Dagiti Estoria iti Nasantuan a Kasuratan
Tabita, maysa a Babai a “Napno iti Naimbag nga Ar-aramid”—Naisubli ti biagna babaen ti pannakabalin ni Jesucristo

Dagiti Aramid 9:36–42

Tabita, maysa a Babai a “Napno iti Naimbag nga Ar-aramid”

Naisubli ti biagna babaen ti pannakabalin ni Jesucristo

Ni Tabita nga agab-abel kadagiti kawes.

Ni Tabita ket maysa a napudno a disipulo ni Jesucristo. Nagnaed isuna iti maysa nga ili iti igid ti baybay, a maawagan iti Joppe. Pagay-ayatna ti agserbi ken tumulong kadagiti tao a napanglaw.

Dagiti Aramid 9:36

Ited ni Tabita dagiti kawes kadagiti tao nga agkasapulan.

Nangaramid ni Tabita kadagiti kawes ken intedna kadagiti babbai nga agkasapulan. Inayatda ni Tabita.

Dagiti Aramid 9:39

Agsakit ni Tabita.

Maysa nga aldaw, nagsakit unay ni Tabita. Nagsakit unay isu a natay.

Dagiti Aramid 9:37

Dua a lallaki ti agdardaras tapno makisarita ken ni Pedro.

Naliday unay dagiti dadduma a kameng ti Simbaan idiay Joppe. Ammoda nga adda ni Pedro, maysa kadagiti Apostol ni Jesus, iti maysa nga ili iti asideg. Nangibaonda iti dua a lallaki tapno kiddawenda ken Pedro nga agdardaras nga umasideg kadakuada.

Dagiti Aramid 9:38

Inturong dagiti tao ni Pedro ken ni Tabita.

Immay ni Pedro iti ayan ti bangkay ni Tabita. Adda sadiay ti sumagmamano kadagiti babbai a tinulongan ni Tabita. Impakitada ken Pedro dagiti kawes nga inaramidna para kadakuada.

Dagiti Aramid 9:39

Agparintumeng ken agkararag ni Pedro iti abay ni Tabita.

Kiniddaw ni Pedro iti amin a tattao a rummuarda iti siled. Nagparintumeng ken nagkararag isuna.

Dagiti Aramid 9:40

Naisubli ti biag ni Tabita.

Kalpasan ti panagkararagna, kinuna ni Pedro, “Tabita, bumangonka.” Immulagatna dagiti matana ket nagtugaw. Tinulongan ni Pedro ni Tabita a tumakder. Nagbiag manen! Inawagan ni Pedro dagiti gagayyemna nga umay mangkita kenkuana. Nasdaawda! Ammoda a naisubli ti biagna babaen ti pannakabalin ni Jesucristo. Ad-adu pay a tattao ti namati Kenkuana.

Dagiti Aramid 9:40–42