ʻEkesōtosi 2–3

Palōfita ko Mōsesé

Naʻe ui ke fakatau‘atāinaʻi ‘a e kakai ʻo e ‘Eikí

ko ha ‘Isipite ʻokú ne tā ha tangata ‘Isileli

Na‘e tupu hake ʻa Mōsese ko e foha ‘o e ʻofefine ‘o Feló. Na‘e sio ʻa Mōsese ki he angakovi ʻa e kau ‘Isipité ki he kakai ʻIsilelí. Na‘á ne loto-mamahi ʻi hono fakapōpulaʻi ʻe he kau ʻIsipité ʻa e kau ʻIsilelí.

ʻEkesōtosi 2:10–11

Ko hono malu‘i ʻe Mōsese ʻa e tangata ‘Isilelí

‘I ha ʻaho ʻe taha na‘e sio ʻa Mōsese ki ha tangata ‘Isipite ʻokú ne tā ha tangata ‘Isileli. Naʻe tāmate‘i ʻe Mōsese e tangata ʻIsipité ke malu‘i ʻa e tangata ‘Isilelí.

ʻEkesōtosi 2:11–14

Ko Mōsese ‘i he toafá

ʻI he ‘ilo ki ai ʻa Feló, naʻá ne loto ke tāmate‘i ʻa Mōsese, ka na‘e hola ʻa Mōsese mei ‘Isipite.

ʻEkesōtosi 2:15

ko Mōsese mo e fāmilí

Na‘e ʻalu ‘a Mōsese ki ha feituʻu ko Mitiane, ʻo ne fetaulaki ai mo ha fefine ko Sīpola. Naʻá na mali pea maʻu mo ha fānau.

ʻEkesōtosi 2:21–22

ko e mamata ʻa Mōsese ki he vao ‘akau velá

Lolotonga e nofo ʻa Mōsese ʻi Mitiané, naʻá ne sio ki ha vao ʻakau na‘e vela, ka naʻe ‘ikai ke tutu ʻe he afí ‘a e vao ʻakaú. Na‘e hā mai ‘a e ʻEikí ʻi he afí pea folofola kia Mōsese.

ʻEkesōtosi 3:1–6

Ko e folofola ʻa Sīsū kia Mōsesé

Na‘e folofola ʻa e ‘Eikí naʻá Ne ‘afioʻi ne faingataʻa‘ia ʻa e kau ‘Isilelí ʻi ‘Isipite. Na‘á Ne fekau ‘a Mōsese ke foki ki ʻIsipite pea tala kia Felo ke fakatauʻatāinaʻi ‘a e kakai ʻIsilelí. Na‘e folofola ʻa e ‘Eikí te Ne tokoniʻi ‘a Mōsese ke fakatauʻatāina‘i ʻa e kau ‘Isilelí mo tataki kinautolu ki ha fonua ʻo e tala‘ofá.

ʻEkesōtosi 3:7–18