Dagiti Estoria iti Nasantuan a Kasuratan
Maaramid ni Jesucristo a Napigsa dagiti Nakapsut a Banag—Ti leksion ni Pablo manipud iti maysa a “siit”

2 Taga Corinto 12:7–10

Maaramid ni Jesucristo a Napigsa dagiti Nakapsut a Banag

Ti leksion ni Pablo manipud iti maysa a “siit”

Ni Apostol Pablo a mangisursuro kadagiti tao maipapan iti Mangisalakan.

Ni Apostol Pablo ket maysa a naindaklan a katulongan ni Jesucristo. Adu ti paltiingna ken insurona kadagiti tao ti maipapan iti Mangisalakan. Ngem adu met dagiti karit ni Pablo.

2 Taga Corinto 12:7

Ni Pablo a mangar-aramid iti maysa a surat para kadagiti miembro ti Simbaan iti Corinto.

Iti surat ni Pablo kadagiti miembro ti Simbaan, inyarig ni Pablo dagiti karitna iti kaadda ti maysa a siit a naipit iti kudilna. Daytoy ti nangpakapuy unay ken ni Pablo.

2 Taga Corinto 12:7

Ni Pablo nga agkarkararag.

Namitlo a daras, nagkararag ni Pablo ket kiniddawna iti Apo nga ikkatenna ti karitna. Ngem saan nga inikkat ti Apo daytoy.

2 Taga Corinto 12:8–9

Ti Mangisalakan a mangig-iggem kadagiti ima ni Pablo ken mangitagtag-ay kenkuana.

Imbes ketdi, imbaga ti Apo ken ni Pablo nga adda umdas a pannakabalinna a mangpapigsa ken ni Pablo. Nasursuro ni Pablo a no dadduma ti maysa a karit ket mabalin a nasayaat a banag no umasidegtayo iti Apo ken dumawattayo iti tulong. No mariknatayo a nakapuytayo, mapapigsanatayo ni Jesucristo, uray no saan a mapukaw dagiti karittayo.

2 Taga Corinto 12:9–10