nou te ^bmanje ^cjaden ak tout ^drès manje ^epòv yo lakay nou.

15 Senyè Bondye tout Lame yo di, ki sa nou panse? Nou rachonnen pèp mwen pak-anpak, e nou grafonyen figi pòv yo.

16 An plis, Senyè a di: Paske pitit fi Siyon yo gen lògèy, epi yo mache avèk kou yo rèd ak je klere, yo souke kò yo e ^asoulye yo fè kalap-kalap lè y ap mache—

17 Se poutèt sa, Senyè a pral chaje tèt pitit fi Siyon yo avèk kap, e Senyè a pral ^adekouvri pati sekrè yo.

18 Jou sa, Senyè a pral efase ekla bann bijou k ap klake yo, ak ^akapichon yo, ak ^bbijou won ki gen fòm lalin yo;

19 Chenn yo ak goumèt yo ak ^afoula yo;

20 Bonèt yo, ak braslè pye yo, ak bando tèt yo, ak pafen yo, ak zanno yo;

21 Bag yo, ak bijou nan nen yo;

22 Tout ^adivèsite rad yo, ak manto yo, ak mouchwa tèt yo ak bous yo;

23 ^aMiwa yo, ak twal fen yo, ak bèl cheve, ak vwal.

24 Epi, se pral konsa, jou sa a pa t, angiz bon sant pafen, yo pral santi swè; angiz sentiwon, rad yo pral ^adechire; angiz bèl kwafi, tèt yo pral kale; angiz ^btalatàn, yo pral mete wòb sak; e angiz bèlte, po yo pral ^cboule.

25 Kout epe pral jete gason ou yo, epi moun pwisan ou yo pral mouri nan lagè.

26 Pral gen lamantasyon ak kriye devan pòt li yo; epi li pral chita atè a san konsolasyon.