Njem Mgbasa Ozi-Ọma nile nke Onye-ozi PỌl

Geza Filip kwusara ozi-ọma nke Kraịst na mere otu nwoke bụ ọnọzi onye Etiopịa baptism n’ụzọ ya ịga Geza (Ọlndoz. 8:26–39).

Jerusalem Hụ map 12 maka ihe omume nile n’ime Jerusalem.

Jọpa Pịta natara otu òhù na Chineke na-enye ndị Jentaịlụ onyinye nke ncheghari (Ọlndoz. 10; 11:5–18). Pịta kulitere Tabita site na ndị nwụrụ anwụ (Ọlndoz. 9:36–42).

Samerịa Filip kwusara ozi-ọma na Samerịa (Ọlndoz. 8:5–13), na Pịta na Jọn n’ikpe-azụ kụziri ihe n’ebea (Ọlndoz. 8:14–25). Mgbe ha nyefesịrị onyinye nke Mụọ Nsọ, Saịmọn onye na-eme mgbasị chọrọ ịzụta onyinye a site n’aka ha (Ọlndoz. 8:9–24).

Siseria N’ebea mgbe otu Mụọ-ozi kwusasịrị ozi-ọma nye otu ọchị-agha nke otu narị ndị agha a kpọrọ aha ya Kọniliọs, Pịta kwere ya ka e mee ya baptism (Ọlndoz. 10). N’ebea Pọl mere mgbochi ya n’iru Agripa (Ọlndoz. 25–26; hụ kwa A—JS 1:24–25).

Damaskọs Jisus pụtara ìhè nye Sọl (Ọlndoz. 9:1–7). Mgbe Ananaias weghachisiri ịhụ-ụzọ Sọl, e mere Sọl baptism na ọ malitere nkwusa ozi-ọma ya (Ọlndoz. 9:10–27).

Antịọk (n’ime Siria) N’ebea ndị na-eso ụzọ ka a kpọrọ Ndị-otu-Kraịst nke mbụ (Ọlndoz. 11:26). Agabọs buru amụma ụnwụ (Ọlndoz. 11:27–28). Oke nghọtahie bilitere na Antịọk gbasara ibi-úgwù (Ọlndoz. 14:26–28; 15:1–9). Na Antịọk Pọl malitere mgbasa ozi-ọma ya nke ugboro abụọ ya na Saịlas, Banabas, na Judas Basabas (Ọlndoz. 15:22, 30, 35).

Tasọs Obodo ebe obibi Pọl; Ndị Ụmụnna zigara Pọl n’ebea iji chekwaa ndụ ya (Ọlndoz. 9:29–30).

Saịprọs Mgbe a kpagbusịrị ha, ụfọdụ Ndị-nsọ gbalagara n’ibe ala nke a mmiri gbara okirikiri (Ọlndoz. 11:19). Pọl sitere na Saịprọs gaa njem mgbasa ozi-ọma ya nke mbụ (Ọlndoz. 13:4–5), dịka Banabas na Mak mere n’ikpe-azụ (Ọlndoz. 15:39).

Pafọs Pọl kọchara otu onye na-eme mgbasị n’ebea (Ọlndoz. 13:6–11).

Dabe Pọl na Banabas kwusara ozi-ọma ahụ n’ime nnukwu obodo a (Ọlndoz. 14:6–7, 20–21).

Laịstra Mgbe Pọl gwọrọ otu onye ngwọrọ, ya na Banabas ka e kelere dịka chi nile. A tụrụ Pọl nkume na chee na ọ nwụrụ anwụ kama dịkwara ndụ ọzọ na gara n’iru na-ekwusa ozi-ọma (Ọlndoz. 14:6–21). Ebe obibi Timọti (Ọlndoz. 16:1–3).

Aịkonịọm Na mgbasa ozi-ọma ha nke mbụ, Pọl na Banabas kwusara ozi-ọma n’ebea na a majara ha jiri ịtụ nkume (Ọlndoz. 13:51–14:7).

Leodisia na Kọlọsị Leodisia bụ otu n’ime ngalaba nke Nzukọ-nsọ nke Pọl letara na natara leta nile site n’aka ha (Ndị-Kọl. 4:16). Ọ bụ kwa otu n’ime nnukwu obodo asaa e depụtara n’ime akwụkwọ Mkpughe (ndị nke ọzọ bụ Efesọs, Smịama, Pagamọs, Taịataịra, Sadis, na Filadelfịa, hụ Mkpu. 1:11). Kọlọsị dị kilomita 18 na mpaghara Ọwụwa-anyanwụ nke Leodisia. Pọl degaara Ndị-nsọ ndị bi n’ebea akwụkwọ.

Antiọk (n’ime Pisidia) Na mgbasa ozi-ọma ha nke mbụ, Pọl na Banabas kụziere ndị Juu na Kraịst sitere na mkpụrụ nke Devid bịa. Pọl wetaara Israel ozi-ọma ahụ, mgbe ahụ nye ndị Jentaịlụ. Pọl na Banabas ka a kpagburu na chụpụrụ (Ọlndoz. 13:14–50).

