1 Samuela 1–2

ʻAna

Ko e tali ʻa e ʻEikí ki ha fefine faivelenga

ko e lotu ʻa ʻAna mo tangi ʻi he temipalé

Naʻe fononga ʻa ʻAna mo hono husepānití ʻi he taʻu kotoa pē ki he fale ʻo e ʻEikí, ʻa e temipalé. Naʻe ʻikai ha fānau ʻa ʻAna, ko ia naʻá ne ongoʻi loto mamahi ʻaupito. Naʻá ne ʻaukai mo lotua ha kiʻi pēpē tangata. Naʻe palōmesi ʻa ʻAna ki he ʻEikí kapau ʻe ʻi ai hano foha, ʻe tupu hake hono fohá ke tauhi kiate Ia.

1 Samuela 1:1–11

ʻĪlai ʻoku talanoa kia ʻAná

Naʻe vakai atu ha taulaʻeiki ko ʻĪlai ki he tangi ʻa ʻAná. Naʻá ne talaange ki ai ʻe tali ʻe he ʻEikí ʻene lotú. Naʻe falala ʻa ʻAna ki he ʻEikí pea naʻá ne maʻu ha ʻamanaki lelei.

1 Samuela 1:12, 17–18

Ko ʻAna mo hono husepānití mo e pēpē ko Samuelá

ʻI he taʻu ko iá, naʻe fāʻeleʻi ʻe ʻAna ha kiʻi tamasiʻi. Naʻá ne fakahingoa ia ko Samuela.

1 Samuela 1:20–23

Ko hono ʻomi ʻe ʻAna ʻa Samuela kia ʻĪlai ʻi he temipalé

Naʻe tauhi ʻe ʻAna ʻene palōmesi ki he ʻEikí. ʻI he lahi feʻunga ʻa Samuelá, naʻá ne ʻave ia ke ngāue ʻi he fale ʻo e ʻEikí. Naʻá ne ngāue mo ʻĪlai, ko e taulaʻeikí. Naʻe hoko atu e ʻaʻahi ʻa ʻAna kia Samuelá. Naʻá ne ʻomi ha vala naʻá ne ngaohi maʻana. Naʻe tāpuakiʻi ʻe he ʻEikí ʻa ʻAna ʻaki ha toe fānau ʻe toko nima.

1 Samuela 1:24–28; 2:21