ʻEkesōtosi 1–2

Pēpē ko Mōsesé

Ko hono malu‘i ʻo e taki ‘o e kau ʻIsilelí ʻi he kahaʻú

ʻoku mamata atu ʻa Felo ki he puleʻangá

Naʻe hoko ʻa e fāmili ‘o Sēkopé ko ha kakai tokolahi ʻaupito ʻi ‘Isipite. Naʻe ui kinautolu ko e kau ʻIsilelí. Na‘e ilifia ʻa Felo, ko e tuʻi ʻo ʻIsipité, naʻa ʻi ai ha ʻaho ʻe fuʻu tokolahi ai ʻa e kau ʻIsilelí pea te nau puleʻi ʻa ʻIsipite, ko ia ai naʻá ne ʻai kinautolu ko ʻene kau pōpula.

ʻEkesōtosi 1:7–14

ko e kau sōtia ʻoku nau sio atu ki he vaitafé

Naʻe fekau leva ʻe Felo ʻoku totonu ke tāmateʻi ʻa e ngaahi pēpē tangata kotoa pē ʻa e kau ʻIsilelí ne toki fāʻeleʻi maí. Na‘e fuʻu ilifia ‘aupito ʻa e ngaahi fāmili ‘Isilelí.

ʻEkesōtosi 1:15–22

Sokapeti, Meliame, mo e pēpē ko Mōsesé ‘i he vaitafé

Na‘e fakakaukau ha faʻē ‘Isileli ko hono hingoá ko Sokapeti ki ha founga ke fakahaofi ai hono foha ne toki fāʻele‘í. Na‘á ne faʻo ʻene pēpeé ‘i ha kato pea fūfuuʻi ‘a e kató ʻi he musie lōloa ‘i he veʻe Vaitafe Nailá. Naʻe tokanga‘i ia ʻe Meliame ko e tuofefine ʻo e pēpeé koeʻuhi ke ne malu.

ʻEkesōtosi 2:1–4

ko e ʻofefine ʻo Feló ʻokú ne pukepuke ʻa e pēpē ko Mōsesé

Lolotonga e tākele ʻa e ʻofefine ʻo Feló ʻi he vaitafé, naʻá ne ʻiloʻi ʻa e kató. Na‘á ne mamata atu ki he tangi ʻa e kiʻi pēpē ʻIsileli fie maʻu tokoní peá ne fie ohi hake ia ʻo hangē hano foha moʻoní. Naʻe haʻu ʻa Meliame ki he ʻofefine ʻo Feló pea ʻeke ange pe ʻe lava ke ne ʻomai ha fefine ʻIsileli ke ne tokangaʻi ʻa e pēpeé.

ʻEkesōtosi 2:5–6

ko e ʻofefine ʻo Feló, Sokapeti, Meliame, mo e pēpē ko Mōsesé

Na‘e ʻomi ‘e Meliame ʻa ‘ene faʻē ko Sokapetí, ki he ‘ofefine ʻo Feló. Na‘e loto-lelei ʻa e ʻofefine ʻo Feló ke ne totongi ʻa Sokapeti ke ne tokangaʻi ʻa e pēpeé.

ʻEkesōtosi 2:8–9

Ko e ʻofefine ʻo Feló, Sokapeti, pea mo Mōsese

Na‘e tupu ʻo lahi ʻa e pēpē ‘Isilelí. Na‘e ohi hake ia ‘e he ʻofefine ‘o Feló ko hono foha moʻoni. Na‘á ne fakahingoa ia ko Mōsese.

ʻEkesōtosi 2:10