“Malakai ko e Palōfitá,” Ngaahi Talanoa mei he Fuakava Motuʻá (2022)
“Malakai ko e Palōfitá,” Ngaahi Talanoa mei he Fuakava Motuʻá
Malakai ko e Palōfitá
Ko hono moʻui ʻaki e fono ʻo e vahehongofulú
Naʻe totongi vahehongofulu e kau Siú ʻaki ʻenau foaki ha vahe hongofulu ʻe taha ʻo ʻenau ngoué mo e fanga monumanú ki he ʻEikí. Naʻe tāpuakiʻi kinautolu ʻe he ʻEikí ʻi he taimi ne nau totongi vahehongofulu aí. Ka naʻe kamata ke foaki ʻe ha kau Siu ʻe niʻihi ha mā kovi pe fanga monumanu kui pe puke ko ʻenau vahehongofulú. Ne nau tuku ʻa e lelei tahá maʻanautolu.
Sēnesi 14:20; 28:22; Teutalōnome 12:6, 11, 17; Malakai 1:7–8, 12–13
Naʻe ʻikai hoifua ki ai ʻa e ʻEikí. Naʻe fakahā ʻe Malakai, ko ha palōfita, ki he kau Siú, ʻoku nau kaihaʻa mei he ʻEikí ʻi he taimi ʻoku ʻikai ke nau faitotonu ai ʻi he totongi vahehongofulú. Naʻe talaange ʻe Malakai ke nau fakatomala.
Naʻe fakahoko ʻe he ʻEikí ha talaʻofa ki he kau Siú. Kapau te nau foaki ha vahehongofulu totonu, ʻe lilingi hifo ʻe he ʻEikí ha ngaahi tāpuaki maʻongoʻonga mei he langí.