Dagiti Aramid 8:5–24

Ni Simon ken ti Bileg ti Dios

Panangsursuro maipapan iti priesthood ti Dios

Ni Simon a mangbuybuya iti maysa nga Apostol a mangagas iti maysa a tao.

Nagnaed idiay Samaria ti maysa a lalaki nga agnagan Simon. Idi nangngegna ti ebanghelio ni Jesucristo, namati isuna. Nasdaaw pay kadagiti milagro nga inaramid dagiti disipulo ni Jesus babaen ti pannakabalin ti Dios. Nabuniagan ni Simon, ken kasta met ti adu a dadduma pay a lallaki ken babbai idiay Samaria.

Dagiti Aramid 8:5–13

Da Pedro ken Juan a mangipatpatay kadagit imada iti ulo ti maysa a tao.

Nadamag dagiti Apostol idiay Jerusalem a mabuniagan dagiti tao idiay Samaria. Napan da Pedro ken Juan iti Samaria. Babaen ti panangusar iti bileg ti Dios, ti priesthood, impatayda dagiti imada kadagiti tao a nabuniagan ket intedda kadakuada ti sagut ti Espiritu Santo.

Dagiti Aramid 8:14–17

Mangidiaya ni Simon iti kuarta a panggatang iti priesthood ti Dios.

Idi nakita ni Simon nga ar-aramiden daytoy da Pedro ken Juan, indiayana kadakuada ti kuarta ket kinunana, “Itedmo met kaniak daytoy a pannakabalin.” Kayatna a gatangen ti priesthood ti Dios tapno maitedna met ti sagut ti Espiritu Santo.

Dagiti Aramid 8:18–19

Isuro ni Pedro ken ni Simon maipapan iti priesthood.

Inlawlawag ni Pedro nga awan ti asino man a makagatang iti bileg ti Dios. Maysa daytoy a sagut manipud Kenkuana. Imbaga ni Pedro ken Simon a nasken nga agbalbaliw ti pusona. Inawisna ni Simon nga agbabawi ken agkararag iti Dios para iti pannakapakawan.

Dagiti Aramid 8:20–23

Agdawat ni Simon iti pammakawan ken ni Pedro.

Nagladingit ni Simon. Kiniddawna ken ni Pedro nga ikararaganna isuna tapno matulonganna nga agbalbaliw.

Dagiti Aramid 8:24