Ni Zaqueo ti Agsingsingir ti Buis

Mangul-uli iti kayo tapno makitana ni Jesus

Ni Zaqueo nga agsingsingir kadagiti buis.

Sumarungkar niJesus iti siudad ti Jerico. Adda maysa a tao nga agnagan iti Zaqueo ti agnaed sadiay. Ni Zaqueo ket maysa a nabaknang nga agsingsingir iti buis. Saan a kayat ti kaaduan a tao dagiti agsingsingir iti buis. Impagarupda nga agsingir iti adu unay a kuarta dagiti agsingsingir iti buis kadagiti tao.

Lucas 19:1–2

Pinadas ni Zaqueo a kumita ken ni Jesus iti tengnga dagiti tao.

Nangngeg ni Zaqueo nga adda ni Jesus iti siudad. Kayatna a maammuan ti ad-adu pay maipapan Kenkuana. Pinadasna a mapan kitaen ni Jesus, ngem saanna a kabaelan gapu ta nagadu dagiti tao iti aglawlawna, ken bassit unay ni Zaqueo a makiseksek kadakuada. Kasano a makitana ni Jesus?

Lucas 19:3–4

Umuli ni Zaqueo iti kayo tapno makitana ni Jesus.

Nagtaray ni Zaqueo ket immuli iti kayo tapno makitana ni Jesus. Idi lumabas ni Jesus, timmangad ket nakitana ni Zaqueo iti kayo. Inawagan ni Jesus ti naganna ket kinunana, “Bumabaka.” Kayat a sarungkaran ni Jesus ni Zaqueo iti balayna. Nagdardaras ni Zaqueo a bimmaba iti kayo. Naragsakan unay a sumarungkar ni Jesus iti balayna.

Lucas 19:4–6

Sarungkaran ni Jesus ni Zaqueo iti balayna.

Nasdaaw dagiti tao iti Jerico no apay a mapan ni Jesus iti balay ni Zaqueo. Impagaruda a managbasol ni Zaqueo gapu ta maysa nga agsingsingir iti buis.

Lucas 19:7

Kasarita ni Jesus ni Zaqueo ken ti pamiliana.

Imbaga ni Zaqueo ken ni Jesus, “Itedko kadagiti napanglaw ti kagudua dagiti sanikuak.” Kinunana a no mangala iti adu unay a kuarta iti maysa a tao, isublina kadakuada ti ad-adu pay. Imbaga ni Jesus ken ni Zaqueo, “Ita nga aldaw ti pannakasalakan iti balaymo.” Kinuna ni Jesus nga Immay Isuna a mangsapul ken mangisalakan kadagiti tao a napukaw.

Lucas 19:6, 8–10