1 Pawòl ke ^aEzayi, pitit gason Amòz la, te ^bwè konsènan Jida ak Jerizalèm:

2 Epi, se pral konsa, nan dènye jou yo, lè ^amòn ^bkay Senyè tabli sou tèt mòn yo, e lè l egzalte anlè ^ckolin yo, tout nasyon pral vide kò yo sou li.

3 Epi anpil moun prale e y ap di, Vini, an nou monte sou mòn Senyè a, nan kay Bondye Jakòb la; e li pral ansenye nou konsènan fason pa li, e ^anou pral mache nan chemen li; paske ^blalwa a pral sòti nan Siyon, e pawòl Senyè a pral sòti nan Jerizalèm.

4 Li pral ^ajije nan pami nasyon yo, e li pral reprimande anpil moun: yo pral fè epe yo tounen pikwa, ak pik yo tounen rach—nasyon p ap rale epe kont nasyon, ni tou yo p ap aprann fè lagè ankò.

5 O kay Jakòb la, vini, epi an nou mache nan limyè Senyè; wi, vini, paske nou tout ^apèdi chemen an, chak moun tonbe nan mechanste.

6 Se poutèt sa, O Senyè a, nou te abandone pèp nou an, kay Jakòb la, paske yo ^aranpli ak moun lès yo, e yo chita koute divinò tankou ^bFilisten yo, e ^cyo tonbe nan plèzi avèk pitit etranje yo.

7 Peyi yo a chaje avèk lajan, ak lò, trezò yo p ap janm fini; peyi yo chaje avèk cheval e y ap toujou gen charyo.

8 Peyi yo plen avèk ^azidòl; yo adore bagay yo fè avèk men pa yo, bagay yo fè avèk dwèt pa yo.

9 Moun mechan yo pa ^abese tèt yo, epi gwo moun yo pa gen imilite, se poutèt sa, pa padone yo.

10 O, moun mechan, antre nan twou wòch la, ^akache nan pousyè a, paske krent Senyè a ak lagwa majeste li pral frape ou.

11 Epi, se pral konsa, aparans awogan moun pral imilye, frekansite moun pral bese ba, e se sèlman Senyè a ki pral egzalte nan jou sa a.

12 Paske ^ajou Senyè tout Lame yo pral rive talèkonsa sou tout nasyon, wi, sou chak moun; wi, sou ^bògeye yo ak frekan yo, e tout moun ki leve pral bese.

13 Wi, jou Senyè a pral vini sou tout pye bwa peyi gorango Liban yo, paske yo wo e yo leve anlè; ak sou tout pye bwapen Bazan yo;

14 Epi sou tout mòn wo yo, ak tout kolin yo, ak tout nasyon ki leve tèt yo, e sou tout pèp;

15 Epi, sou tout fòtrès ki wo ak tout miray solid;

16 Epi, sou tout bato nan ^alanmè a, ak tout bato Tasis yo, ak tout bèl foto yo.

17 Ògèy lèzòm pral bese, e frekansite lèzòm pral tonbe; e sèlman Senyè a pral egzalte nan ^ajou sa a.

18 Epi, li pral aboli zidòl yo nèt.

19 Epi, yo prale nan twou wòch yo, ak nan kav anba tè a, paske krent Senyè a pral vini sou yo, e laglwa majeste l pral frape yo, lè l leve pou l souke tè a byen fò.

20 Jou sa a, yon nonm pral jete zidòl lajan, ak zidòl lò li te fè bay mangous yo ak chòvsouri yo pou l adore pou tèt pa l,

21 Pou l ale nan fant wòch yo, ak sou tèt wòch pwenti yo, paske krent Senyè a pral vini sou yo e majeste laglwa l pral frape yo, lè l leve pou l souke tè a byen fò.

22 ^aRetire konfyans nou nan lòm, ki respire nan twou nen li; paske, ki moun k ap ba li enpòtans?