Militọs Mgbe ọ nọ n’ebea na mgbasa ozi-ọma ya nke atọ, Pọl dọrọ ndị okenye nke Nzukọ-nsọ aka na ntị na “agụ ndị jọgburu onwe ha” ga-abata n’etiti igwe atụrụ ahụ (Ọlndoz. 20:29–31).

Patmọs Jọn bụụrụ onye mkpọrọ n’ibe ala a mmiri gbara okirikiri mgbe ọ natara ọ̀hù nile ahụ dị n’akwụkwọ nke Mkpughe (Mkpu. 1:9).

Efesọs Apọlọs kwusara ozi-ọma n’ebea jiri ike (Ọlndoz. 18:24–28). Pọl na mgbasa-ozi-ọma ya nke atọ kụziri ihe na Efesọs ruo afọ abụọ, na-agbanwe ọtụtụ mmadụ (Ọlndoz. 19:10, 18). N’ebea o nyere onyinye nke Mụọ-Nsọ site na-ibikwasị aka nile (Ọlndoz. 19:1–7), na rụrụ oru-ebube nile tinyere ịchụpụ mụọ-ọjọọ nile (Ọlndoz. 19:8–21). N’ebea ndị na-efe Daiana ofufe palitere ọgba-aghara megide Pọl (Ọlndoz. 19:22–41). Akụkụ nke akwụkwọ Mkpughe ka e degaara Nzukọ-nsọ ahụ dị na Efesos (Mkpu. 1:11).

Troas Mgbe Pọl nọ n’ebea na njem mgbasa ozi-ọma ya nke ugboro abụọ, ọ hụrụ otu òhù nke otu nwoke nọ na Masedonia na-arịọ maka enyem-aka (Ọlndoz. 16:9–12). Mgbe ọ nọ n’ebea na mgbasa ozi-ọma ya nke ugboro atọ, o kulitere Yutikọs site na ndị nwụrụ anwụ (Ọlndoz. 20:6–12).

Filipaị Pọl, Saịlas, na Timọti gbanwere otu nwanyị a kpọrọ aha ya Lidia, chụpụrụ otu mụọ ọjọọ, na e tiri ha ihe (Ọlndoz. 16:11–23). Ha natara enyem-aka dị nsọ ịgbanarị mkpọrọ (Ọlndoz. 16:23–26).

Atens Pọl mgbe ọ nọ na mgbasa ozi-ọma ya nke Ugboro abụọ na Atens, kwusara ozi-ọma n’Ugwu Mas (Areọpagọs) banyere “Chi nke na-amaghị ama” (Ọlndoz. 17:22–34).

Kọrịnt Pọl gara Kọrịnt na mgbasa ozi-ọma ya nke Ugboro abụọ ebe ọ nọdụrụ ya na Akwila na Prisila. O kwusara ozi-ọma n’ebea na mere ọtụtụ mmadụ baptism (Ọlndoz. 18:1–18). Site na Kọrịnt, Pọl degaara ndị Rom akwụkwọ ozi ya.

Tesalonaịka Pọl kwusara ozi-ọma n’ebea n’oge njem mgbasa ozi-ọma ya nke ugboro abụọ. Ndị otu mgbasa ozi-ọma ya hapụrụ gaa Beria mgbe ndị Juu majara ọdị mma ha (Ọlndoz. 17:1–10).

Berìa Pọl, Saịlas, na Timọti chọtara mkpụrụ-obi nile a maara n’ihi omume ọma, ha ga-akụziri ihe n’oge njem mgbasa ozi-ọma Pọl nke ugboro abụọ. Ndị Juu sitere na Tesalonaika soro kpagbuo ha (Ọlndoz. 17:10–13).

Masedonia Pọl kụziri ihe n’ebea na njem ya nke ugboro abụọ na nke atọ (Ọlndoz. 16:9–40; 19:21). Pọl jara mmepụ-aka nke Ndị-nsọ Masedonịa mma ndị nyere ya na Ndị-nsọ bụ ogbenye nọ na Jerusalem ihe (Ndị-Rom 15:26; 2 Ndị-Kọ 8:1–5; 11:9).

Melita Ụgbọ-mmiri Pọl kpuru n’ibe ala a mmiri gbara okirikiri n’ụzọ ya ịga Rom (Ọlndoz. 26:32; 27:1, 41–44). Agwọ tara ya emerụghị ya arụ na gwọrọ ọtụtụ ndị arụ na-adịghị ike na Melita Ọlndoz. 28:1–9).

Rom Pọl kwusara ozi-ọma n’ebea maka afọ abụọ n’okpuru mmachibido ịpụ-ezi nke onye e jidere ejide (Ọlndoz. 28:16–31). O dekwara akwụkwọ-ozi nile ma-ọbụ leta nile, nye ndị Efesos, ndị Filipaị, na ndi Kọlọsị na nye Timọti na Faịlimọn mgbe ọ nọ na mkpọrọ na Rom, Pịta dere akwụkwọ ozi ya nke mbụ site na “Babịlọn” nke bụụrụ ikekwe na Rọm, ngwa ngwa mkpagbu nile nke Nero megide Ndị-otu-Kraịst gasịrị n’afọ 64 ka a mụsịrị Kraịst. E kwenyere n’ọha na e gburu Pịta na Pọl n’ihi okwukwe ha n’ebea.