ALA NSỌ AhỤ n’ime Oge nỊỊle Testament ỌhỤRỤ

Taịa na Saịdon Jisus tulere ịdị iche nke Korazin na Betsaịda na nke Taịa na Saịdọn (Mat. 11:20–22). Ọ gwọrọ ada nwanyị nke nwanyị Jentaịlụ (Mat. 15:21–28).

Ugwu nke Mnwogharị E nwogharịrị Jisus n’iru Pịta, Jemes na Jọn, na ha natara ọtụghe-ụzọ nile nke ala-eze ahụ (Mat. 17:1–13). Ụfọdụ mmadụ kweere na Ugwu Mnwogharị ahụ bụ Ugwu Hemon; ndị-ọzọ kwenyere na ọ bụ Ugwu Teboa.

Siserịa Filipaị Pịta gbara-ama na Jisus bụ Kraịst ahụ na ekwere ya nkwa ọtụghe-ụzọ nile nke ala-eze ahụ (Mat. 16:13–20). Jisus buru amụma maka ọnwụ nke ya onwe ya na Mbilite n’ọnwụ ya (Mat. 16:21–28).

Mpaghara nke Galili Jisus biri nke karịsịrị na ndụ ya na ikwusa ozi-ọma ya n’ime Galili (Mat. 4:23–25). N’ebea ka o nyere Okwu Chukwu e kwuru n’elu Ugwu (Mat. 5–7); gwọrọ onye ekpenta (Mat. 8:1–4); na họọrọ, chie echichi, na zipụ Ndị-ozi Iri na abụọ ahụ n’ime ha nke Judas na-abụghị onye Galili (Mak 3:13–19). Na Galili ka Kraịst ahụ nke biliworo n’ọnwụ pụtara ìhè nye Ndị-ozi ahụ (Mat. 28:16–20).

Oke Osimiri Galili, na ikpe-azụ a kpọrọ oke Osimiri Taiberịas Jisus kụziri ihe site n’ime ụgbọ-mmiri Pịta (Luk 5:1–3) na kpọrọ Pịta, Andru, Jemes na Jọn ịbụ ndị ọkụ azụ na-akụta mmadụ (Mat. 4:18–22; Luk 5:1–11). O mekwara ka ebili mmiri daa duu (Luk 8:22–25); kuziri akụkọ-ilu nile site n’otu ugbo-mmiri (Mat. 13), jere ije n’elu oke osimiri (Mat. 14:22–32), na pụtara ìhè nye ndi na-eso ụzọ ya mgbe o bilitesịrị n’ọnwụ (Jọn 21).

Betsaịda Pịta, Andru, na Filip ka a mụrụ na Betsaịda (Jọn 1:44). Jisus na Ndị-ozi ahụ pụrụ gawa na nke onwe ha na nso Betsaịda. Igwe ndị mmadụ ahụ sooro ya, na o nyejuru 5,000 ahụ afọ (Luk 9:10–17; Jọn 6:1–14). N’ebe a Jisus gwọrọ otu onye-ìsì (Mak 8:22–26).

Kapanaum Nkea bụụrụ ebe obibi Pịta (Mat. 8:5, 14). Na Kapanaum, nke Matiu kpọrọ nnukwu “obodo nke Jisus”, Jisus gwọrọ otu onye arụ ya kpọnwụrụ akpọnwụ (Mat. 9:1–7; Mak 2:1–12), gwọrọ nwa odibo nke onye-na-achị otu narị ndị-agha, gwọrọ nne nke nwunye Pịta (Mat. 8:5–15), kpọrọ Matiu ịbụ otu n’ime Ndị-ozi ya (Mat. 9:9), Meghere anya ndi ìsì, chụpụrụ otu ekwensu (Mat. 9:27–33), gwọrọ aka nwụrụ anwụ nke otu nwoke n’ụbọchị izu-ike (Mat. 12:9–13), nyere mkparita ụka nke achịcha nke ndụ (Jọn 6:22–65), na kwere ịkwụ ụtụ-isi nile, site na-ịgwa Pịta ka o nweta ego ahụ site na ọnụ otu azụ (Mat. 17:24–27).

Magdala Nkea bụụrụ ebe-obibi nke Meri Magdalin (Mak 16:9). Jisus bịara n’ebea mgbe o nyejụsịrị 4,000 ahụ afọ (Mat. 15:32–39), na ndị Farisi na ndị Sadusi rịọrọ ka o gosi ha otu ihe ịrịba-ama sitere n’elu-igwe (Mat. 16:1–4).

Kena Jisus gbanwere mmiri ka ọ ghọọ mmanya (Jọn 2:1–11) na gwọrọ nwa nwoke nke otu onye na-ejere eze ozi onye nọ na Kapanaụm (Jọn 4:46–54). Kena bụkwaara ebe obibi nke Nataniel (Jọn 21:2).

Nazaret Nleta Ịma-ọkwa nke mụọ-ozi nye Meri na Josef mere na Nazaret (Mat. 1:18–25; Luk 1:26–38; 2:4–5). Mgbe ọ lọtara site n’Ijipt, Jisus biri ndụ nwanta ya na okorọbịa ya n’ebea (Mat. 2:19–23; Luk 2:51–52), Mara-ọkwa na ya bụ Mesaịa ahụ, na ndi nke ya jụrụ ya ajụ (Luk 4:14–32).

Jeriko Jisus mere ka otu nwoke kpuru ìsì hụ ụzọ (Luk 18:35–43). Ya na Zakịọs rikọkwara nri-anyasị, “onye-isi n’etiti ndị ọ na-ụtụ” (Luk 19:1–10).

Betabara Jọn O Me Baptism gbara-ama na ya bụ “olu otu onye na-eti mkpu n’ime ọzara” (Jọn 1:19–28). Jọn mere Jisus baptism n’ime Osimiri Jọdan, na gbara-ama na Jisus bụ Nwa-atụrụ nke Chineke (Jọn 1:28–34).

Ọzara nke Judịa Jọn Ọ Me Baptism kwusara ozi-ọma n’ime ọzara a (Mat. 3:1–4), ebe Jisus buru ọnụ iri ụbọchị anọ, na a nwara ya ọnwụnwa (Mat. 4:1–11).

Emeus Kraịst ahụ biliworo n’ọnwụ jere ije n’ụzọ gara Emeus ya na mmadụ abụọ n’ime ndị na-eso ụzọ ya (Luk 24:13–32).

Betfagi Mmadụ abụọ ndị na-eso ụzọ dutaara Jisus nwa ịnyịnya nke ọ nọ n’elu ya malite njem mmeri ya ịbanye n’ime Jerusalem (Mat. 21:1–11).

Betanị Nke a bụụrụ ebe obibi nke Meri, Mata, na Lazarọs (Jọn 11:1). Meri nụrụ okwu nile nke Jisus, na Jisus gwara Mata okwu maka ịhọrọ ezi òkè ahụ (Luk 10:38–42); Jisus kulitere Lazarọs site na ndị nwụrụ anwụ (Jọn 11:1–44); na Meri tere ụkwụ Jisus mmanụ (Mat. 26:6–13; Jọn 12:1–8).

Betlehem A mụrụ Jisus na nyibe ya n’ihe a na-etinye nri anụ-ụlọ (Luk 2:1–7); ndị mụọ-ozi ziri ndị ọzụzụ atụrụ ozi nke ọmụmụ Jisus (Luk 2:8–20); otu kpakpandọ duziri ndị nwoke maara ihe ụzọ gaa n’ebe Jisus nọ (Mat. 2:1–12); na Herọd gburu ụmụ ntakịrị (Mat. 2:16–18).