Liv Enòs la

1 Gade, mwen menm ^aEnòs, m konnen papa m ^bte yon nonm ki jis—paske li te ^cpreche m nan lang li, e nan ^dnouriti ak avètisman Senyè a—e se pou non Bondye m nan beni poutèt sa—

2 Epi m pral pale nou konsènan ^aefò m devan Bondye, anvan m te jwenn ^bpadon pou peche m yo.

3 Gade, m t ale lachas dèyè bèt nan forè a; e pawòl yo m te konn tande papa m pale avèk mwen konsènan lavi etènèl la, ak ^alajwa sen yo, yo te ^bplonje fon nan kè m.

4 Epi nanm mwen te ^agrangou; e m te ^bajenou devan Kreyatè m nan, e m te ^ckriye nan pye l nan gwo priyè ak siplikasyon pou nanm mwen; e m te kriye nan pye l tout lajounen; wi, lè l te nan nuit m te toujou leve vwa m wo jistan l te touche syèl la.

5 Epi yon ^avwa te pale avèk mwen, li di: Enòs, peche w yo padone, e w pral beni.

6 Epi mwen menm Enòs, m te konnen Bondye pat kapab bay manti; se poutèt sa, kilpabilite m nan te efase.

7 Epi m te di: Senyè a, kòman sa fè fèt?

8 Epi li te di m: Se gras ak ^alafwa w nan Kris la, ke w pa t janm tande ni wè anvan sa. Epi anpil ane pase anvan li prezante tèt li nan kò fizik la; se poutèt sa, ou mèt ale, lafwa w te ^bgeri w.

9 Paske, se te konsa, kounyeya, lè m te tande pawòl sa yo, m te kòmanse ^avle byennèt frè m yo, Nefit yo; se poutèt sa, m te ^bdegaje tout nanm mwen devan Bondye pou yo.

10 Epi pandan m t ap lite nan lespri a konsa, gade, vwa Senyè a te vini nan ^apanse m ankò, li di: M ap vizite frè w yo daprè dilijans yo nan respekte kòmandman m yo. M ^bba yo tè sa a, e se yon tè sen; e m p ap ^cmodi l, eksepte poutèt inikite; se poutèt sa, m ap vizite frè w yo jan m di a; epi m ap lage transgresyon yo avèk tristès sou tèt yo.

11 Epi, apre mwen menm Enòs, m te fin tande pawòl sa yo, lafwa m te kòmanse vin djanm nan Senyè a; epi m te priye l avèk anpil fòs pou frè m yo, Lamanit yo.

12 E, se te konsa, apre m te fin ^apriye e apre m te fin travay avèk tout dilijans, Senyè a te di m: M pral akòde w sa w ^bvle a, poutèt lafwa w.

13 Epi kounyeya, gade, men sa m te vle nan men l—pou si pèp mwen an, Nefit yo, ta tonbe nan transgresyon, epi si nenpòt fason yo ta ^adetwi, epi Lamanit yo pa t detwi, pou Senyè Bondye a ta ^bprezève rejis pèp mwen an, Nefit yo; menm si se ta avèk pouvwa ponyèt sen li, pou l ta fè Lamanit yo ^cjwenn rejis yo nan lavni, pou, petèt yo ta ^dkapab sove—

14 Paske, pou kounyeya, efò nou te fè pou nou ta restore yo nan vrè lafwa a te ^aanven. Epi yo te sèmante nan kòlè yo, pou yo ^bdetwi nou ak rejis nou yo, ak tout tradisyon zansèt nou yo tou, si sa ta posib.

15 Se poutèt sa, paske m te konnen Senyè Bondye a te kapab ^aprezève rejis nou yo, m te kriye nan pye l tout tan, paske li te di m: Nenpòt bagay ou mande ak lafwa, si w kwè w ap resevwa nan non Kris la, w ap resevwa l.

16 M te gen lafwa, epi m te kriye nan pye Bondye pou l kapab ^aprezève ^brejis yo; e li te fè alyans avèk mwen pou l ^cvoye yo bay Lamanit yo, lè tan an rive.

17 Epi mwen menm Enòs, m te konnen sa t ap fèt daprè alyans li te fè a; se poutèt sa, nanm mwen te trankil.

18 Epi Senyè a te di m: Zansèt ou yo te mande m bagay sa a tou; e sa pral fèt pou yo daprè lafwa yo; paske lafwa yo tankou pa w.

19 Epi, se te konsa, kounyeya, mwen menm Enòs, m t ale nan pami pèp Nefi a, m te pwofetize bagay ki gen pou rive yo, epi m te temwaye bagay m te tande ak wè.

20 Epi m rann temwayaj pèp Nefi a te chèche avèk dilijans pou retabli Lamanit yo nan vrè lafwa Bondye a. Men ^atravay nou te san rezilta; rayiman yo te genyen an te solid, e akoz move santiman natirèl ki te pouse yo, yo te vin yon pèp sovaj, fewòs, epi yon ^bpèp sanginè, ranpli avèk ^cidolatri, ak salte; ki manje bèt ki kanivò; ki rete anba tant, e ki egare nan dezè a avèk yon bout po bèt mare nan ren yo, e ak tèt yo kale; e konesans yo te nan ^dflèch, ak epe, ak rach. Epi anpil moun ladan yo te konn manje vyann kri sèlman; e yo te chèche pou yo detwi nou nètalkole.

21 Epi, se te konsa, pèp Nefi a te kiltive tè a, e yo te ^aplante tout kalite grenn, ak fwi, ak gwoup bèt, ak tout kalite gwoup bèt, ak tout kalite bèf, ak kabrit, ak kabrit mawon, e ak anpil cheval tou.

22 Epi te gen anpil ^apwofèt nan pami nou. Epi pèp la te yon ^bpèp ki te gen tèt di, ki te difisil pou l konprann.

23 Epi pa t gen anyen eksepte ^abritalite, ^bpredikasyon ak pwofesi konsènan lagè, ak chirepit, ak destriksyon, e ^craple yo lanmò tout tan, ak longè letènite, ak jijman ak pouvwa Bondye, ak tout bagay sa yo—ki te kapab souke yo ^dnètalkole pou respekte yo nan lakrent Senyè a. M di, pa t gen anyen eksepte bagay sa yo, ak anpil gwo predikasyon klè, ki pou anpeche yo desann rapid nan destriksyon. Epi se konsa m ekri konsènan yo.

24 Epi m te wè lagè nan pami Lamanit ak Nefit yo pandan jou m t ap viv yo.

25 Epi, se te konsa, m te kòmanse vyeyi, e san swasanndiznèf ane te pase depi lè Leyi, papa nou, te ^akite Jerizalèm.

26 Epi m te wè m dwe desann nan tonm mwen talèkonsa, pouvwa Bondye te egzije m pou m preche, pou m pwofetize devan pèp sa a pou m deklare pawòl la daprè verite ki nan Kris la. Epi m te deklare l tout jou nan vi m yo, e m te rejwi m ladan l plis pase nan mond lan.

27 Epi talèkonsa, m prale nan kote pou m ^arepoze m nan, ki vle di avèk Redanmtè m nan; paske m konnen m pral repoze m nan bra li. Epi m rejwi pou jou kote ^bmòtalite m pral ^cimòtalite a, pou m kanpe devan l; lè sa a m pral wè figi l ak kè kontan e li pral di m: Vin jwenn mwen, ou menm ki beni, gen yon kote ki prepare pou ou nan ^dkay Papa m yo. Amèn.